26. यीशु अपीगै सेवा सुरू सुग्ता

सिना गै परीक्षाओं जा मना हुग्मौ गै निग्म, यीशु थौक्सिगै गलील गै सोंग कौ रासौ जइकौ अती बस्तै निसौ| पवित्र आत्मा उजा मथै सामर्थ दागै तासौ, हंग यीशु तिगै बंग कौची दूसरौ बंग कौ दैसौ हंग मी मंग जा शिक्षा दासौ|जम्मा सै उगै बारै कौ बडिया कथा फक्चौ|

यीशु नासरत नगर कौ दैसौ| अइ अती सौग लै जइकौ अती शन्दैपन कौ बस्तै निसौ|हप्ता गै ज्या, अती सभाघर गै बंग कौ दैसौ| यहूदी प्रधान मग सै अती यशायाह भविष्यदक्ता गै संदेश गै तिगै पुस्तक दासौ| अती चिन्खै निसौ कि अती अतीकौची लब्संयंग| यीशु सै अती लिबिन जा पैगै लकै उसीगै तिगै छु जा मी मंग गै दग्ची लब्सिसौ|

यीशु लब्सिसौ, “परमेश्वर सै जिजा अपीगै आत्मा क्दादै इन ताकि जै कगांली मंग खुशखबरी गै प्रचार सुग तरिसयंग| अतीसै जिजा अइ दग्ची क्लाइतै इन कि कैदि मंग स्वतंत्र सुग्मौ, काढ़ा जा री तिन्थै सुग्तौ, हंग उसीजा छुटकारा दासौ जइजा दसरौ मी दुगै तान्नचौ| अइ अती समय लै जब परमेश्वर इन्जा श्यौ कगंयग हंग इगै सहायता हुग्यंग|”

हंग यीशु क्सौगसी| जम्मा मी मंग अतीतै पौदै ध्यान सै तिन्गै तासौ| औ सितै निसौ कि परमेश्वर गे वचन गै जइ छु उसै इता क्लबसिदै निसौ अती मसीह गै बारै कौ निसौ| यीशु सै लुक्सौ, “जइ कथा जिसै इता नगै दग्ची क्लबसिदै इन, अती अइ समय घटित लिकै इन| “जम्मा मी मंग हा कल्तै निसौ| उसीसै लुक्सौ, “खै अइ यूसुफ गै सिरी मादै?”

तब यीशु सै लुक्सौ, “अइ साचौ लै की मी मंग खमी अइना भविष्यदक्ता जा खजा स्वीकार मुसुग्ता जइ उसीगै सौगं कौ ठुग्सिगै पौदै लियंग| एलिय्याह जा इसत्राएल कौ खमी विधवा गै सहायता सुग्मौ दग्ची मलाइसौ| अइगै अलावा, उसीसै एलिय्याह जा खमी यकरौ देश गै विधवा गै जोरौ लाइसौ|”

यीशु सै फाम जारी तासौ, “हंग एलीशा भविष्यदक्ता गै समय कौ, इसत्राएल कौ मथै मी कोडी गे रोग से कगथे निसो| परन्तु एलीशा सै अतीकौ ची खमी जा री चंगा मुसुग्सौ| अतीसै केवल इसत्राएल गै शत्रुओं गै सेनापति नामान जा चंगा हुग्सौ| “परन्तु जइ मी यीशु जा यन्गै तासौ अती यहूदी निसौ| अइ दग्ची जब उसीसै अइ लुक्तै यन्सौ ता अती रूसु पिरा|

नासरत गै मी मंग सै यीशु जा क्चुमतै हंग अतीसै सभाघर गै बंग कौची सैगै छम्पंग कौरगै दैसौ| उसै उजा समौ दग्ची इखो छग्म जा तिगै यै गै सिरे कौ कौरगै दैसौ| परन्तु यीशु भीड़ कौची वौन्सौ हंग नासरत सौग जा हौकै पुदै|

हंग यीशु जम्मा गलील गै क्षेत्र कौ दैसौ, हंग पौदै भीड उगै तुतौ रासौ| अती अइना मथै मी मंग जा रकै रन्नचौ जइ बीमार हग विकलाग निन्चो| अति कौची खई दौब्यौ, यन्सिन,यन्दै हंग फा मत्रसिदै निसौ, हंग यीशु सै उसीजा बड़िया क्सुग्तै|

आइगे अलावा, अछौ अइना मी यीशु गै तुतौ रन्नचौ जइकौ यदै सिना मंग जा अतकौ ची दैम गै आदेश दासौ| अती यदै सिना मंग अछौ यरन्नचौ, “गन परमेश्वर गै सिरी इनौ!” भीड़ कौ हा कल्लै, हंग उसीसै परमेश्वर गै पुजा हुग्सौ|

हंग यीशु सै चनै सिरी जा चुन्सौ जइकौ उसीसै अपीगै प्रेरित लुक्सो| अती परमेश्वर गे खास डगमी से उसीगै जोरों यात्रा हुग्सो हग अतीतै शिक्षा प्राप्त हुग्सो|