يسوع يعلم قصص تانية

يسوع اتكلم عن قصص تانية كتيرة عن ملكوت الله. مثلا هو قال: "ملكوت الله بشبه بزرة الخردل الزول زرعو في حقلو. انت بتعرف انو بزرة الخردل هي اصغر بزرة من كل البزور!".

"لكن لمن بزرة الخردل تنمو، بتبقي اكبر الاشجار في الحقل، حتي الطيور تجي وتقعد في فروعها".

يسوع قال قصة تانية "ملكوت الله بشبه خميرة، المراة عجنته مع الدقيق لحدي الخميرة انتشرت في العجين".

"ملكوت الله كمان بشبه كنز زول دساهو في الحقل، زول تاني لقي الكنز وكان دايرو شديد. عشان كدا دفنو تاني. هو كان فرحان شديد حتي مشي و باع كلو حاجة عندو عشان يشتري الحقل الكان فيهو الكنز".

"ملكوت الله كمان بشبه اللؤلؤة الكويسة العندها قيمة عظيمة. لمن تاجر اللؤلؤ لقاها، باع الحاجات الكان عندو عشان يقدر يشتريهو".

كان في بعض الناس بفتكروا انو الله بيقبلهم عشان بعملوا حاجات كويسة . الناس ديل بستهتروا بالتانيين الما بعملوا حاجات كويسة. عشان كدا يسوع كلمهم بالقصة دي "كان في اتنين راجل , كلهم مشوا للهيكل عشان يصلوا. واحد منهم كان جامع ضرائب و التاني كان القادة الدينيين".

القائد الديني صلي بالطريقة دي، شكرا يا الله، انا ما خاطي زي الرجال التانيين - زي الحرامية، الرجال الظالمين، الزناة او حتي ما زي جامع الضرائب الهناك".

"مثلا، انا بصوم مرتين في كل اسبوع و بديك عشرة في المية من قروش والبضائع البلقاهو".

"لكن جامع الضرائب وقف بعيد من القائد الديني. حتي هو ما عاين فوق للسماء. بدل ده دقى صدره بيدو وصلي، من فضلك ارحمني يا الله لانو انا خاطي".

بعد داك يسوع قال: "انا بقول ليكم الحقيقة، الله سمع صلاة جامع الضرائب و اعلنو انو هو بار. لكن هو ما قبل صلاة القائد الديني. الله ما بكرم كلو زول متكبر، لكن هو حيكرم اي زول متواضع".