18. इसत्राएल गै सौग जा यकरौ यकरौ लिमं

दाऊद राजा सै पिसा यिंन ची वासै शासन हुग्सौ, हंग उगै सिरी सुलैमान सै इस्त्राएल कौ शासन सुग्मौ शुरू हुग्सौ, परमेश्वर सै सुलैमान तै कथा हुग्सौ हंग उसीसै रूरन्चौ की अती लचंग मथै खै चिन्खनौ की परमेश्वर उगै दग्ची सुग्यंग, सुलैमान सै परमेश्वर जा थौचिसौ की अती अतीजा मथै लादै सुग्तै, अइ कथा सै परमेश्वर जा खुश कसुग्तै, अइ दग्ची परमेश्वर सै सुलैमान जा दुनिया गै पौदै लादै यौरासिरी बनासौ, सुलैमान से मथै कथा लासौ हंग अती तिगै लादै तै जोरौ राज्य हुग्सौ, परमेश्वर सै उजा मथै स्यंम क्बनातै निसौ।

यरूशलेम सै सुलैमान सै अती मंदिर जा बनासौ जइगै दग्ची उगै बा सै योजना क्बनादै निसौ, हंग सामान थुमन्चौ, थन मी मंग मिलाप वाला ड़ग्सौ गै बगैर मंदिर कौ परमेश्वर गै भक्ति सुग्दै निन्चौ, हंग उसीगै दग्ची बली चढादै निन्चौ, परमेश्वर रागै मंदिर कौ रादै निसौ, हंग अत्कौ अती अपीगै मी मंग तै जोरो बस्तै निन्चौ।

परन्तु सुलैमान सै दसरौं देश गै खुतिस्या तै बुदै ततै निसौ, उसीसै मथै री, लगभग तीगे हजार खुतिस्या तै डामी सुगैं परमेश्वर गै आज्ञा म्मान्सौ, अइ मंग कौची मथै खुतिस्या यकरौ देश कौची रन्नचौ हंग अपीतै जोरो अपीगै सै मंग रन्नचौ हंग उसीगै पुजा सुगैं तान्नचौ। तब सुलैमान संग्थै कंलै ता उसै सी उसीगै लमा मंग गै पुजा सुग्सौ।

अइ वजह सै परमेश्वर सुलैमान तै रुसु पिरादै निसौ, उसीसै लुक्सौ की अती इस्त्राएल देश जा निसै राज्य छूमौ गै दग्ची उसी सजा दायंग, अती सुलैमान गै हिचिम गै निग्म अइना सुग्यंग।

सुलैमान गै हिचिम गै निग्म, रहबाम राजा क्बन, इस्त्राएल देश गै जम्मा मी मंग अतीजा अपीगै राजा गै रुप कौ स्वीकार सुग्मौ दग्ची तिगै जोरो थुम्सौ, उसीसै रहबाम तै शिकायत हुग्सौ की सुलैमान सै उसीतै मथै परिश्रम कसुग्दै निसौ हंग मथै कर वसूलतै निन्चौ, उसीसै रहबाम जा अनुरोध सुग्सौ की उसीसै लंन सुगं फुन्सौ।

परन्तु रहबाम सै उसीजा पौदै मूर्खता सै जवाब दासौ, गन्सै लुक्तनौ की जिगै बा सुलैमान सै गन्जा कठिन लंन सुगं फुन्सौ, परन्तु जै गन्जा अतीजा री मथै कठिन लंन सुगं फुन्यंगौ, हंग जै गन्जा अतीचंग री मथै क्गथै सुग्यंग।

तब मी मंग सै उजा अइना लुक्तै यन्सौ ता अती कौची औलंग मंग उगै विरुध बलवा सुग्सौ, ची गोत्र सै उजा पाहतै, अतीतै जोरो थन केवल निसै गोत्र बच्चौ, अइ निसै गोत्र सै अपीजा यहूदा गै राज्य लुक्सौ।

बाकी गै ची गोत्र सै यारोबाम मिन गै तिगै यौरासिरी जा राजा कब्नातै, अइ गोत्र देश गै उत्तर-पूर्वी भाग कौ निसौ, उसीसै अपीजा इस्त्राएल गै राज्य लुक्सौ।

परन्तु यारोबाम सै परमेश्वर गै विरुध बलवा हुग्सौ हंग मी मंग जा पाप हुंग फुन्सौ, अतीसै अपीगै मी मंग गै द्वारा पुजा सुग्मौ दग्ची निसै मूर्ति जा बनासौ, अती थन यहूदा गै राज्य कौ यरुशलेम कौ परमेश्वर गै मंदिर कौ उगै भक्ति सुग्मौ दग्ची मुदैन्नचौ,

यहूदा हंग इस्त्राएल गै राज्य शत्रु क्बन हंग राज्यारी तिगै दसरौ गै विरुध गैसिन्चौ।

इस्त्राएल गै नुदै राज्य कौ, जम्मा राजा यदै निसौ, अइकौ ची औलंग राजा उसीगै बंग कौ राजा बनमौ गै इछा तादै वाला गार इस्त्राएलियों गै द्वारा पंज्यंग।

इस्त्राएल राजू गै जम्मा राजाओं सै हंग यम्बा मी मंग सै मूर्तियों गै पुजा हुग्सौ, तब उसीसै अइना सुग्सौ, ता अती राज्यारी वेश्याओं गै जोरो यासौ हंग अइकौ वासै की औलंगचौ मूर्तियों गै लरै सन्मंग गै बलि री सुग्सौ।

यहूदा राज्य गै राजा, दाऊद गै सन्मंग निसौ, अइ राजा चंग री औलंग बुदै मी निसौ जइसै न्यायपूर्वक शासन हुग्सौ हंग परमेश्वर गै पुजा हुग्सौ, परन्तु यहूदा गै अधिकांश राजा यदै निसौ, उसीसै यदै मती सै शासन हुग्सौ, हंग मूर्ति गै पुजा हुग्सौ, अइकौ वासै की अतीकौची औलंग राजा गै लरै अपीगै संन्मंग जा री बलि कसुग्तै, यहूदा गै अछौं मी मंग सै री परमेश्वर गै विरुध बलवा हुग्सौ हंग खइ सै मंग गै पुजा सुग्सौ।