20. इसत्राएली जा गुलामी हंग थौक्सिगै रासै
इस्त्राएल गै राज्य हंग यहूदा गै राज्य मी मी सै परमेश्वर गै विरुद्ध पाप हुग्सौ, उसीसै अती वाचा जा कतोड़तै जइ परमेश्वर सै उसीगै जोरौ सीनै कौ कगीदै निसौ, परमेश्वर सै उसीजा पशचाताप सुग्मौ हंग दसरौ उगै तारीफ सुगमौ दग्ची चेतावनी दाम कौ अपीगै भविष्यदक्ताओ जा लइसौ परन्तु उसीसै उगै कथा स्यरचीम सै मना कसुग्तै।
अत परमेश्वर सै उसीगै शत्रुओ जा उसी नाश सुग्मौ गै समक्ष सुग्मौ गै द्वारा मीमी राज्य जा दंड दासौ अश्शूर तिगै खई देश निसौ जइ मथै तरथै कलतै निसौ अति दूसरौ देश गै प्रति मथै स्यौकग्थै री निसौ उसीसै रागै इसत्राएल गै राज्य जा नाश कसुग्तै| अश्शूरियों कौची रागै इसत्राएल गै राज्य कौ मथै मी मंग प्चयंगतै जई चिनचौ अति क्खुतै हंग देश गै औलंग बंग कौ मैं टुपतै।
अश्शूरियों सै जम्मा प्रधान स्यगमी मी मंग गै जइ किमती बथौ बना तरथै निसौ तै बंग जोरौ थुम्सौ हंग अती उसीजा अश्शूर देश प्यौकंर| इसत्राएल जा केवल खई गरीब इसत्राएली निन्नचौ।
हंग अश्शूरी मंग अती देश कौ बस्मौ दग्ची विदेशि मंग जा रकै रान्नचौ, उसी विदेशी सै अती सौगं जा दसरौ बनान्नचौ , जई इसत्राएली अतकौ कब्चातै निसौ उसै अतीतै डामी कसुग्तै, अइ मंग गै सन्यमंग सामरी ठारसिन्नचौ।
यहूदा गै राज्य गै मी मंग सै दौबन्नचौ की हंम परमेश्वर सै अतीगै विश्वास मुसुग्सौ हंग अतीगै कथा म्मानमगै कारण इस्त्राएल राज्य गै मी मंग जा दंड दासौ, खव्की अतलंग पजा उसीसै कनानियों गै सै गै मूर्ति गै पूजा हुग्सौ परमेश्वर सै उसीजा चेतावनी दाम दग्ची भविष्यद्क्ताओ जा लाइसौ खव्की उसीसै यन्म सै मना कसुग्तै।
लगभग सई यीन गै निग्म अश्शूरियों सै इस्त्राएल राज्य गै नाश कसुग्तै, परमेश्वर सै बेबीलोन देश गै राजा नबूकदनेस्सर जा यहूदा गै राज्य कौ हमला सुग्मौ दग्ची लाइसौ| बेबीलोन तिगै तरथै देश निसौ, यहूदा गै राजा नबूकदनेस्सर गै दास बन्मौ हंग हर यीन अतीजा मथै जम्मा धन गै भुगतान सुग्मौ दग्ची कमान्सी।
खव्की औलंग यींन गै निग्म, यहूदा गै राजा सै बेबीलोन गै विरुद्ध बलवा हुग्सौ, अत बेबीलोनियों सै थौक्सीगै रागै यहूदा गै राज्य कौ हमला कसुग्तै उसीसै यरूशलेम नगर कौ कब्जा कसुग्तै मदिर गै खजाना खुगै पैयोकंर।
बलवा सुग्मौ गै कारण यहूदा गै राजा जा दडं दामौ दग्ची नबूकदनेस्सर गै सैनिक सै राजा गै सिरी जा उसीगै नौखो कसतै हंग हजु उसै मैमब्तै कसुग्तै, अइगै निग्म अति राजा जा कौरगै दैसौ ताकि अति बेबीलोन गै जेलखाने कौ हिचिलौ।
नबूकदनेस्सर हंग उगै सेना यहूदा गै राज्य गै लगभग जम्मा मी मंग जा बेबीलोन सै पैयोकंर केवल लच्यंग गरीब मी मंग गै निम्फन हौके ताकी अती रेजा फसल यिब्कै, समय गै अइ काल कौ बधुंआई उलौ पुदैदै इन जइसै परमेश्वर गै मी मंग जा प्रतिज्ञा गै दैश कौची दैम दग्ची म्जबुर कसुग्दै निसौ।
भले ही परमेश्वर सै अपीगै मी मंग जा उसीगै पाप दग्ची बधुआई जा कौरगै देगै दंड दासौ, तब री अति उसीजा अपीगै प्रतिज्ञाओं जा मलौसीदै निसौ, परमेश्वर सै अपी मी मंग जा दौब्मौ शुरू सुग्सौ हंग अपीगै भविष्यदक्ताओ गै द्वारा उसीतै फंकै निसौ, उसै वादा हुग्सौ कि टुग्छा ची यीनं गै निग्म अति हजु प्रतिज्ञा गै दैश कौ रायंग।
लगभग टुग्छा ची यीनं गै निग्म, फारस गै राजा कुसु सै बेबीलोन जा क्हरातै, अइ दग्ची बेबीलोन गै साम्राज्य सै औलंग देश कौ शासन सुग्सौ, इसत्राएली मी मंग थन यहूदी ठारसीयंगन्न अतकौ ची मथै मंग सै अपीगै जम्मा जीवन बेबीलोन जा कब्तादै, केवल मथै चिथै स्यंगथै यहूदियों जा री यहूदा गै देश स्मण निसौ।
फारसी मी मंग मथै सामर्थी निन्चौ, खव्की उसीसै अपीगै क्जीतै मी मंग जा स्यौ कग्थै निन्चौ, फारसी मी मंग गै राजा बनंम गै दुमा ज्या गै निग्म कु्स् सै तिगै आदेश दासौ की खमी री यहूदी जइ री यहूदा जा राम चिन्खै निन्चौ, अति फारस कौची रागै थौकसिगै यहूदा दै तरसियंग, अइकौ वासै कि उसै उसीजा मंदिर जा दसरौ बनाम दग्ची रुपया री दासौ, अत बधुआई गै टुग्छा ची यीनं गै निग्म यहूदियों गै तिगै मिदै समूह यहूदा मे यरूशलेम नगर कौ थौकसिगै रासौ।
अती मी मंग यरूशलेम नबन्नचौ ता उसीसै मंदिर कौ हंग नगर गै पीतंम गै छंग दसरौ बनान्चौ, फारसी मी मंग इता री उसीजा शासन सुग्दै निन्चौ, लेकिन तिच्चौ हजु अति वादा गै देश कौ बस्तै निन्चौ, हंग मंदिर कौ भक्ति सुगै तानन्चौ,
बाइबल गै लिबिन 2 राजा अध्याय 17; 24-25; 2 इतिहास36; एज्रा 1-10; नहेम्याह 1-13 सै तिगै बाइबल गै कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।