34. यीशु दूसरी कहानियों की शिक्षा देता है

यीशु नें परमेश्वर केय राज्य केय बारे मेन्य दोसर बहुत सारा कहानी सुनयलेकय| उदाहरण केय लिए उ नें कहलकेय "परमेश्वर केय राज्य एक राइ केय बिया केय समान छे जेकरा कोय नायं आपन खेत मेन्य रोईप देलकय| तोंय जानय छें कि राइ केय बिया सब बिया मेन्य सबसे छोटा होय छेय|”

लेकिन जब राइ केय बिया बेढ जाय छेय तेय उ बगीचा केय सब गाछ मेन्य सबसे बड़का होय जाय छेय,एतना बोर कि पक्षीआईकेय वोकर शाखा पर आराम करेय छेय|”

यीशु नें एक दोसर कहानी बताईलक्य परमेश्वर केय राज्य खमीर केय समान्य छे जेकरा लायकेय एक महिला आटा केय पिंड मेन्य मिलाय देय छेय तब उ सब पिंड मेन्य फेल जाय छेय|”

स्वर्ग केय राज्य उ खजाना केय समान छे जेकरा कोय नेंय खेतो मेन्य छुपाय देलकेय|कोनो दोसर आदमी केय उ खजाना मिल गेलेय आरो उ नें वोकरा लेय केय बहुत कोशिस करलकेय|यहालिये उ नें वोकरा फेरो सेय गायर देलकेय|उ आनन्द सेय एतना भरल रहेय कि उ नें जाय केय आपन सब कुछ बेच देलकय ताकि वें उ खेत केय खरीद सके जहाँ उ खजाना रहेय|”

स्वर्ग केय राज्य एक बहुत कीमती शुद्ध मोती केय समान भी छेय| जब कोय मोती केय व्यपारी वोकरा पाय लय छे तेय उ वोकरा खरीदेय केय लिये आपन सब कुछ बेच देय छेय|”

वहाँ कुछ लोग रहेय जेय सोचय रहेय कि परमेश्वर वोकरा यहालिये स्वीकार करतेय किया कि उ भला काम करेय छे| इ लोग एहन लोग केय तुच्छ मानय रहेय जेय उ भला काम केय नायं करेय रहेय|यहालिये यीशु नें वोकरा इ कहानी बताईलकय"दुई मरद रहेय आरो दुनों प्रार्थना करेय केय लिये मंदिर मेन्य गेलेय वोकरा मेन्य सेय एगो चुंगी लेय वाला रहेय,आरो दोसर एक धार्मिक अगुवा रहेय|”

उ धार्मिक अगुवा नें इ प्रकार सेय प्रार्थना करलकेय, 'हे परमेश्वर तोहर धन्यवाद छे कि हम दोसर लोग केय समान जेहन किय डाकू अन्यायी आदमी,, व्यभिचारी, या यहाँ तक कि यहाँ पर उपस्थित उ चुंगी लेय वाला केय समान एक पापी नायं छिये|

उदाहरण केय लिए हम्मे हर सप्ताह मेन्य दुई बार उपवास राखेय छिये आरो हम्मे हमरा मिलय वाला धन आरो समान केय दसवाँ हिस्सा तोरा देय छियो।

लेकिन उ चुंगी लेयवाला उ धार्मिक अगुवा सेय बहुत दूर खड़ा होय गेलय|उ नें ऊपर स्वर्ग केय ओर आँख भी नायं उठायल्केय|एकर बजाय, उ नें आपन मुट्ठी सेय आपन छाती केय पिटल केय आरो प्रार्थना करलकेय, 'हे परमेश्वर कृपा कर केय हमपेय दया कर किया कि हम्मे ऐगो पापी छिये|”’

फेरो यीशु नें कहलकेय, "हम तोरा सेय सच कहेय छिये, परमेश्वर ने उ चुंगी लय वाला केय प्रार्थना केय सुनलकेय आरो वोकरा धर्मी घोषित करलकेय|लेकिन उ नें उ धर्मी अगुवा केय प्रार्थना केय पसंद नायं करलकेय। परमेश्वर हर एक घमंडी केय सर केय निचा करते,लेकिन वें हर उ आदमी केय आदर देतय जेय खुद केय नम्र करय छेय|”