24. यूहन्ना यीशु जा बपतिस्मा दाता

एलीशिबा हंग जकर्याह गै सिरी यूहन्ना, पौदै लिकै तिगै भविष्यद्वक्ता क्ल्लै, अती जगंल कौ बस्तै निसौ, हंग जगंली शहद हंग माछा जादै लै, हंग ऊँट गै पिचंकच्म सै कब्नतै खसै पसै चुक्सिदै निसौ,

मथै मी मंग यूहन्ना गै कथा यन्मौ गै दग्ची जगंल कौ यूगै रान्चौ, उसै अइना लुकै उसीसै प्रचार हुग्सौ, “पश्राताप हुग्यौ, खव्की स्वर्ग गै राज्य निकट इन!”

जब मी मंग सै यूहन्ना गै संदेश यन्सौ, ता उसी अछौ सै अपीगै पाप गै पश्राताप हुग्सौ, हंग यूहन्ना सै उसीजा बपतिस्मा दासौ| यूहन्ना जा दोब्मौ दग्ची मथै धार्मिक प्रधान री रान्नचौ, परन्तु उसीसै अपीगै पाप गै पश्राताप मुसुग्सौ|

यूहन्ना सै धार्मिक प्रधान जा लुक्सौ, हे खोबु रौक्तै जहरीले मी! पश्राताप हुग्यौ हंग अपीगै व्यवहार जा खीयौ, परमेश्वर जम्मा अती सिन जा थुम्तैयंग जइ बुदै फल मरतै लै, हंग अती उसीजा मै झोकतैयंग, जइ भविष्यद्वक्ता सै कलुक्तै निसौ, दौब्यौ छाटौ जै नगै रतम अपीगै सदेश वाहक जा लाइयंग जइ नगै दग्ची अम तैयार सुगयंग,

खइ धार्मिक प्रधान सै यूहन्ना जा रूसौ की खै औ मसीह लै, यूहन्ना सै जबाब दासौ, जै मसीह मुनियै, परन्तु अती जिगै निग्म रागै इन, अती औलंग महान इन कि जै उगै पौला गै ज्यंग ठिल्म गै री योग्य मुनियै,

छग्नंम ज्या, यीशु बपतिस्मा कौरमौ दग्ची यूहन्ना गै अतकौ रासौ, अतलंग यूहन्ना सै उजा तिन्सौ, दौब्यौ परमेश्वर गै मेमना जइ संसार गै पाप जा अगै कौरयंग,

यूहन्ना सै यीशु जा लुक्सौ, जै गन्जा बपतिस्मा दाम गै योग्य मुनियै, बजाए अइगै आवश्यक इन कि गंन जिजा बपतिस्मा दा, परन्तु यीशु सै लुक्सौ, गन्सै जिजा बपतिस्मा दाम लै, खव्की सुग्मौ बङीया लन अइ लै, अतः यूहन्ना सै उजा बपतिस्मा दासौ, जबकि यीशु सै खजा पाप मुसुग्दै निसौ

बपतिस्मा दाम गै निग्म यीशु ती कौची वौखै छम्पंग रासौ, ता परमेश्वर गै आत्मा परेवा गै रूप कौ प्रकट लिच्चौ हंग इखौ रागै अतीकौ कसौग्सी, अती बक्तर, परमेश्वर सै स्वर्ग तै फ्क्चो, उसे लुक्सो, गन जिगे सीरी लीनो, जे गन्जा बुदै तखै, हंग जै गन्तै खुश इनै,

परमेश्वर सै यूहन्ना जा कलूक्तै निसौ, पवित्र आत्मा इखो रागे खई सौसियंग जइजा गन्सै बपतिस्मा दायंग, अती परमेश्वर गै सिरी लै परमेश्वर तिगै लै| परन्तु जब यूहन्ना सै यीशु जा बपतिस्मा दासौ, ता उसै परमेश्वर बा जा फक्तै यन्सौ, सिरी परमेश्वर जा तिन्सौ, जइ की यीशु लै, हंग उसै पवित्र आत्मा जा तिन्सौ|