18. विभाजित राज्य

दाऊद राजा ने चालीस साल तक शासन कर्लेकेय| तब उ मोईर गेले आरो वोकर बेटा सुलैमान ने इस्राएल पर शासन करनाय शुरू करलेकेय| परमेश्वर नें सुलैमान सेय बात कर्लेकेय आरो वोकरा सेय पूछलेकेय कि उ सबसे ज्यादा कि चाहे छि कि परमेश्वर वोकर लिये कर| सुलैमान नें परमेश्वर सेय मंग्लेकेय कि उ वोकरा बहुत बुद्धिमान बनाय देहि| इ बात नें परमेश्वर केय खुश कर्लेकेय यहे लिये परमेश्वर नें सुलैमान केय दुनियाँ केय सबसे बुद्धिमान आदमी बनाय देलकेय| सुलैमान नें बहुत सेय बात केय सीख लेकेय आरो उ ऐगो बुद्धिमान शासक रहेय| परमेश्वर नें वोकरा बहुत धनवान भी बनाय देले रहेय|

यरूशलेम में सुलैमान नें उ मंदिर केय बनालकेय जेकरा लिये वोकर बाप नें योजना बनाले रहेय आरो सामना केय जामा करने रहेय| आब लोग मिलाप बाला तंबू केय बजाय मंदिर मेन्य परमेश्वर केय आराधना करे रहेय आरो वोकरा लिये बलि चढ़बेय रहेय| परमेश्वर आकर मंदिर मेन्य उपस्थित रहेल करे रहेय आरो वहां आपन लोग केय संग वास करे रहेय|

मगर सुलैमान नें दोसर देश केय महिला सेय प्रेम करलेकेय| उनें बहुत सब लमसम 1000 महिला सेय बिहा करे के परमेश्वर केय अवज्ञा कर्लेकेय ये में सेय बहुत महिला दोसर देश सेय आईलेय आरो आपन संग आपन दोसर देवता केय लेलकेय आरो वोकर उपासना करनाय चालू राख लेकेय| जब सुलैमान बुढा होय गेलेय ते उनें भी वोकर देवता सब केय उपासना करलेकेय|

इ वजह सेय परमेश्वर सुलैमान सेय गुस्सा रहेय| उनें कहलकेय केय उ इस्राएल देश केय दु राज्य मेन्य विभाजित करे केय दुवारा वोकरा दंड देतेय| उ सुलैमान केय मरे केय बाद ऐहान करतेय|

सुलैमान केय मरे केय बाद रहबाम राजा बनलेय| इस्राएल देश केय सब लोग वोकरा आपन देश केय राजा केय रूप मेन्य स्वीकार करे केय लिये एक संग जामा भेलेय| उनें रहबाम सेय शिकायत कर्लेकेय कि सुलैमान नें वोकरा सेय बहुत कठिन परिश्रम करवेनेय रहेय| आरो बहुत सेय कर्ज वसूल लेय रहेय उनें रहबाम सेय अनुरोध कर्लेकेय कि कम काम करवबेय|

मगर रहबाम नें वोकर बड़का ही मूर्खता सेय जबाब देल्केय तोय कहे छि के हमर बाप सुलैमान नें तोरा सेय कठिन पारिश्राम करवेलकेय| मगर हम्मे तोरा सेय वोकरा सेय भी अधिक कठिन परिश्रम करवेबोय आरो हम्मे तोरा वोकरा सेय भी ज्यादा पीड़ित करबो|

जब लोग नें वोकरा ऐसन कहतेय सुन्लेकेय तेय वोकर मेन्य सेय काय गो नें वोकर विरुद्ध बलवा कर्लेकेय| दस गोत्र नें वोकर छोईर देल्केय वोकर संग आब केवल दुइ गोत्र ही बचलेय| इ दुई गोत्र नें खुद केय यहूदा केय राज्य कहलकेय|

बाकी केय दस गोत्र नें यारोबाम नाम केय ऐगो मर्द केय आपन राजा बनाय लेल्केय| इ गोत्र देश केय उत्तर-पूर्वी भाग में रहेय| उनें खुद केय इस्राएल केय राज्य कहल्केय|

मगर यारोबाम नें परमेश्वर नें विरुद्ध बलवा कर्लेकेय आरो लोग सेय पाप करवेल केय| उनें आपन लोग केय द्वारा उपासना करे केय लिये दुईगो मूर्ति केय बनेलकेय| उ आब यहूदा केय राज्य मेन्य यरूशलेम में परमेश्वर केय मंदिर मेन्य वोकर आराधना करे केय लिये नायं गेलेय|

यहूदा आरो इस्राएल केय राज्य दुश्मन बेन गेलेय आरो अक्सर एक दूसरे केय विरुद्ध लरे लागलेय|

इस्राएल केय नये राज्य मेन्य सब ही राजा दुष्ट रहेय| इ मेन्य सेय कायगो राजा वोकर जगह पर राजा बने केय चाह रखेय बाला दोसर इस्राएलियों केय द्वारा मारल गेल रहेय|

इस्राएल राज्य केय सब ही राजा नें आरो अधिकतर लोग नें मूर्ति केय उपासना करलेकेय| जब उ नें ऐसान कर्लेकेय ते उ अक्सर वेश्या केय संग सुतलेय आरो यहाँ तक केय काय बार मूर्ति केय आगू बच्चा केय बलि भी कर्लेकेय|

यहूदा राज्य केय राजा दाऊद केय वंशज रहेय| इ राजा मेन्य सेय काय गो भला आदमी रहेय जे नें न्यायपूर्वक शासन कर्लेकेय आरो परमेश्वर केय आराधना कर्लेकेय|मगर यहूदा केय अधिकांश राजा दुष्ट रहेय| उ नें दुष्टता सेय शासन कर्लेकेय आरो मूर्ति केय उपासना कर्लेकेय| यहाँ तक कि इ मेन्य सेय कुछ राजा नें झूठा देवता केय आगू आपन बच्चा केय भी बलि केर देल्केय| यहूदा केय अधिकतर लोग नें भी परमेश्वर केय विरुद्ध बलवा कर्लेकेय आरो दोसर देवता सब केय उपासना कर्लेकेय|