17. दाऊद केय संग परमेश्वर केय वाचा

शाऊल इस्राएल केय पहिला राजा रहेय| उ लम्बा आरो सुन्दर रहेय जेना उ लोग चाहे रहेय एकदम वेहन| इस्राएल पर आपन शासन केय पहिने कुछ साल मेन्य शाऊल एगो अच्छा राजा रिहेय| मगर बाद मेन्य उ ऐगो दुष्ट आदमी बेन गेलेय जेने परमेश्वर केय बात केय नायं मानलेकेय यहे लिये परमेश्वर नें ऐगो दोसर आदमी केय चुन्लाकेय जे केय एक दिन वोकर जगह पर राजा बनतेय|

परमेश्वर नें दाऊद नाम केय एक जवान इस्राएली मर्द केय चुइं केय एक दिन शाऊल केय जगह पर राजा हुवेय केय लिये तेयार करनाय शुरू कर्लेकेय| दाऊद बैतलहम नगर केय एक चरवाहा रहेय| केतना समय पर दाऊद नें सिंह आरो भालू दुनो केय माइर देलें रहेय किया कि दाऊद दुवारा रखबरी करतेय समय वोकर बाप केय भेड़ पर उ नें हमला करनें रहेय| दाऊद ऐगो नम्र आरो धर्मी आदमी रहेय| उ नें परमेश्वर पर भरोसा करलेके आरो वोकर गोप केय मानलेकेय|

जब दाऊद अभी जवान मर्द ही रहेय, उ नें लम्बा चौड़े गोलियत केय विरुद्ध लराय करलेके| गोलियत ऐगो बहुत बढ़िया सैनिक रहेय उ बहुत मजबूत आरो लगभग तीन मीटर लंबा रहेय| मगर परमेश्वर नें गोलियत केय मारेकेय आरो इस्राएल केय बचबेय मेन्य दाऊद केय मदद कर्लेकेय| ऐकर बाद दाऊद नें इस्राएल केय शत्रुओं पर काय बार विजय प्राप्त कर्लेकेय| दाऊद ऐगो बड़का सेनिक बेन गेलेय आरो उ नें बहुत सेय युद्धों मेन्य इस्राएली सेना केय अगुवाई|कर्लेकेय| लोग नें वोकर बहुते प्रशंसा कर्लेकेय|

लोग नें दाऊद सेय ऐतना प्यार कर्लाकेय कि शाऊल वोकरा सेय जले लागलेय| आखिरकार शाऊल वोकरा माइर देलेय चाहे रहेय यहे लिये शाऊल वोकरा आरो वोकरा सेनिक सेय नुकाबेय केय लिये जंगल मेन्य भाईग गेलेय| एगो दिना जब शाऊल आरो वोकर सेनिक दाऊद केय खोजेय मेन्य रहेय ते शाऊल ऐगो गुफा मेन्य गेलेय इ उहे गुफा रहेय जेकरा मेन्य दाऊद नुकाय केय रखलेय रहेय मगर शाऊल नें वोकरा नायं देखलेकेय रहेय| दाऊद शाऊल केय पीछू वोकर बहुत लिकचा चेल गेलेय आरो वोकर कपड़ा सेय ऐगो टुकरा काट लेल केय| बाद मेन्य जब शाऊल उ गुफा सेय निकलेय तेय दाऊद नें वोकर बोलाय केय उ पकरल हुवे कपड़ा केय टुकरा केय देख्लेकेय| इ रीती सेय शाऊल जाईंन गेले कि दाऊद नें राजा बनाबेय केय लिये वोकरा माईर देय सेय मना केर देल्केय|

कुछ समय केय बाद, शाऊल युद्ध मेन्य मोईर गेलेय आरो दाऊद इस्राएल केय राजा बेन गेले| उ एक बढ़िया राजा रिहे आरो लोग नें वोकरा सेय प्रीति राखल केय| परमेश्वर नें दाऊद केय आशीषित कर्लेकेय आरो वोकरा सफल बनेल केय| दाऊद नें कत्ते युद्ध लार्लेकेय आरो परमेश्वर नेंय इस्राएल केय दुश्मन सब केय पराजित करे मेन्य वोकर मदद कर्लेकेय| दाऊद नें यरूशलेम नगर केय जित केय वोकरा आपन राजधानी बनेल्केय जहाँ उ रहेय आरो शासन कर्लेकेय| दाऊद चालीस साल तक राजा रहले| इ समय केय दौरान, इस्राएल सामर्थी आरो धनवान बेन गेलेय|

दाऊद ऐगो मंदिर बनाबेय लेय चाहेय रहेय जहाँ सब इस्राएली परमेश्वर केय आराधना केर सके आरो ओकर लिये बलिदान चढ़ाय सकेय| लम सम 400 साल सेय उ लोग मूसा केय बनेल्का मिलाप बाला तंबू मेन्य परमेश्वर केय आराधना केर रहल रहेय आरो वोकर लिये बलिदान चढ़ाबेय रहल रहेय|

मगर वहाँ नातान नाम केय ऐगो भविष्यद्वक्ता रहेय| परमेश्वर नें वोकरा दाऊद सेय इ कहे केय लिये भेजलकेय तोय बहुत सेय युद्ध लड़ने छि यहे लिये तोय हमरा लिये इ मंदिर केय नायं बनेभी| तोहर बेटा ऐकरा बनेते| तब भी हम्मे तोरा बहुतायत सेय आशीषित करबोय| तोहर ऐगो वंशज सदा केय लिये हमर लोग पर राजा केय रूप मेन्य शासन करतेय सदा केय लिये शासन करे बाला उ दाऊद केय एकमात्र वंशज मसीह रहेय| मसीह परमेश्वर केय चुनलका आदमी रहेय जे संसार केय लोग केय वोकर पाप सेय बचेतेय|

जब दाऊद नें नातान केय संदेश केय सुनलके तेय उ नें परमेश्वर केय धन्यवाद करलेकेय आरो वोकर स्तुति कर्लेकेय|। परमेश्वर वोकर प्रतिष्ठा केय बढ़ाय रहल रहेय आरो वोकर बहुत आशीषें देय रहल रहेय|। बेशक, दाऊद नेय जानेय रहेय कि परमेश्वर इ बात केय सब करतेय| इ समय हम्मे जानेय छिये कि इस्राएलियों केय ऐगो लम्बा समय तक लमसम 1,000 साल तक मसीह केय आबेय केय इंतजार करेलेय परतेय|

दाऊद नें काय साल तक न्यायपूर्वक आपन लोग पर शासन कर्लेकेय| उ नें बरी निष्ठा सेय परमेश्वर केय बात केय मानलकेय आरो परमेश्वर नेय ओकरा आशीषित करलकेय| लेकिन आपन जीवन केय लास्ट मेय उनेय परमेश्वर केय विरुद्ध भयानक पाप करने रहेय|

ऐगो दिना दाऊद आपन महल सेय बाहर देखलेकेय आरो ऐगो सुन्दर महिला केय नाहाबेत देखलेकेय| उ वोकरा नायं जानेय रहेय मगर उनेय मालूम केर लेलकेय कि वोकर नाम बतशेबा रिहेय|

आपन दृष्टि केय फेर लेके बजाए दाऊद नें वोकरा आपन पास लावयकेलिए केकरो भेजदेलकेय| उ ओकर साथ सूतलेय आरो ओकरा आपस घोर भेज देलकेय| कम समय केय बाद बतशेबा नेय इ कहल केय दाऊद केय पास संदेश भेज लेकेय कि उ गर्भवती छेय|

बतशेबा केय पति ऊरिय्याह नाम केय एगो आदमी रहेय|उ दाऊद केय उत्तम सैनिकों मेन्य सेय ऐक रहेय| इ समय उ युद्ध करे केय लिये बाहर गेल रहेय| दाऊद नेय ऊरिय्याह केय युद्ध सेय वापिस बुलाय केय उनेय आपन कनियाँ केय साथ रहेय केय केय लिये कहलकेय मगर आरो सैनिक युद्ध मेय रहेय यहेलिये ऊरिय्याह नेय घोर जाय सेय मना केर देलकेय| अतः दाऊद नेय ऊरिय्याह केय वापिस युद्ध मेय भेज देलकेय आरो सेनापति सेय ओकरा युद्ध मेय ऐसन जगह पर राखे केय लिये कहलकेय जहाँ दुसमन सबसेय शक्तिशाली रहेय ताकि उ माइर देल जाय| तेय ऐहेन भेलेय कि ऊरिय्याह युद्ध मेय मारल गेलेय|

ऊरिय्याह केय युद्ध मेय मोइर गेला केय बाद दाऊद नेय बतशेबा सेय विहा केर लेल्केय|बाद मेय उनेय दाऊद केय बेटा केय जन्म देलकेय|। दाऊद नेय जेय करलकेय ओकरा सेय परमेश्वर बहुत क्रोधित रहेय अहेय लिये उनेय नातान भविष्यद्वक्ता दाऊद केय इ बतावयकेय लिये भेजलकेय कि ओकर पाप केतना खराब रहेय| दाऊद नेय आपन पाप केय पश्चाताप करलकेय आरो परमेश्वर नेय ओकरा माफ कइर देलकेय| आपन बांकी जिन्दगी मेय आपन कठिन समय मेय भी दाऊद परमेश्वर केय पीछू –पीछू गेलेय आरो ओकर बात केय मानलकेय

मगर दाऊद केय बच्चा मोइर गेलेय| इ रीति सेय परमेश्वर नेय दाऊद केय दंडित करलकेय ऐकर अलावा दाऊद केय मरय तक उनेय आपन परिवार केय कुछ लोग नेय ओकर विरुद्ध झगरा करलकेय आरो दाऊद केय अपन शक्ति कम होय गेल रहेय|लेकिन परमेश्वर विश्वासयोग्य रहेय आरो अभी तक उनेय वेहाय करलकेय जेय उनेय दाऊद सेय करयलेय वादा करने रहेय कि उ करतेय ताकि दाऊद नेय ओकर अवज्ञा करनेय रहेय बाद मेय, दाऊद आरो बतशेबाकेय दोसर बच्चा जन्म होलय आरो उनेय ओकर नाम नाम सुलैमान राखलेकेय|