24. यूहन्ना यीशु क बपतिस्मा दे थ

एलीशिबा अऊ जकर्याह के बेटवा यूहन्ना, बड़ा होईके एकठे भविष्यद्वक्ता बन ग । व जंगल म रहे करत रओ ह, अऊ जंगली शहद अऊ टिड्डिन का खाए करत रओ ह, अऊ ऊँट के रोमा से बनो कपड़ा का पहिने करत रओ ह ।

बहुत से मनई यूहन्ना के बातन का सुने के लाने जंगल म निकल आएं । ओही य कहिके उनखर प्रचार करीस, "पश्चाताप करा, कहेसे कि स्वर्ग के राज्य निकट हबा!"

जब मनईन यूहन्ना के संदेश क सुनीन, त उनमन से बहुत अपन पापन से पश्चाताप करीन, अऊ यूहन्ना उनही बपतिस्मा दईस । यूहन्ना क द्याखा के लाने बहुत सारा धर्मी अगुवा भी आएं , पर ऊँ अपने पापन के पश्चाताप या अंगीकार नई करीन ।

यूहन्ना धार्मिक अगुवन से कहीस, "हे जहर बाले साँप! पश्चाताप करा अऊ अपन व्यवहार क बदला। परमातिमा हर व पेड़ क काट डलहीं जऊन अच्छा फल नई लावय, अऊ व उन्हीं आग म झोंक दई।" जऊन भविष्यद्वक्ता कहे रए हें, यूहन्ना ओही पूरा करीस, "देख, जल्दी ही मैं तोरे आगे अपन संदेशवाहक क भेजिहों जऊन तोरे लाने मार्ग क तैयार करी।"

कुछ धार्मिक अगुवाँ यूहन्ना से पूछीन कि का व मसीह आय । यूहन्ना जवाब दईस, "मैं मसीह नई आहों, पर व मोरे बाद आऊ थ। व एतना महान हवय कि मैं वाखर जूतं के बद्दी खोले के लायक भी नई आहों।"

दूसर दिन, यीशु बपतिस्मा लेयँ के लाने यूहन्ना के पास आव। जब यूहन्ना ओही देखिस, त ओही कहीस, "देख! परमातिमा के मेमना जो संसार के पापन क उठा लई जई ।"

यूहन्ना यीशु से कहीस, "मैं तोही बपतिस्मा देयँ के लायक नई हों। एखे बजे जरुरत ह कि ते मोही बपतिस्मा दे।" पर यीशु कहीस, "तोही मोही बपतिस्मा दे क चाही, कहेसे कि करे के लाने सही काम यहे आय।" यूहन्ना ओही बपतिस्मा दईस, जबकि यीशु कबहूँ पाप नई करे रहो।

बपतिस्मा देई दयँ के बाद जब यीशु पानी से निकलो, त परमातिमा के आत्मा कबूतर के रूप म परगट भ अऊ नीचे आके ओखे ऊपर रुक ग । वहे समय म, परमातिमा स्वर्ग से बात करीन। ओही कहीन, "य मोर बेटवा आय। मैं तोर से प्रेम करत हों, अऊ मैं तोसे बहुत खुश हों।"

परमातिमा यूहन्ना से कहे रए हें, "पवित्र आत्मा नीचे आके कोहू के ऊपर रुक जई जेही ते बपतिस्मा दईहे।" वहे परमातिमा के बेटवा होई, परमातिमा एकठे ही हें। पर जब यूहन्ना यीशु क बपतिस्मा दईस, त व परमातिमा पिता क बात करत सुनीस, बेटवा परमातिमा क देखिस, जऊन कि यीशु आय, अऊ व पवित्र आत्मा क देखिस।