39. यीशु जा मुकछमा चल्कन

थन अइ फै मुन्छ गै समय निसौ, अति सैनिक यीशू जा पोदे यहूदी पुजारी गै चिम्जा रकै रान्नचौ, खव्की अती यीशु तै सवाल रुम चिन्खै निसौ| पतरस वथै ची पीछा सुगै तान्नचौ, जब सैनिक यीशु जा चिम्जा कौरगै पुदै, ता पतरस छम्पंग रिंचिगै औ जा मै सै लुग्दै सुग्मौ क्लंग|

चिम गै बितरौ, यहूदी प्रधान मग सै यीशु जा मुकछमा चलासौ| अती उसीगै विरुद्ध झूठी कथा जा फाम दग्ची मथै जूठ गवाह जा रके रासो| खोवकी उगे कथा अपि मिमिजा सहमत मुनीननचो, अई दगची यहूदी प्रधान मग अई साबित सुग मतरसिननचो की अती खे कथा गे दोसी निसो| यीसु से खेरी मुलुकसों|

निगम, पोदे यहूदी पुजारी से सीधा यीसु गे तोकस ओगे लुकसों, “इनजा बतायो की गन टगदे परमेश्वर गे सिरी मसीह लीनो?”

यीसु से लुकसों, जे लिए, हग गन जीजा परमेश्वर ते जोरों कसोंगसीदे हग स्वर्ग कोची रादे री तीयगनों|” पोदे यहूदी पुजारी से अपिगे खसे पसे चोंगपेते खोवकी जई यीसु से लुकसों ओ अती कथा को रुसू पिरादे निसो| अती गार प्रधान जा यरचों, “इंनजा अई बताम गे दगची खई गार गवाह गे जरूरत मुनि की अई मी से खे सुगसो! गनसे अपि उजा अई लुकते यननिसो की अती परमेश्वर गे सिरी ले| अतीगे बारे को गनीगे खे निर्णय इन?”

जम्मा यहूदी प्रधान से यहूदी पुजारी जा जबाब दसों, “अती हीचीम गे लायक इनो!” उसीसे यीसु गे मे को पट्टी कगीते, अतिकों थुपसो, उजा ससो, हग उगे मजाक उड़सो|

हग पतरस, अती चिम गे छमपग करिंचीते निसो| तीगे डगमी चेमे से उजा दोबसों| उसे उजा लुकसों, “गन री यीसु ते जोरों निनिसो!” पतरस से मना कसुगते| निगम जे, खमी गार चेमे से अई कथा जा लुकसों, हग पतरस से हजु मना कसुगते | अंत को, खमी मग से लोन्नचो, “इनसे पतने की गन यीसु ते जोरों इनो खोवकी गनी मिमी गलील ची इनी|”

तब पतरस से लुकसों, “जे अई मी जा सुतों ता परमेश्वर जीजा श्राप दायग!” तुरंत री पतरस से अइगे रोकते प्रतिज्ञा जाम गे निगम, तीगे निपे से बाग दासों| यीसु से निमफन फनसीगे पतरस जा दोबसों|

पतरस अतकों ची पुदे हग फुट फुट गे तेसो| अति बकतर, यीसु जा कचुमदे वाला यहूदी प्रधान से यीसु जा हीचीम गे दंड दासों| यहूदा मथे दुखी क्लते निसो हग देगे अपि जा कसते|

थन अती राजू गे राज्यपाल पिलातूस निसो| अती रोम गे दगची लन सुगदे ले| यहूदी प्रधान यीसु जा उगे तूतों रके रासो| उसी तखे निननचो की पिलातूस उजा हीचीम गे दंड दालों हग उजा सतेलों| तब पिलातूस से यीसु जा रूसो, “खे गन यहूदी गे राजा लीनो?”

यीसु से जबाब दसों, “गनसे साचो कलूकटे इन| परंतु जीगे राजू अइ थगजा गे मादे| लेंम चग ता जीगे दगची युद्ध सुगदे| जे प्रथवि को परमेश्वर गए बारे को साचो बताम दगची पिरादे इने| जम्मा तीगे मी जई साचो फकते मग जा बुदे तखन अतिसे जीगे यन्ता| “पिलातूस से लुकसों, “ता साचो खे इन?”

यीसु ते जोरों फाम गे निगम, पिलातूस से छमपग भीड़ गे नेरो कोरगे लुकसों, “जीजा खेरी पता मुनि की अई मी सतीम गे लायक लेलों|”परंतु यहूदी हग बीड को यरसों, “उजा कुस को चडा तिनी!” पिलातूस से जबाब दासों, “अती खेरी सुगमों गे दोसी मुनि| परंतु उसी हग पोदे आवाज को यरमों सुरू कसुगते| अतलग पिलातूस से सुमचो लुकसों, “अती दोसी मादे!”

पिलातूस कजेर की अती बीड दगे सुरू सुगतेयग, अई दगची अपिगे सेनीक द्वारा यीसु जा कुरूस को चढाम गे दगची कमांसी| रोमी सेनीक से यीसु जा कोड़े लगासो, हग अतिजा राजसी खसे पसे चुकसों, हग अतीगे पिसया को नचे से कबनते मुकुट तासों| तब ओ अई लुके उगे मजाक उड़ता, “दोबनी यहूदी मग गे राजा!”