22. यूहन्ना गै जन्म

अतीत कौ परमेश्वर सै अपिगै भविष्यदक्ताओं गै कथा कसु्ग्दै निसौ अइ दग्ची अति मी मंग सै कथा सुग तरन्नचौ, खव्की अती समय कौची कौरगै पी सई यीन गै बीत वासै उसै उसीतै मफक्चौ, तब परमेश्वर जै जकर्याह मिन गै यहूदी पुजारी तै नैरो तिगै स्वर्गदूत जा लाइसौ, जकर्याह हंग उगै रिथिस्या एलीशिबा परमेश्वर गै आदर सुग्दै लिन्न, उसी मथै स्यग्थ कल्तै निन्नचौ, हंग उसीगै खइ स्यनमंग मु्ल्तै निन्चौ|

अती स्वर्गदूत सै जकर्याह जा लुक्सौ, “नगै रिथिस्या गै तिगै सिरी सुग्यंग| गंन उगै मिन यूहन्ना तामौ| परमेश्वर सै उजा पवित्र लमै सै परिपूर्ण सुग्यंग, हंग यूहन्ना मी मंग जा मसीह जा ग्रहण सुग्मौ दग्ची तैयार सुग्यंग| “जकर्याह सै जबाब दासौ, “जै हंग जिगै रिथिस्या सन्मंग पैदा सुग्मौ दग्ची मथै सग्थै इनै जै हंम मानमौ कि गंन जिजा साचौ फकै इनौ?”

अती स्वर्गदूत सै जकर्याह जा जवाब दासौ, गन्जा अइ शुभ संदेश जा रमौ दग्ची जै परमेश्वर गै दवारा क्लाइसतै लियै खव्की गन्सै जिजा विश्वास मुसुग्निसौ, अइ दग्ची सन्दै गै जन्म रा वासै गंन फाम कौ समक्ष मलै, तुरन्त ही, जकर्याह फाम कौ असमर्थ निसौ, अतलंग पजा अती स्वर्गदूत जकर्याह चिम्जा थौक्सिगै रासौ हंग उगै रिथिस्था गर्भवती लिच्चौ;

अतळंग एलीशिबा टुगौ लाह गै गर्भवती निसौ, ता अती स्वर्गदूत अचानक सै एलीशिबा गै शिस्या मंग प्रकट लिन्नचौ, जइगै मिन मरियम नासौ, मरियम कुँआरी निसौ हंग डामी लिमौ दग्ची यूसूफ मिन गै यौरासिरी तै जोरौ उगै मंगनी क्लतै निसौ, स्वर्गदूत सै लुक्सौ, ‘गन गर्भवती लियंग हंग तिगै सिरी जन्म दायंग, गन्जा उगै मिंन यीशु तामौ इन, अती सर्व-शक्तिान परमेश्वर गै सिरी नियंग हंग हमेशा दग्ची शासन सुग्यंग;

मरियम सै जबाव दासौ, अइ हम लैयंग, खव्की जै ता कुआरी लियै, अती स्वर्गदूत सै समझासौ, पवित्र आत्मा गन्जा रायंग, हंग परमेश्वर गै सामर्थ गन्जा शैलौ सुगयंग, अइ दग्ची अती शन्दै पवित्र लियंग, हंग परमेश्वर गै सिरी नियंग, जइ अति स्वर्गदूत सै लुक्सौ अतीजा मरियम सै विश्वास हुग्सौ

अइ लैम गै तुरन्त निग्म, मरियम देगै एलीशिबा तै छिसौ हुग्सौ, जसौ की मरियम सै उजा डौग दासौ, एलीशिबा गै स्यन्दै उगै चुकौ पौग्सिसौ, उसी दग्ची परमेश्वर सै जई कसु्दै निसौ उगै बारै कौ अति खुतिस्या तै जोरौ सुम ला बस्मौ गै निग्म, मरियम चिम्जा थौक्सिसौ|

अइगै निग्म, एलीशिबा सै अीपीगै शिरी जा जन्म दासौ, जकर्याह हंग एलीशिबा सै अती सिरी गै मिन यूहन्ना तासौ, जसौ की स्वर्गदूत सै आदेश कदासितै निसौ, अतलंग परमेश्वर सै जकर्याह जा फा फुन्सौ, जकर्याह सै लुक्सौ, परमेश्वर गै स्तुति लैलौ, खक्की उसै अपीगै मी मंग गै मदत सुग्मौ कौ स्मरण तासौ, ऐ जिगै सिरी, गन सर्व शक्ितमान परमेश्वर गै भविष्यदक्ता लियंग गन्सै मी मंग जा बतायंगो की औ हम अपीगै पाप दग्ची क्षमा प्राप्त सुगं तरयंग,