21. परमेश्वर मसीहा गै वादा सुग्ता

परमेश्वर सै दुनिया जा बनासों, अतिजा पतौ निसौ कि उजा निग्म खई ज्या मसीह जा लाइमौ नियंग, उसै आदम हंग हव्वा जा वादा दासौ की उसै अइना सुग्यंग, उसै लुक्सौ की हव्वा सै तिगै सन्दै जन्म दायंग जई खोबु गै पुस्या तंगतैयंग, जइ खोबु सै हव्वा जा धोखा दासौ अति सन्देह शैतान हरातैयंग,

परमेश्वर सै अब्राहम जा वादा सुग्सौ की उसीगै द्वारा संसार गै जम्मा जातियॉ आशीर्वाद पायंगन्न, परमेश्वर निग्म खइ समय कौ मसीह जा लाइमौ गै दवारा अइ वादा जा पूरा सुग्यंग अति मसीह दुनिया गै जम्मा तिगै जाति कौची मी मंग जा उसीगै पाप कौची होयंग।

परमेश्वर सै मूसा जा वादा कसुग्दै निसौ कि भविष्य कौ अति मूसा गै रौक्तै तिगै खइ भविष्यदक्ता मसीहा नियंग, अइ रिती सै परमेश्वर सै हजु वादा हुग्सौ की अति मसीह जा लाइयंग।

परमेश्वर सै राजा दाऊद तै वादा कसुग्दै निसौ की उसीगै सन्तान मसीह नियंग हंग परमेश्वर गै मी मंग जा हमेशा दग्ची शासन सुग्यंग।

परमेश्वर सै यिर्मयाह भविष्यदवक्ता तै फक्सौ हंग लुक्सौ की तिगै ज्या अति तिगै नुदै वाचा गियंग अति नुदै वाचा इसत्राएल तै जौरो सीनै कौ कगिदै यिदै वाचा गै रौक्तै मुनियंग, जब मी मंग तै जौरो अति अपीगै वाचा जा गिता तब अति उसी जा ओई मी मंगना रुप तै प्रकट सुगयंग, जम्मा तिगै मी उसीतै प्रीति तायंग हंग उसीगै व्यवस्था गै पालन सुगमौ गै इच्छा तायंग परमेश्वर सै लुक्सौ कि अइ उसीगौ नियम उसीगै सिमै कौ तौ रिगै दादना रौकतै लैयंग, अती उसीगै मीमंग नियंग हंग परमेश्वर उसीगै पाप मंग क्षमा सुगयंग अती मसीह अइना जइ उसीतै जोरो अती नुदै वादा गियंग।

परमेश्वर गै भविष्यदक्ता सै अइ री लुक्सौ की मसीह तिगै भविष्यदक्ता,तिगे यहूदी पुजारी,तिगै रजा लैयंग| तिगै भविष्यदक्ता अती मी इन जइ परमेश्वर गै वचन यन्सिगन हंग हजु मी मंग जा परमेश्वर गे वादा यन्सिगंन हंग हजु मी मंग जा परमेश्वर गै सदेश जा बड़िया यन्यंग, हंग अती मी मंग जा सदेश जा बड़िया ड़ंग सै सिखायंग|

इस्त्राएली यहूदी पुजारी मी मंग गै दग्ची परमेश्वर गै लरै बलिदान मी मंग गै पाप गै दग्ची उसीजा परमेश्वर द्वारा दंड कदासितै बंग कौ चढासिदै लै, यहूदी पुजारी मी मंग गै दग्ची प्रार्थना री सुग्सौ, खव्की अती मसीह सिद यहूदी पौदै पुजारी नियंग जइ परमेश्वर जा दाम दग्ची तिगै सिद्ध बलि गे रूप को च्ढातेयाग|आर्थात अति खज़ा पाप मुसुग्यग, हग अती अपीजा बली सुगं मदायंग ता संसार गै खमी री खइ बलि जरुरी मुनीयंग।

मी मंग सै समूहों कौ राजा हंग प्रधान शासन सुगतन्न, हंग खजा-खजा अति गलति सुग्दै लैन्न राजा दाऊद सै केवल इस्त्राएलियो मंग जा शासन सुग्सौ खव्की राजा दाऊद गै वशं मसीह पूरै संसार कौ शासन सुगयंगन्न, हंग अती सदा शासन सुगयंग, अइगै अलावा अती राज्यारी न्यायपूर्ण रीति सै शासन सुग्यंग, हंग सही निर्णय जा तायंग।

परमेश्वर गै भविष्दक्ताओं सै मसीह गै बारै कौ मथै कथा कलुक्तै इन उदाहरण दग्ची मलाकी सै लुक्सौ की मसीह गै राम चंग लरै तिगै खइ भविष्यदक्ता मथै किमती नियंग, अइगै अलावा .यशायाह भविष्यदक्ता सै रिसौ कि मसीह तिगै कुआरी सै जन्म कौरयंग, हंग मीका भविष्यदक्ता सै लुक्सौ कि मसीह बैतलहम कौ जन्म कौरयंग।

यशायाह भविष्यदक्ता सै लुक्सौ कि मसीह गलीत गै क्षेत्र कौ वास सुग्यंग, जइ मी मंग मथै दुखी इन्न मसीह उसीजा शान्ति दायंग, अती कैदियों जा री स्वतन्त्र सुगयंग मसीह कग्थै मंग हंग जइ यंन मतरन्न, दोब मतरन्न, फा मतरन्न हंग यन्सी मतरन्न उसीजा री चंगा कसुग्तै।

यशायाह भविष्यदक्ता सै अइ री लुक्सौ कि मी मंग मसीह तै नफरत सुगयंग हंग अतिजा स्वीकार सुग्मौ सै मना सुंग तैयंग, खइ भविष्यादक्ताओं सै लुक्सौ कि मसीह गै तिगै साथी उसीगै विरूद रचीयंग, जकर्याह भविष्यदक्ता सै लुक्सौ कि अइगै अइ साथौ अइना सुग्मौ दग्ची दूसरौ मी मंग सै मुल गै सुमसा सिक्कै कौरयंग, अइ गै अलावा खइ भविष्यदकताओं सै लुक्सौ कि मी मंग मसीह जा सतीयंगन्न हंग अइ री अती खसै पसै दग्ची जुआ लगंयंगन्न।

भविष्यदक्ताओं सै अइ री बतासौ कि मसीह हंम हिचीयंग, यशायाह भविष्यदाणी हुग्सौ की मी मंग मसीह जा थुबयंग, उसीगै मजाक उङायगन्न हंग उसीजा लुबियंग, अती उसै थुब्तैयंग हंग अती पौदै पीङा हंग यातना कौ हीचियंग, जबकि उसै खइ री यदै मुसुग्दै नियंग;

भविष्यदक्ताओं सै अइ री बतासों की मसीह पाप मुसुगयंग, अती सिद नियंग, खव्की अति अइ दग्ची हिचियंग परमेश्वर उजा खइ मी मंग गै पाप गै कारण दंङ दायंग उगै हिचिम सै मी मंग परमेश्वर तै जोरौ मेल सुग्मौ गै समक्ष नियंगन्न, अइ दग्ची परमेश्वर कततै निसौ कि मसीह हिचिलौ,

भविष्यदक्ताओं सै अइ री बतासौ की परमेश्वर मसीह जा हिचिम कौची जीवित सुग्यंग‌ अइ दर्शाता कि जम्मा नुदै वादा जा गिम गै परमेश्वर गै योजना निसौ ताकि अति उसी मी मंग जा बचा तरयंग जइ सै उसीगै विरूद्ध पाप सुग्सौ;

परमेश्वर सै भवि्यदक्ताओं जा मसीह गै बारै कौ मथै कथा प्रकट कसुग्दै इन; खव्की मसीह उसी भविष्यदक्ताओं कौची री जीवनकाल कौ मरादै निसौ; अइ भविष्यदवाणीयों गै दाम दग्ची चंग पी सइ मथै यीन गै निग्म बढिया समय कौ परमेश्वर मसीह जा अइ संसार कौ लाइयंग;