30. यीशु नइ हजार मी मंग जा दुक्लग सुग्फुन्ता

यीशु सै अपिगे प्रेरितों गे प्रचार सुग्मो हग मी मग जा शिक्षा दाम दग्ची मथे यकरौ यकरौ सोग को लाइसौ| ता उसीसे उजा बतासों की उसीसे खे कसुग्दे निसो| तब यीशु से उसीजा झील गे दसरो तोक्सा उसिगे जोरो तिगे शान्त बग को देगे खइ समय आराम सुग्मो दग्ची गल्न्नचौ| अति तिगै नाव को लोक्सीसो हग झील गे दसरो तोक्सा पुदै|

परन्तु आतको अछौ मी मंग निन्चो जइ मंग सै यीशु हंग डगमी जा नाव को दैदे तिन्सौ| अइ मी मग उसिते लरे झील गे टम्यर-टम्यर को फोग्सो|जब यीशु हग चेले नब्न्नचौ ता मी मग गे तिगे पोदे समूह उसिगे दग्ची रिन्चिगंन अतको लरे ची निसो|

अति भीड़ को खुतिस्या हग सन्मंग गे गिनती गे बिना नई हजार चंग मथे सीरी निन्न्चो|यीशु से अती मी मंग जा पोदे तरस जासो| यीशु गै दग्ची अति मी मग बिना रोक्सिदे माला गे समान निन्चो| अइ दगची अतिसे उसीजा शिक्षा दासो हग उसिगे गुंन्दा जइ मी मग कग्थै निन्चो उसीजा चगा हुग्सो|

नीछ गे निगम जे, चेले से यीशु जा लुक्सो, “थन डील कल्लै हंग तमो दिमो खमी मुनिसो| अइ मी मग जा विदा हुग्यो ताकि अति देगे जाम दग्ची खै लै|”

परन्तु यीशु से चेले से लुक्सो, “गन उसीजा जाम दग्ची खइ दनी!” उसीसे जवाब दासो, “इन अइना हम सुग तर्खने? इगै तुतो केवल नई कोटो हग निसे मीदे न्या इन|”

यीशु सै अपिगे डगमी जा लुक्सो की अति भीड़ कोची मी मग जा ची को नइसा-नइसा गे समूह को सोग्सिम दग्ची लोनी|

तब यीशु से नइ कोटो हग निसे न्या जा कोरगे स्वर्ग गे तोक्सा दोब्सो, हग अति दुक्लग गे दग्ची परमेश्वर गे धन्यवाद हुग्सो|

ह्जू यीशु से कोटो हग न्या गे तर को किस्सो| अतिसे मी मग जा दाम दग्ची अपिगे ड़ग्मी जा अति तर क्दाते| ड़ग्मी अति दुक्लग जा छूगे तासो, हग अति खज़ा री समाप्त मुलिचो! हग जम्मा मी मग से दनकोकै जासो|

अतिगे निगम, चेले से अति दुक्लग जा छूगे तासो जइ जा मत्र्सिदै निसो हग अति चथै टोकरि मग बिन्म दग्ची मथै निसो! अति जम्मा दुक्लग अति नइ कोटो हग निसे न्या कोची पिरादे निसो|