11. फसह

परमातिमा मूसा अऊ हारून का फिरौन के पास म य कहा के लाने भेजिन कि इस्राएली का जाएं दे l ऊँ उन्ही चेता दईन कि यदि उन्ही न जां देई त परमातिमा मिस्र के मनई, जानवरन के सब पहिलौठा का मार देईहीं । फिरौन य बात का सुनके भी परमातिमा के ऊपर विश्वास नई करिस अऊ बात माने से मना कर दईस l

परमातिमा ओखे ऊपर विश्वास करां वाले के पहिलौठान का बचामा के लाने एकठे उपाय करीन कि हर परिवार क एकठे निष्कलंक मेम्ना लेके वाखर बध करे का पड़ी ।

परमातिमा इस्राएलीन से व मेम्ना के खून का लई के अपने घर के चौखट म लगाय क कहीन । उन्हीं ओखे मास का भून्जे के रओ ह अऊ फेर उन्हीं अखमीरी रोटी के साथ म खाय क रओ ह । उन्हीं व खाना खाय के बाद उन्हीं तत्काल मिस्र का छोड़े का भी तैयार रहे का कहीन ।

जइसा करे के लाने परमतिमा आज्ञा दईन । ऊँ सब ओखे कहती सब कुछ करीन I आधी रात म परमतिमा हर एक बड़ा बेटवा का घात करत मिस्र के बीच से गुजरीन।

इस्राएलीन के हर घर के चौखट म खून लगो रओ ह, एहीन से परमातिमा ऊँ घरन का छोड़ दईस । उनखे भीतर के सब मनई सुरक्षित रए हें। ऊँ मेम्ना के लहू के बजे से बच गें।

पर मिस्री परमातिमा पर बिसवास नई करीन अऊ ओखे आज्ञा क नई मानीन एखे बजे से परमातिमा उनखे घरन का नई छोड़िन । परमातिमा मिस्रिन के हर एकठे पहिलौठा बेटवन का मार दईन।

जेल के कैदीन के पहिलौठा से लइके, फिरौन के पहिलौठा तक हर एकठे पहिलौठा बेटवा मर गें। अपन भारी तकलीफ़ के बजे से मिस्र के खूब मनई रोऊत रय हें अऊ विलाप करत रय हें।

वहे रात फिरौन मूसा अऊ हारून क बुलाइस अऊ इस्राएलीन क लइके तुरते मिस्र से भग जाय के निवेदन करीस।