25. सिना गे सरदार यीशु जा परखत लै

यीशु गै बपतिस्मा लैम गै तुरन्त निग्म ही, पवित्र आत्मा उजा जगंल कौरगै दैसौ| यीशु अतकौ पिसा ज्या पिसा मुन्छै निसौ| अती बक्तर उसै उपवास हुग्सौ, हंग सिना सै यीशु गै नैरौ रागै पाप सुग्मौ दग्ची उगै परीक्षा हुग्सौ|

लरै, सिना सै यीशु जा लुक्सौ, “यदि गन परमेश्वर गै सिरी लिनौ ता अइ ऊग कौ कटौ बनातै ताकि गन जा तरखनौ!”

परन्तु यीशु सै सिना जा लुक्सौ, “परमेश्वर गै वचन कौ अइ करिसिदै इन, ‘टग्दै निमौ गै दग्ची मी जा केवल कटौ गै जरवत मुनी, परन्तु उसीजा जम्मा अती कथा गै जरवत इन जइ परमेश्वर उसीतै फक्तै लै!”

तब सिना यीशु गै मंदिर गै लचंग थैदै बंग कौ कौरसौ| उसै उजा लुक्सौ, “यदि गन परमेश्वर गै सिरी लै ता अइकौ ची इखौ कूदयौ, ‘परमेश्वर गन्जा अग्म गै दग्ची अपीगै स्वर्गदूतों जा आज्ञा दयंग कि नगै तिकै कौ उंग सै ठेस मपर लौ|”

परन्तु यीशु सै अती मुसुग्सौ जइ सिना सै उजा सुग्मौ दग्ची कलुक्तै निसौ, “परमेश्वर जम्मा तिगै जा लुक्ता, ‘गन प्रभु अपीगै परमेश्वर गै परीक्षा मुसुग्मौ|”

हजु सिना सै अती संसार गै जम्मा राज्य दिखायंग| उसै उजा दिखासौ की अती औलंग तरथै इन,हंग औ औलंग सम्पन्न निन्चौ| उसै यीशु जा लुक्सौ, “जै गन्जा अइ जम्मा दायंगौ यदि गन पै चुगै जिजा डोक दासों|”

यीशु सै जवाब दासौ, “ऐ सिना, जिगै तुतौ ची दै! परमेश्वर गै वचन कौ अती मी मंग जा आदेश दाता, ‘केवल अपीगै प्रभु परमेश्वर गै तारीफ हुग्नी| परमेश्वर गै भक्ति हुग्नी|”

यीशु सै सिना गै परीक्षा सै हार म्मान्सौ, अइ दग्ची सिना उगै नैरौ कौची पुदै| अतलंग स्वर्गदूत रागै यीशु गै सेवाटहल सुगन्नचौ|