27. दयालु सामरी[सौग कौ बस्तै मी] गै कथा

तिगै ज्या, यहूदी नियम गै तिगै लादै यीशु गै तुतौ रासौ| अती जम्मा जा अती दिखाम चिन्खै निसौ कि यीशु यदै रीति सै शिक्षा दागै तासौ| अइ दग्ची उसै लुक्सौ, “हे गुरु, निग्म जीवन माम गै दग्ची जिसै खै सुग्मौ?” यीशु सै जबाव दासौ, “परमेश्वर गै नियम कौ खै करिसिदै इन?”

अती मी सै लुक्सौ, “उसै लुक्तै लै की अपीगै परमेश्वर तै अपीगै जम्मा मन, सिसौ, तरथै, हंग बुद्धि तै प्रेम ताइ|” यीशु सै जबाव दासौ, “गन एकदम साचौ इनौ! यदी गन्सै निग्म जीवन प्राप्त लियंग|”

परन्तु अती नियम गै लादै मी मंग जा दिखाम चिन्खै निसौ कि अतीगै जीवन टग्मौ गै नौक्सम बुदै निसौ| अइ दग्ची उसै यीशु जा रुसु, “बुदै इन, ता जिगै पड़ोसी खमी लै?”

यीशु सै अती नियम गै लादै तिगै कथा बताम गै द्वारा जवाब दासौ| “तिगै यहूदी मी निसौ जइ तिगै अमं कौची लिकै यरूशलेम कौ यहीरो वासै यात्रा सुग्गै निसौ|”

“परन्तु खमी खुदै मंग सै उजा दौब्सौ हंग अती जा हमला कसुग्तै| उसीसै अतीगै जम्मा प्यकौरंतै हंग उजा लगभग हिचिम वासै लुब्गै तब्गै| तब उसी पुदै|”

“अतीगै तुरन्त निग्म,तिगै यहूदी पुजारी अती अम कौची लिकै दैसौ| अती पुजारी सै अती मी जा अमकौ चरगुन्दै तिन्सौ| जब अतीसै उजा तिन्सौ ता अती अम कौ दसरो तोक्सा दैगै लरै पुदै| अतीसै अती मी जा पूरो तरह सै मितिन्दै कसुग्तै|”

अइगै निग्म खइ बक्तर बित्म कौ, तिगै लेवी अती अम कौ रासौ|[लेवी यहूदियो गै तिगै गोत्र निसौ जइसै मंदिर कौ यहूदी पुजारी गै मदत हुग्सौ|] अती लेवी री अम गै दसरौ तौक्सा ची पुदै| अतीसै री अती मी जा मितिन्दै कसुग्तै|”

“यकरौ जन जइ अती अम कौ रासौ अती सामरिय गै तिगै यौरासिरी निसौ|[सामरी हंग यहूदी तिगै दसरौ तै मिठौ मितिन्दै लै] अती सामरी सै अम कौ अती मी जा दौब्सौ| अतीसै तिन्सौ की अती यहूदी निसौ, परन्तु हजु री अतीसै अतीकौ पौदै तरस जासौ| अती अतीगै नैरौ दैसौ हंग अतीगै घाव कौ पट्टि गिसौ|”

“हंग अती सामरी सै अती मी जा अपीगै बौक्च कौ मौक्सौ हंग अतीसै अती अम कौची तिगै सराय[यात्री मंग ब्सम मंग] कौ कौरंगै दिन्चौ| जइकौ अतीसै उगै देखभाल सुग्मौ शुरू हुग्सौ|”

निग्म ज्या, अती सामरी जा अपीगै यात्रा जा जारी ताम गै जरुवत निसौ| अतीसै अती सराय गै रिथी मी जा खइ रुप्या दासौ|अतीसै उजा लुक्सौ, “अइ मी गै देखभाल सुग्मौ| यदी अइ रुप्या गै अलावा नगै खइ हंग रुप्या खर्च कल्लै ता थौक्सिगै राम सै जै नगै अती खर्चो गै भुगतान सुग्तैयंग|”

हंग यीशु सै अती नियम गै लादै मी जा रुसौ, “गन खै सोचक्नौ? अइ सुम मी मंग कौची खमी अती मी गै पड़ोसी लै जइसै लुट्सौ हंग क्लुब्दै निसौ?” अतीसै जवाब दासौ, “ अती जइ अतीजा दया हुग्सौ, “यीशु सै अतीजा लुक्सौ, “ गन दै हंग अइना सुग्मौ|”