19. परमेश्वर गै अम्ची भविष्यदक्ता मंग लाइमौ

परमेश्वर राज्यारी इस्त्राएलियों गै नैरो भाविस्य्द्वक्ताओ मंग लाइदै लै, भविष्यदव्क्ता परमेश्वर गै संदेश रुग्सिदै लिन्नं हंग उसै मी मंग जा बतादै लै।

तब अहाब इस्त्राएल राज्य कौ राजा निसौ ता अती समय एलिय्याह रादै समय निसौ, अहाब तिगै यदै मी निसौ, उसै झूठे बाल सै गै पूजा सुग्फुन्मौ दग्ची मी मंग जा मजबूर हुग्सौ, अइ दग्ची एलिय्याह सै लुक्सौ की परमेश्वर उसी मी मंग जा दंड सुगं दैग निसौ, उसीसै उजा लुक्सौ, जब तक जै दसरौ नम राम दग्ची मुलौयंगौ तब तक इस्त्राएल गै राज्य कौ न नम रायंग न ओस गुनियंग अइ कथा सै अहाब जा रुसु रादै कसुग की उसै एलिय्याह जा समौ गै चिचिसौ।

अइ दग्ची परमेश्वर सै एलिय्याह जा लुक्सौ की अती झारा कौ दैगै अहाब कौ च्यासीन, एलिय्याह झारा कौ अती ती गे दारू गै नैरौ देसौ जइकौ दैम दग्ची परमेश्वर सै उजा क्बतादै निसौ, राज्यारी बंग्खर हंग राज्यारी नंग्छै चिप्चै एलिय्याह गै दग्ची कटौ हंग स्या रकै रादै लै, अइ सम्पूर्ण समय, अहाब हंग उगै सेना एलिय्याह गै मागै तासौ, परन्तु अती उजा मा मत्ररसिसौ।

नम मराम सै औलंग ज्या निग्म अती ती गे दारू क्छर, अइ दग्ची एलिय्याह नैरौ गै तिगै सौगं कौ पूद्दै, अती सौगं कौ तिगै गरीब विधवा निसौ, जइगै तिगै सिरी निसौ, उगै दुक्लंग पुज्योदै निसौ खव्की अती खइ फसल मुलतै निसौ, हजु री अती खुतिस्या सै एलिय्याह गै देखभाल हुग्सौ, अइ दग्ची परमेश्वर सै उगै हंग उगै सिरी गै जरुरत पूरा हुग्सौ, अइ कारण सै उगै आटै गै पात्र हंग उगै मरती गै कुप्पी खज्यारी खाली मुलिच्चौ अती पूरा अकाल गै दौरान उगै तुतौ दुक्लंग मुनिसौ, एलिय्याह औलंग यीन वासै अइकौ निसौ।

साढे सुम यींन गै निग्म, परमेश्वर सै एलिय्याह जा लुक्सौ की अतीसै हजु नम रादै सुग्यंग, उसीसै एलिय्याह जा थौक्सिगै इस्त्राएल गै राज्य कौ दैगै अहाब तै फाम दग्ची लुक्सौ, अइ दग्ची एलिय्याह अहाब गै तुतौ दैसौ, तब अहाब सै उजा तिन्सौ ता उसै लुक्सौ, अच्छा गन इनौ, मुसीबत पैदा सुग्दै वाला, एलिय्याह सै जवाब दासौ, मुसीबत पैदा सुग्दै वाला ता गन इनौ, गन्सै यहोवा त्याग दासौ, अती साचौ परमेश्वर इन, लेकिन गन बाल गै पूजा सुंगै तात्नौ, थन गन्सै इस्त्राएल राज्य गै जम्मा मी मंग जा कर्मेल यै कौ रकै रामौ।

अतः जम्मा मी मंग कर्मेल यै कौ दैसौ, अती यौरासिरी री रासौ जइ लुक्तै लै की अती बाल गै संदेशों फक्तै निन्न अइ बाल गै भविष्यव्दक्ता निसौ, अती जम्मा पी सईं यरतो नासा निसौ, एलिय्याह सै मी मंग सै लुक्सौ, औलंग वासै गन अपीगै मन जा खिक्कै तायंग्नौ, अगर यहोवा परमेश्वर इन ता उगै भक्ति सुग्नी, अगर बाल परमेश्वर इन ता उगै भक्ति सुग्नी।

थन एलिय्याह सै बाल गै भविष्यव्दक्ताओ सै लुक्सौ, तिगै रुसलै गै बलि सुगै अतीगै स्या गै बलिदान लैम गै तिगै दग्सिन जा तानी, परन्तु मै मिचिमौ। अतीगै निग्म जै री अतना सुग्ंयंगौ , हंग तिगै यकरौ दग्सिन कौ जै अती स्या जा तायंगौ, थन अती परमेश्वर दग्सिन कौ मै कुन्तैयंग ता गनसै पयंगनौ की अती साचौ परमेश्वर लै , थन बाल गै भविष्यव्दक्ताओ सै तिगै बलि जा तैयार हुग्सौ परन्तु मै मुपौसौ।

थन बाल गै भविष्यव्दक्ताओ सै प्रार्थना हुग्सौ, हे बाल इंगै रुगंसिन, पूरा दिन उसीसै प्रार्थना हुग्न्नचौ हंग यरन्नचौ हंग अइकौ वासै की अपीसै उजा तैपली सै क्चैतै, परन्तु बाल सै जवाब मदासौ, हंग उसीसै खइ मै मुकुन्सौ।

बाल गै भविष्यव्दक्तओ सै बाल सै प्रार्थना सुग्मौ गै लगभग पूरा दिन कबितातै, अंततः उसीसै प्रार्थना सुग्मौ बंद कसुग्तै, थन एलिय्याह सै दूसरौ रुसलै गै स्या जा परमेश्वर गै दग्सिन कौ क्तातै, उसीगै निग्म उसै मी मंग जा ती गै पौदै बन्डो कौ अती बलिदान कौ थन वासै डंमौ दग्ची लुक्सौ जब तक स्या सिन हंग अइकौ वासै की दग्सिम गै तमौ दिमौ ची थंग पूरी तरह थीलौ।

थन एलिय्याह सै प्रार्थना हुग्सौ, हे यहोवा, अब्राहम, इसहाक हंग याकूब गै परमेश्वर इन्जा दिखाइ कि गन इस्त्राएल गै परमेश्वर लिनौ हंग अइ री जै नगै दास लियै, जिजा जवाब दा जइसै कि अइ मी मंग सै पयंगन्न की गन साचौ परमेश्वर लिनौ।

तुरन्त ही तिबु कौच मै गुन्सौ हंग उसीसै स्या, सिनं,यै,सा हंग अइकौ वासै की दग्सिग गै तमौ दिमौ गै ती री पुचिन्तै, जब मी मंग सै अइ तिन्नचौ, अति थग्जा चिरगंन हंग फक्चौ, “यहोवा ही परमेश्वर लै! यहोवा ही परमेश्वर लै!”

थन एलिय्याह सै लुक्सौ, बाल गै तिगै री भविष्यव्दत्का बचगै मुदै तरलौ, अइ दग्ची मी मंग सै बाल गै भविष्यव्दक्ताओ जा क्चुमदै निसौ हंग उसीजा अतकौ ची यकरौ पैयौकंर हंग उसीजा पच्यंगतै।

थन एलिय्याह सै अहाब राजा जा लुक्सौ, छाटौ अपीगै चिम्जा फौंकै दै, खव्की नम रादना इन, छाटौ कसा दिन्दना कंलै, हंग मथै नम राम शुरु कंलै, यहोवा अती अकाल सुग्गै तासौ, अइकौ ची प्रकट लिच्चौ की यहोवा साचौ परमेश्वर लै।

तब एलिय्याह सै अपीगै लन पुच्यौ, ता परमेश्वर सै एलीशा मिन गै तिगै यौरासिरी जा अपिगै भविष्यव्दक्ता लैम दग्ची चुन्नचौ, परमेश्वर सै एलीशा गै माध्यम सै मथै चमत्कार हुग्सौ, तिगै चमत्कार नामान तै जोरो लिच्चौ, अती तिगै शत्रु सेना गै सरदार निसौ, परन्तु उसै बै गै तिगै बै कौ रोग क्लतै निसौ, नामान सै एलीशा गै बारै कौ क्यन्दै निसौ, अइ दग्ची अती एलीशा सै नामान जा लुक्सौ की दैगै यरदन यग्ती कौ निसै चौ च्यकसीलौ।

नामान रूसु पिर्रा, उसै अइना हुग्मौ सै मना कसुग्तै, खव्की अती उजा मुर्ख मंग गै लंन लै लुकै चिचिगै निसौ, परन्तु निग्म उसै अपीगै मन क्बदलतै, हंग दैगै लकै यरदन यग्ती कौ ती कौ निसै चौ डुबकी लगासौ, जब निग्म दसरौ बार ती कौची अती छम्पंग रासौ ता परमेश्वर सै उजा बडिया कसुग्तै।

परमेश्वर सै इस्त्राएल गै मी मंग गै नेरौ खई मथै भविष्यक्ताओ जा लाइसौ, अती जम्मा मी मंग सै मूर्तियों गै उपासना सुग्मौ बंद सुग्मौ दग्ची लुक्सौ, अइगै बजाए, उसीजा अपी मीमी ते जोरौ न्यायपूर्वक व्यवहार सुग्मौ चिन्खंन, उसी भविष्यदक्ताओं से मी मंग जा चेतावनी दासौ की यदै लंन सुग्मौ बंद सुग्मौ इन हंग अइगै अलावा परमेश्वर गै कथा गै पालन सुग्मौ इन उसी मी मंग से अइना मुसुग्न्नचौ ता परमेश्वर उसीजा दोषी तखै उसीगै न्याय सुग्यंग, हंग उसीजा सजा दायंग।

मथै समय, उसी मी मंग सै परमेश्वर गै आज्ञा गै पालन मुसुग्मौ , अक्सर उसीसै भविष्दक्ताओ गै जोरौ यदै व्यवहार सुग्सौ हंग अइकौ वासै कि खजा खजा उसीजा ससौ, तिच्चौ यिर्मयाह भविष्यदक्ता जा कछरतै कुएँ कौ कमौक्ते हंग उसै अतकौ हिचिम दग्ची पा हौतै, अती कुएँ गै तल कौ ज्यंगजा कौ क्धंस, तब राजा जा अती जा शैयो कग्चौ हंग उसीसै अपीगै सैनिक मंग जा आदेश दासौ कि यिर्मयाह गै हिचिम चंग लरै उसी कुआ कौची छमपंग नौनी।

भविष्यदक्ताओं सै परमेश्वर गै अम्ची फकै तासौ भलै मी मंग सै उजा मिठौमितिदै लिन्नं, उसीसै मी मंग जा चेतावनी दासौ की अगर उसीसै पश्चाताप मुसुग्नीसौ ता परमेश्वर उसीगै नाश सुग्तैयंग, उसीसै मी मंग जा अइ री याद सुग्फुन्नचौ की परमेश्वर सै उसीगै नैरो मसीहा जा लाइमौ गै वादा कजादै लै।