10. दस विपत्ति

परमातिमा मूसा अऊ हारून क चेता दईन कि फिरौन हठी होई जई। जब ऊँ फिरौन के पास गें ऊँ कहीन, इस्राएल के परमातिमा अइसा कहा था, “मोरे मनई का जाँ दें ।” पर फिरौन उन्खर नई सुनीस अऊ इस्राएली कि जाएँ के लाने स्वतंत्र बजाय उन्हीं अऊ सतामा लागो, अऊ बनी मजदूरी करवामा लगो।

फिरौन ऊँ मनई का जाँ दे से लगीतार मना करत रहो आओ। एखे बजे से परमातिमा मिस्र म भयंकर दस विपत्ति भेजिस ईं विपत्ति के व्दारा परमातिमा फिरौन का दिखा दईस कि व फिरौन अऊ मिस्र के दवी-देऊतन से ज्यादा शकितशाली हबा।

परमातिमा नील नदिया का खून म बदल दईन पर फिरौन अबहूँ भी इस्राएलीन का नई जाँ द रहो आ।

फेर परमातिमा पूरा मिस्त्र म गुलरा भेजिन l फिरौन गुलरन का दूर करे के लाने मूसा से विनती करिस । पर सब गुलरा के मरे के बाद, फिरौन अपन मन का कठोर कर लईस अऊ इस्त्राएलीन क मिस्र से नई जाँ दईस।

एखे बजे से परमातिमा कुटकिन के विपत्ति भेजिन l ओखे बाद व डाँसन के विपत्ति भेजिन । फिरौन मूसा अऊ हारून का बुला के कहीस कि, “तुम य विपत्तिन का रोंक दईहा त तुम इस्त्राएली मिस्त्र का छोड़ के जा सकते ह । फेर जब मूसा प्रार्थना करीस त परमातिमा मिस्त्र म से सब डाँसन का हटा दईन । पर फिर भी फिरौन अपने मन का कठोर कर लईस I अऊ स्वंतत्र होइ के जाऐं न दईस l

ऐखे बाद परमातिमा मिस्त्रिन के सब पालतू जानवरन का बीमार करके मर जाऐं दईन । पर फिरौन के मन कठोर होई गा रओ ह । अऊ व इस्त्राएलीन का नई जाँ दईस l

तब परमातिमा मूसा से हवा म राख फईकें के लाने कहिन l तब व अइसे ही करिस त मिस्री मनईन के चमड़ी म दर्दनाक फोड़ा निकल आओ, पर इस्राएलीन का कुछु नई भ l परमातिमा फिरौन के मन का कठोर कर दर्ईन अऊ फिरौन इस्त्राएलीन का स्वतंत्र होइके नई जां दईस I

ऐखे बाद, परमातिमा ओला, ओआर गिराईन अऊ मिस्त्री के खूब हस फसल बरबाद कर दईन । अऊ जऊन कोऊ भी बाहर निकलो सबका मार डालिन I फिरौन मूसा अऊ हारून क बुला के कहिस, “में बहुत पाप करे हों तुम जा सकते ह ।” तब मूसा प्रार्थना करिस । ओआर गिरा क बन्द होईगा I

पर फिरौन फेर से पाप करिस अऊ अपने मन क कठोर कर लईस l अऊ इस्राएलीन क नई जां दईस I

तब परमातिमा मिस्र म टिड्डिन क आज्ञा दईन । ईं टिड्डी उनखर सबला फसल खा लईन जेही ओआर नाश नई करे रहो l

फेर परमातिमा अन्धियार कर दईन जउन तीन दिन अऊ तीन रात रहो आओ l अंधियार एतना घोर रओ ह कि मिस्री मनई अपन घर से नई निकल पाईन l पर जहां इस्राएली मनई राहत रहें हें वहां उन्जियार रओ ह |

इन नौ विपत्तिन के बाद भी फिरौन इस्राएली क जां दए से मना कर दईस, कहे से कि फिरौन नई सुनीस ऐखे कारन परमातिमा एकठे आखरी विपत्ति का भ्याजा के योजना बनाईन । य फिरौन के मन का बदल देई |