11. फसह

परमेश्वर वे मूसा अने हारून ने फिरोन ने कने यो केवा ने हारू मोकल्या के इजराएली;यो ने जावा दे। अणवे ऐने सेतावळी आली के अगर अणने ने जावा देगा , ते परमेश्वर मीस्त्र न मनख ने अने जानवरों ने हेत ने मार दड हे। फिरोन वे यु हमळेने होदु परमेश्वर इपर विश्वा करवा थकी अने ऐनी वात मानवा थकी नकार देदी।

परमेश्वर वे ऐने इपर विश्वा करवा वाळ केण भी पेलख सोरो ने वसाडवा ने हारू एक तरकीब नो बंदोबस करयो। हरेक परिवार ने एक वगर खोट वाळो बोकडा ने लेने ऐने मारवो हेथो।

परमेश्वर वे इजराएलियो थकी हणा बोकडा ने खून ने लेने अपड घेर ने बायणा इपर लगाडवा ने हारू केदू। अणने ऐना भाजी ने वगाखु हेथो। अने अणने अखमीरी रोटी ने हाते हेने उतावळी थकी खावु हेथू। अणेवे हणा खावाना ने खावा ने बाद अणने मिस्त्र ने सोडवा ने हारू तयार रेवा ने हारू केदू।

जेम करवा ने हारू परमेश्वर वे इजराएलिय ने हुकुम काडयु यु अणवे हेना अनुसार हेतु कई करयु अरदी रातर म परमेश्वर वे हरेक पेलखा सौरो ने मारत थक मिस्त्र ना विस म थाए ने सरकयो।

इजराएलियो न हरएक घेर न बायणा इपर लुई लागेलु हेथू। ऐतरे हारू परमेश्वर वे हणा घेरा ने सोड देद। अणना मय न हेत मनख हाज हेथ। इ बोकडा ना लुई ने खातीर वसे ज।

पोंणे मिस्त्रियो वे परमेश्वर इपर विखा ने करयो थो। अने ऐना हुकुम ने नहे मानयो थो। ऐतरे हारू परमेश्वर वे अणना घेर ने नहे सोडय। परमेश्वर वे मिस्त्रियो न हरेक एक पेलखा सोर ने मार दडय।

जेल खान न कैदीय न सोर ने लेन फिरोन न पेलख सौरे तक हरएक पेलखो नर मरे जो। आपडी उडी वेदना ने खातीर मिस्त्र न घण थक मनख गागरी रय हेथ। अने विलाप पसतावो करियय हेथ।

हणीस रातरे फिरोन वे मूसा अने हारून ने तेडाया अने केदो इजराएलीय ने लेने हमणस मिस्त्र थकी नकळे जो। मिस्त्र नी मनखा वे होद इजराएलीयो थकी एकदम नकळे जावा नो बिनती करी।