40. यीशू जा कूस कौ चढातन्न

यीशू गै मजाक सुग्मौ गै निग्म, सैनिक उजा कूस कौ चढाम दग्ची कौरगै पुदै, उसीसै अती कूस जा अती सै अंग फुन्नचौ जइ कौ औ हिचीयंग।

अती सैनिक यीशू जा अती बंग कौ रकै रान्नचौ जइ खोपडी लुगतन्न हंग उगै ला हंग लिकै जा कूस कौ क्ठकतै, परन्तु यीशू सै लुक्सौ, ‘ऐ बा, अइ मंग क्षमा सुग्तै, खव्की अइ मंग सै म्पतंन्न की अइ खै सुग्गै तातन्न, उसीसै तिगै तख्ती जा री उगै पुस्या गै यरतौ कतंगतै, अती कौ करिदै निसौ, यहूदियों गै राजा, पिलातुस सै उसीजा अइ रिमं दग्ची लुक्सौ।

अत लंग सैनिक मंग सै यीशू गै खसै पसै गै दग्ची चिठि मौक्सौ, जब उसीसै अइना हुगन्नचौ ता उसीसै अती भविष्ययदाणी जा पूरा हुग्सौ जइ लुकतै लै, उसीसै जिगै खसै पसै मंग उसी तमौ दिमौ क्छछु, हंग जिगै खसै पसै गै दग्ची चिठि मौन्नचौ।

अतकौ निसै खुदै निन्चौ, जइसै सैनिक जा अती बकंतर कूस कौ कचढादै निसौ, उसीसै उसीजा यीशु गै निबंग कतासिद निसौ, उसीतै तिगै खुदै सै यीशु गै मजाक उडासौ, परन्तु खमी सै लुक्सौ, खै गंन मजैरनौ कि परमेश्वर सै गन्जा दंड दायंग, इन मथै यदै लन सुग्मौ गै दोषी लियै, परन्तु अइ मी निर्दोष लै, हंग उसै यीशु जा लुक्सौ जब गन अपी राज्य़ कौ रायंगन्न ता होसी जिजा याद सुग्मौ, यीशु सै जवाब दासौ, थिय्या गंन जितै जोरो स्वर्गलोक कौ लैयंग।

यहूदी प्रधान हंग भीड गै गार मी मंग सै यीशु गै मजाक उडासौ, उसीसै उजा लुक्सौ, गनं परमेश्वर गै सिरी लियै, ता कूस गै इखौ रा हंग अपीजा बचाई, तब इन गन्जा विश्वास सुग्यंगनै।

तब उसी सम्पूर्ण देश गै तिम्बु जम्मइ तरह सै वोम्दै कल्तै इन, भले अति निछ्छै गै गुन्दा गै समय निसौ, अइ निछ्छै गै बकतर वोम्दै कल्तै निसौ हंग सुम घंटे वासै अइनी निसौ।

तब यीशु सै गाल्गै लुक्सौ, ‘जम्मा लिच्चौ’ ऐ बा जै अपीगै आत्मा नंगै लखौ सौपतो तब उसै अपीगै पुस्या खिसौ हंग अपीगै प्राण कत्यागतै, जब अती पज्यंग ता तिगै रिंन रासौ, अती पुदै पर्दा जइ परमेश्वर गै उपस्थिति सै मी मंग यकरौ क्सुगंतै यरतौ कौची इखौ तक्सौ बैंग लकै निसै टुकरा क्लै।

अपीगै हिचिम गै दवारा, यीशु सै मी मंग दग्ची परमेश्वर गै नैरो राम गै अम क्खौतै, जब यीशु गै निगरानी सुग्दै वाला सैनिक सै जइ री क्लतै निसौ अइ जम्मा दौब्सौ ता उसै लुक्सौ, निश्रित रूप सै अइ मी निर्दोष निसौ, अइ परमेश्वर गै सिरी लै।

तब यूसुफ हंग नीकुदेमुस मिन गै निसै यहूदी प्रधान रान्नचौ, उसी विश्वास सुग्दै लिन्न कि यीशु री मसीह निसौ, उसीसै पिलातुस सै यीशु गै गौबरंग थौसो, उसीसै उगै गैबरंग कौची खसै पसै कौ तुम्सौ, तब अती उजा तिगै बै कौची चेकै कबनासीदै कब्र कौ प्यौकंर हंग उगै चुकौ क्तातै, तब उसीसै अती कब्र गै दवार बंद सुग्मौ दग्ची तिगै पौदे उंग जा चुरकुन्तै।