28. स्यग्मी जोद शासक

तिगै ज्या, तिगै स्यग्मी जौद शासक सै यीशु गै नैरौ रागै अतीजा रुसौ, “हे बड़िया गुरु, निग्म जीवन माम गै दग्ची जीजा खै सुग्मो ले?” यीशु सै अतीजा लुक्सौ, “गन जिजा ‘बड़िया’ खउ लुक्तनौ? केवल तिगै बड़िया इन हंग अती परमेश्वर इन| परन्तु यदि गन निगम जीवन माम चिन्खै निसौ ता परमेश्वर गे नियम गे पालन हुग्यो|”

“जिजा खमी खमी को ची नियम गे पालन सुग्मो गे जरुरत इन?” आतिसे रूसो| यीशु से जबाब दासो, “हत्या मुसुग्मो| झूठ म्फामो|आपीगे बा हग ना गे आदर सुग्मो, हग पडोसी से अपिगे रोकते प्रेम सुग्मो|”

परन्तु अति जोद योरासिरी से लुक्सो, “जे अपिगे शन्दैपन कोची अइ जम्मा आज्ञाओं गे पालन सुग्गे पिरादे इने| जीजा हमेशा दग्ची टगदे नीम दगची इता री खे सुगम गे जरवत इन ?” यीसु से अती को दृष्टि हुगसो हग अतिते प्रेम हुगसो|

यीशु से जवाब दासो, “यदि गन सिद्ध लिम चिन्खे निसो ता देगे आपीगे जम्मा खई रग्ते हग अति रुपया गरीब मग जा कछुते, हग गन्जा स्वर्ग को रुपया तिन्सियंग| तब रागे जिगे निम्फन लेलो|”

जइ यीशु सै लुक्सो जत्लग उसे जोदै योरासिरी से यन्सौ ता मथै उदास कलते, खव्की अती मथै स्यग्मी निसौ हंग उसे आपीगे जम्मा सम्पति मदाम चिन्खै निसो| अति फन्सिगै यीशु गै तुतौ पुदै|

तब यीशु सै आपिगे ड़ग्मी जा लुक्सौ, “परमेश्वर गै राज्य कौ स्यगी मी मग रामं लचंग मुश्किल इन! औ, तिगै स्यगंमी योरासिरी जा स्वर्ग गै राज्य को राम औलंग मुश्किल इन जत्लंग की ऊट गै छब गै ड़ोग्ठोगं कौची लिकै राम|”

जइ यीशु सै लुक्सौ जब ड़ग्मी से यन्सौ ता उसी हा कल्लै, “यदि अइ अइना लै ता परमेश्वर खमीजा बचायंग?”

यीशु सै ड़ग्मी जा दृष्टि गै तोक्सा लुक्सौ, “मी मंग गै दग्ची अपीजा पाप सै बचाम मुस्किल इन|परन्तु परमेश्वर दग्ची खइ री सुग्म मुस्किल मुनि|”

पतरस सै यीशु जा लुक्सौ, “इन ड़ग्मी अपीगै जम्मा खइ होकै लकै नगे निम्फन लिनै सौ| ता इगै इनाम खै लियंग?”

यीशु सै जवाब दासो, “जम्मा तिगे मी जइसै जिगै कारण चिम्जा, नुनु, रिन्स्या,बा, ना, सन्मंग,हंग सम्पति जा पाहोतै इन, अती उसीतै सई गुना अछौ मथै जइ निग्म इन अती लरै नियंग|”