12. निर्गमन

इस्राएली मनई मिस्र से निकल के बहुत खुश रए हें I उँ अब दास नहीं रहे आ अऊ ऊँ परतिज्ञा के देस म जात रहें। जऊन कुछु भी इस्राएली मांगीन, मिस्री उन्हीं व सब कुछ दईन, यहां तक कि सोना अऊ चाँदी अऊ मूल्यवान सामान दईन। दूसर देस के मनई परमातिमा के ऊपर बिसवास करीन अऊ जब इस्राएली मनई मिस्र से निकलो त ऊँ भी उनखे साथ होईगे।

दिन म बादल के एकठे बिसाल खम्बा उनसे आगे-आगे चलो अऊ रात के समय य आग के खम्बा बन ग। परमातिमा जउन कि व बादल के खम्बा अऊ आग के खम्बा म रय हें, हर समय उन्खे साथ रय हें अऊ ऊँ यात्रा करत के समय भर उन्खर अगुवाई करीन। उन्हीं बस एतना करे क रओ ह कि उन्खे पीछे चलतीन।

थोड़ी देर के बाद, फिरौन अऊ वाखर मनई अपने मन का बदल दईन। ऊँ इस्राएलीन का फेर से अपन दास बनामा का चाहत रय हें। एही से ऊँ इस्राएलीन के पीछा करां लगे। य परमातिमा रए हें जऊन उन्खे मनन क बदल द रय हें। ऊँ अइसा एखे लाने करीन कि ऊँ चाहत रह हें कि सब कोऊ य जान ले कि फिरौन से अऊ मिस्रिन के सब देऊतन से, यहोवा बहुत ज्यादा शक्तिशाली हें ।

जब इस्राएली मिस्र के सेनन का आऊत देखिन त उन्हीं पता चलो कि फिरौन के सेना अऊ लाल समुद्र के बीच म ऊँ फंस गे हें। ऊँ बहुत डेरा गें अऊ रोआमा लगें, "हम मिस्र का कहे छोड़ेन, हम मरा वाले हन।"

मूसा इस्राएलीन से कहीस, "डेराँय का बन्द करा! परमातिमा आज तुम्हरे लाने लड़ी अऊ तुम्हीं बचई। "तब परमातिमा मूसा से कहीन, " ईं मनईन क लाल समुद्र कई आ गे जायँ के लाने कह।"

तब परमातिमा व बादल क खम्बा क लई के इस्राएली अऊ मिस्री के बीच म लई के रख दईन ताकि मिस्री मनई इस्राएलीन क न देख पावयँ।

परमातिमा मूसा से समुद्र म अपन हाथ बढ़ाय क लाने कहीन। फेर परमातिमा हवा से समुद्र के पानी क बाँय अऊ दायँ दू भाग करवा दईन, समुद्र से होईके रास्ता बन ग।

इस्राएली मनई अपन दोनों कई पानी के दीवाल के साथ म सूख भुइयाँ समुद्र से होईके बढ़ गें।

तब परमातिमा व रास्त से बादल क ऊठा लईन कहेसे कि मिस्री मनई इस्राएली का बच के जात द्याखा I मिस्री उन्ही पकड़ा के लाने उनखर पीछा करां क निर्णय लईन I

का घबरा दईन अऊ उनखर रथन का लटका दईन। ऊँ चिल्लाय लगें "भग भग, इस्राएलीन के तरफ से परमातिमा लड़थें।"

सगला इस्राएली समुद्र के दूसर तरफ पहुँच गें। तब परमातिमा मूसा से कहीन कि, “व फेर से पानी म हाथ बढ़ावा ।” जब मूसा अइसा करिस, त पानी मिस्री सेनन म आ पड़ो अऊ अपन समान स्थिति म होइगा। सब मिस्री सेना डूब गई।

जब इस्राएली देखीन कि मिस्री मर गें त ऊँ परमातिमा के ऊपर बिसवास करीन। अऊ ऊँ बिसवास करीन कि मूसा परमातिमा के तरफ से भविस्यवक्ता आय।

इस्राएली मनई एखे बजे से भी खूब आनंदित रय हें कहेसे कि परमातिमा उन्हीं मरे से अऊ दास होय से बचा ले रय हें। अऊ ऊँ परमातिमा के आराधना करा लगे रय हें अऊ वाखर आज्ञा के पालन करा के लाने स्वतंत्र होई गे रय हें। इस्राएली अपन स्वतंत्रता के उत्सव मनामा के लाने अऊ परमातिमा के प्रसंसा करां के लाने इकट्ठे गीतन का गाईन कहेसे कि उन्हीं व मिस्रीन के सेना से बचाय रओ ह।

परमातिमा इस्राएलीन का एकठे त्योहार मनामा क लाने आज्ञा दईन। य याद करे के लाने कि कईसे परमातिमा मिस्रीन का हराईन अऊ उन्हीं दास होय से स्वतंत्र करीन। य फसह के त्योहार कहाईस। यमा उन्हीं यखर उत्सव मनामा क लाने एकठे स्वस्थ मेमना का बली करा रओ ह, ओही भून्जा क रओ ह, अऊ उन्हीं बिना खमीर बाली रोटी के साथ खाय क रओ ह।