قصة الاب الحنون

في يوم من الايام، يسوع كان بيعلم ناس كتار اجتمعوا عشان يسمعوه. ديل كانوا الناس البجمعوا الضرائب وكمان الناس التانين الما بحاولوا يطيعوا ناموس موسي.

بعض القادة الدينيين شافوا يسوع بتكلم للناس ديل زي اصحابو. عشان كدا هم بدوا يكلموا بعضهم انو هو كان بيعمل غلط. يسوع سمع كلامهم. عشان كدا هو قال ليهم القصة دي.

"كان هناك في راجل عندو اتنين ولد. الولد الاصغر كلم ابو، ابوي، انا داير ميراثي هسه! عشان كدا الاب قسم ممتلكاتو بين اولادو الاتنين".

"طوالى الولد الصغير لملم كل الكان العندو ومشي بعيد وضيع قروشو في حياة الخطيئة".

"بعد داك، حصل مجاعة شديدة في البلد الكان فيه الولد الصغير وهو ما عندو قروش عشان يشتري بيهو اكل. عشان كدا هو قبل الشغل الوحيد اللقاهو، اطعام الخنازير. هو كان تعبان و جعان داير ياكل اكل الخنازير".

"في النهاية، الولد الصغير قال لنفسه، انا قاعد اعمل في شنو؟ كل خدام ابوي عندهم الكتير عشان ياكلوا و انا هنا جعان. انا برجع لابوي و بساله عشان اكون كواحد من خدامه".

"عشان كدا الولد الصغير مشي تجاه بيت ابوه. لمن هو كان لسه بعيد، ابوه شافو وشعر بحنان ليهو. جري لولده حضنوه وقبلوا".

"الولد قال: ابوي انا اخطات ضد الله و ضدك. انا ما بستحق عشان اكون ولدك".

"لكن ابوه كلم واحد من خدامو، امشىي بسرعة و جيب افضل الملابس ولبسوه لولدي! خت خاتم في اصبعوا وشبشب في رجله. وبعد داك اذبح افضل عجل عشان يكون عندنا وليمة ونحتفل؟ لانو ولدى كان ميت؟ لكن هسي هو حي! هو كان رايح ، لكن هسي لقيناهو".

"بعد داك الناس بدوا يحتفلوا. ما مشي زمن طويل، الولد الكبير رجع من الشغل في المزرعة. سمع الاغاني و الرقص و استغرب ده شنو القاعد يحصل".

"لمن الولد الكبير عرف انو كانوا محتفلين عشان اخوه جاء البيت بعد داك هو بقي زعلان شديد و ابى يدخل البيت، ابوه طلع بره و هنسو عشان يجي و يحتفل معاهم، لكن هو رفض".

"الولد الكبير قال لابوه: كل السنين ديل انا اشتغلت ليك بامانة! انا ما عصيتك و لسه انت ما اديتني حتي غنامية واحدة صغيرة عشان اقدر احتفل مع اصحابي. لكن ولدك ده ضيع قروشك بعمل الحاجات الخاطئة. لمن هو جاء، ذبحت ليهو افضل عجل!"

"الابو جاوب، يا ولدي، انت دائما معي، وكل حاجة عندي هو حقك. لكن هو صح لينا عشاننحتفل، عشان اخوك كان ميت، لكن هسي هو حي. هو كان رايح. لكن هسي لقيناهو!"