9. परमेश्वार मूसा ने तैडावे है

यूसुफ ना मरवा ने बाद ऐना हेता हगावाळा मिस्त्र म वहे जा। इ अने अणना वंश कई वरह तक मिस्त्र मस रथा अने घण सोर पैदा थाय। इ इजराएली केवाय।

कई हो वरह ने बाद, इजराएलीयो ने गणती बड़ी गई हेथी। अने मिस्त्र मनख आवु अणी वात ने हारू अभारी ने हेथ के अणनी मदद केरवा ने हारू यूसुफ वे घणु कई करू हेथू। इ इजराएलियो थकी समके जा केमके इ गणती म अण थकी घण वदू हैथ। ऐतरे हारू घणा टाइम मिस्त्र इपर राज करवा वाळा फिरोन वे इजराएलीय ने मिस्त्रियो न गुलाम बणाव देदो।

मिस्त्रियो वे इजराएलिय घणा बगला अने आ तक के कई नगर ने बणावा ने हारू मजबुर करया। हण काठी मेहनत वे अणना जीवन ने मोटो दुःखदायी बणाव देदू, पोणे परमेश्वर वे अणने आशीर्वाद आल्यो अने अणने अजु घणी सोर पैदा थाय।

फिरोन वे देख्यु के इजराएली ने घण सोर पैदा थाए रया थ, ऐतरे हारू अणे आपड मनख ने इजराएलीयो न हेत सोर ने नील नदी म फेकेन मार दडवा नो हुकुम आल्यो।

एक ख़ास इजराएली बजेर वे एक सोरा ने जनम आल्यो अने ऐना आदमी वे जेतरो थाए सके हणा सोरा ने हाते ने राख्यो।

जेर हणा सोरा ने आई बा ऐने अजू घण ने हाते सक्प, ते अणवे ऐने मार दडवा थकी वसाडवाने हारू एक तरवा वाळी टोपलो म नील नदी ने देडे इपर सरकड़ो ने विस मेल देडू। ऐनी मोटी बेन वे यु देखवा ने हारू ऐनी निगराणी करी के ऐने हाते हो था ह।

फिरोन ने सोटी वे हणी टोपली ने देखे ने हेने मय ढ़ूकी। जेर अणयी एक सोरा ने देख्यो ते अण यी ऐने आपडा सोरा ने वाणीय ले लेदो। अणयी एक इजराएली बजेर ने दूध पावा ने हारू काम इपर राखे लेदी, वगर यु जाणे के इते हणा सोरा नी ख़ास आई हेथी। जेर इ सोरो ऐतरो मोटो थाए जो के आवु ऐने आपडी भाई ना दूध नी जरुरत ने हेथी, ते अणयीफिरोन ने सोटी ने कने हेने पुगाड देदो, ऐनु नाम मुसो हेतु।

एक दाडो जेर मुसो मोटो थाए जो हैथो। ते अणे देख्यु के एक इजराएली ने कुटतो हेथो। मूसा वे आपडा हातवाळा इजराएली ने वसाडवा नो कोशिश करी।

जेर मूसा वे हुसु के ऐने कडू ने देख है ते अणे एक मिस्त्री ने मार दडयो अने ऐनी लाश ने दाटे देदी। पोणे मूसा वे जी करू हेथू। हेने कोणेके देब लेदु हेथू।

फिरोन ने पतु पड़े गयु के मूसा वे हु करयु है। अणे ने मार दडवा नी कोशिश करी, पोंणे मूसा मिस्त्र थकी ढ़ोगोर में नाहे जो। फिरोन न सैनिक ऐने ता जोए ने सक्या।

मिस्त्र थकी सिटी ढ़ोगोर म मूसा एक गोवाळ बणे जो हेथो। अणे ता एक बजेर थकी शादी कर लेदी अने बे सोरा पैदा करया।

मूसा आपडा हहरा ने बोकड न टोळा नी देखभाळ करतो हेथो। एक दाडो अणे एक बळती थकी झाडी ने देख्यो जी ख़तम थाया वगर बळती हेथी ऐने थकी बाते करी। अणयी केदू “ हे मूसा, आपडा काहड काड दड। तो एक पवित्र जगा इपर डुबो है।

परमेश्वर वे केदू में आपड मनख ने इख ने दिख्यु है। हूँ तने फिरोन ने कने ताकि तू इजराएलीज ने मिस्त्र ना गुलामी थकी काड लावे। हूँ अणने कनान देह भाले इते देह जेनू में अब्राहम इसहाक अबे याकूब थकी प्रतिज्ञा करी है।

मूसा वे पुसु अगर मनख वे जाणवा मरयु के मने कोणे ओक्ल्यो हैते हु हो के परमेश्वर वे केडू जी हु है सो हम है। अणे केइ हु है वे मने तमकने मोकल्यो है। अणे आ होदो केदो हु तमार बाप दादा अब्राहम इसहाक अने याकूब नो परमेश्वर यहोवा हूँ। यु मारू नाम हमेशा नो है।

मुसो समकतो हेथो अने फिरोन ने मेड जावा ने साहतो हथो केमके अणे हुसूपु के इते ताजू ने बोल सके, ऐतरे हारू परमेश्वर वे मूसा ना भाई हारून ने ऐनी मदद ने हारू मोकल्यो।