23. यीशु गै जन्म

युसुफ मिन गै तिगै धर्मी मी तै जोरौ मरियम तै मगनी कल्तै निसौ, उसै यन्सौ की मरियम गर्भवती इन ता उजा पता निसौ की औ उगै शयन्दै मादै, उसै मरीयम जा बदनाम मुसुगमौ चिन्खै निसौ , अइ दग्ची उसै उजा कृपया सुग्मौ दग्ची उजा चुपचाप तलाक दाम गै तचौ, अइचंग लरै री औ अइना सुग्दै, तिगै स्वर्गदूत सै उगै मंग कौ रागै उतै फक्चौ,

अति स्वर्गदूत सै लूक्सौ, ‘ऐ यूसुफ, मरियम जा अपी रिथिस्या गै रूप कौ राम सै मज्यरमौ, उगै बितरौ जई शन्दै इन अती पवित्र आत्मा गै तोक्सा ची लै अतीसै तिगै सिरी जा जन्म दायंग, गै मिन यीशु तामौ [जइगै अर्थ लै, ‘यहोवा बचाता है’] खव्की उसी मी मंग जा उसीगै पाप सै बचायंग,

युसुफ सै मरियम तै डामी सुग्सौ उसै अपीगै रिथिस्या गै रूप कौ चिम्जा रकै रासौ, उगै शन्दै जन्म दा वासै औ अतीतै जोरौ मयासौ,

अतलंग मरियम गै जन्म दाम गै समय नैरौ निसौ, ता उसीसै यूसुफ सै बैतहलम सोग दैम गै तिगै बुखतै यात्रा हुग्सौ, उसीजा अतकौ दैम निसौ खव्की रोमी अधिकारी इसत्राएल कौ बस्तै जम्मा मी मंग गै गिनती सुग्मौ तखै निन्चौ, उसी चिन्खै निन्चौ की जम्मा मी मंग अतकौ दैलौ उसीगै पूर्वज बस्तै निन्चौ, राजा दाऊद गै जन्म बैतलहम कौ कल्ततै निसौ, हंग अति मरियम हंग यूसूफ मी मी गै पूर्वज निसौ

मरियम हंग यूसुफ बैतलहम दिन्नचौ, परन्तु अतकौ टंग मंग बस्म बंग गै अलावा उसीगै बस्म गै दग्ची खैरी बंग मुनी सौ, अतकौ बंग निसौ, जइकौ मरियम सै अपीगै शयंन्मग जा जन्म दासौ, अतीसै उजा कछरत ची कौ यक्सौ खव्की अतकौ उसीगै दग्ची खरी बिस्तर मुनी सौ, उसीसै उगै मिन यीशु तासौ,

अती मुन्छै, अतकौ नेरौ ची रै कौ खमी चरवाहे अपीगै माला गै झुड़ कौ रखवाली सुगै तान्नौ, अचानक ची, तिगै डौक्तै तिन्तै स्वर्गदूत सै लुक्सौ, ‘मज्यरमौ’ खव्की जिजा नगै दग्ची बुदै संदेश इन, बैतलहम कौ मसीह, स्वामी गै जन्म लिच्चौ,

दैगै अती शय्न्दै जा मायौ, हंग गन्सै उजा कपड़ा कौ कतुमसिदै निसौ हंग कछरतै ची कौ लयक्तै मायंनी, अचानक सै, तिम्बु स्वगर्दूतों सै चिबिनं, अति परमेश्वर गै गुनु सुगैतान्चौ, उसीसै लुक्सौ, जम्मा महिमा स्वर्ग कौ विराजमान परमेश्वर तै छिन्नचौ, पृथ्वी कौ उसी मी मंग शान्ति लैलौ जइगै उसै चिन्ता सुगता,

अतलंग स्वर्गदूत पुद्दै, उसी चरवाहे री अपीगै माला जा होकै शन्दै जा औगं दैसौ, छाटौ री औ अती बंग कौ नब्सौ जइकौ यीशू निसौ हंग उसीसै उजा चरनी कौ लय्क्तै तिनैसौ, जसौ की अती स्वर्गदूत सै लुक्सौ, औ मथ्थै खुश निसौ, अतलंग अती चरवाहे थौक्सिगै अतकौ दैसौ जइकौ उसीगै माला मंग निसौ, उसीसै जइ खै री यन्सौ हंग दौब्सौ अती जम्मा गै दग्ची अती परमेश्वर गै पूजा सुगैतान्नचौ,

पूर्व को तिगै देश कौ यौरासिरी निसौ, उसीसै कर्मा गै अध्यन कसुग्दै निसौ हंग औ मथै लादै निसौ, उसीसै तिगै असामान्य कर्मा जा तिम्बु कौ तिन्नचौ, उसीसै लुक्सौ की अइगै अर्थ लै की यहूदियों गै तिगै नुदै राजा गै जन्म कल्तैनिसौ, अइ दग्ची उसीसै अती श्यन्दै जा दौब्म दग्ची अपिगै देश कौची यात्रा सुग्मौ गै निर्णय सुग्सौ, तिगै बुग्थै यात्रा गै निग्म, वे बैतहलम रान्नचौ हंग अती चिम जा मान्नचौ जइकौ यीशु हंग उगै ना जी बा करीन्चितै निन्चौ,

अइ यौरासिरी सै यीशु जा अपीगै ना तै जोरौ तिन्सौ ता उसीसै पे चुगै उगै आदर हुग्सौ, उसीसै यीशु जा किमती उपहार दासौ, हंग अती चिम्जा थौक्सिगै दैसौ,