36. रूप बदलत ह

एक दिन, यीशु अपन तीन चेलन, पतरस, याकूब, अऊ यूहन्ना क आपन साथ म लईन (य यूहन्ना नाम के चेला व मनई न हो जऊन यीशु क बपतिस्मा दए रओ ह )। ऊँ प्रार्थना करा के लाने एकठे ऊँच पहाड़ गें ।

जब यीशु प्रार्थना करत रए हें त वाखर चेहरा सूर्य के समान उज्जवल होई गा । वाखर कपड़ा उजियाला के समान सफेद होई गा, जईसा पृथ्वी म कोऊ कर सका ओसे भी बढ़ के सफेद।

तब मूसा अऊ एलिय्याह भविष्यद्वक्ता प्रकट भें । य मनई य पृथ्वी म य समय से सैकड़ों साल पहीले रहत रए हें । ऊँ यीशु से उन्खर के विषय म बात करीन, कहेसे व जल्दी ही यरूशलेम म मर जईहीं ।

जब मूसा अऊ एलिय्याह यीशु से बात करत रए हें तब पतरस यीशु से कहीस, "हमरे लाने हिन होएं क भला ह । हम तीन मंडप क बनऊब, एकठे तोरे लाने, एकठे मूसा के लाने, अऊ एकठे एलिय्याह के लाने ।" पर पतरस नई जानत रओ ह कि वह का कहत रओ ह ।

जब पतरस बात करत रओ ह, त एकठे चमकदार बादल नीचे आके उनखे ऊपर छा गा । फेर ऊँ बादल म से एकठे आवाज क आऊत सुनीन । ऊँ कहीन, "य मोर बेटबा ह जेहि मैं प्रेम करत हों । मैं ओसे प्रसन्न हों । उन्खर सुना ।" ऊँ तीनों चेला डर गें अऊ भूईयाँ म लेट गें ।

तब यीशु उनही छुईन अऊ कहीन, "डरा मत। उठ जा।" जब ऊँ चारों तरफ देखिन, त जऊन भी हुन रओ ह व केवल यीशु रए हें ।

यीशु अऊ ऊँ तीनों चेला व पहाड़ से वापस नीचे उतर आएं । तब यीशु उनसे कहीन, "अभी जऊन हिन भ वाखर चर्चा कोहू से न कर्या । मैं जल्दी ही मर जईहों अऊ फेर जिन्दा होई जईहों । ओखे बाद, तुम मनईन क बता सकते ह।"