29. स्यौ काग्थै ड़ग्मी गै कथा

तिगे ज्या, पतरस से यीशु जा रूसो, “हे स्वामी, जीजा आपीगे नुनु जा ओलग्चो क्षमा सुग्मो ले जब अति जिगे विरुद पाप सुग्ता? खै निसै वासे?” यीशु से लुक्सो, “निसे चो मुनि, परन्तु निसे गे टुग्छा ची बार!” अइगै द्वारा, यीशु गे मतलब ले की इन्जा क्षमा सुग्मो चिन्खन| तब यीशु से अइ कथा बतासों|

यीशु से लुक्सो, परमेश्वर गे राज्य तिगे समान इन जइ अपिगे दास जा री फुन्मो चिन्खै निसो| आतिगे तिगे दास निसे लाख यीन गे मजदुरी गे तिगे पोदे कर्ज गे कर्जदार निसो|”

परन्तु अति दास अपिगे कर्ज जा चुन मत्र्सिसो, अइ दग्ची राजा से लुक्सो, “अइगै कर्ज चुकाम गे दग्ची अइ योरासिरी जा हग अइगै चुकोची मग जा डग्मी गे रूप को रगंतिनी|”

“अति दास से राजा गे नेरो अपिगे पे चुगे लके लुक्सो, ‘कृप्या जिगे जोरो सब्र ताइ, हग जे आपीगे कर्ज जा पुरो रकम गे भुगतान सुग्तैयंग|’ राजा से डग्मी तै स्यौ काग्सो, अइ दग्ची अतीसै उसिगे जम्मा कर्ज क्षमा कसुगते हग अतिजा देलंग तासो|”

“परन्तु जब अति ड़ग्मी राजा गे नेरो कोची छम्पंग देसों, ता उजा तिगे साथो ड़ग्मी छिसौ जइ उगे पी यिन गे मजदूरी गे कर्जदार निसो| अति दास से अपिगे साथो ड़ग्मी जा कचुमते हग लुक्सो, जइ नगे यरतो कर्ज इन जीजा अतिगे भुगतान सुग्यो!”

“अति साथो ड़ग्मी से पे को गीग्गै लुक्सो, ‘कृप्या जीते जोरो धीरज ताइ, हग जे आपिगे कर्ज जा पुरो रकम गे भुगतान सुग्तेयंग|’ परन्तु अइगै बजाए, अति ड़ग्मी जा जेलखाने को कमोकते अत्लग वासे की औ अति कर्ज गे भुगतान मुसुग्तेयंग|”

“जइ खरी कलते निसो अतिजा खइ यकरौ ड़ग्मी से तिनसो हग अति मथे परेशान लिच्चौ| अती राजा गे नेरो देसों हग जम्मा खइ बतासों|”

“राजा से अति जा गलगे लुक्सो, ‘हे यदे ड़ग्मी!जिसे नगे कर्ज जा अइ दग्ची क्षमा कसुगते खव्की गन्सै जिते विन्ती कसुग्दै निसो| गन्सै री अइना सुग्मो निसौ|’ राजा औलंग रुसू पिरादे निसो की अतिसे अति यदे ड़ग्मी जा जेलखाने को कमोकते जब की अति अपिगे जम्मा कर्ज गे दुबारा भुगतान मुसुग्तैयंग|”

तब यीशु से लुक्सो, “जिगे स्वर्ग को सोगसीदे बा गनी को ची जम्मा तिगे साथो अइना सुग्यंग यदि अपिगे नुनु जा अपिगे सिसो कोच्ची क्षमा मुसुग्सो|