45. स्तिफनुस अऊ फिलिप्पुस

प्रथम मसीही अगुवाँ के बीच म स्तिफनुस नाम के एकठे मनई रओ ह । सब मनई वाखर आदर करत रए हें । पवित्र आत्मा ओही बहुत सामर्थ अऊ बुद्धि प्रदान करे रई हीं। स्तिफनुस बहुत से चमत्कार करे रए हें । जब व यीशु म भरोसा करे के बारे म उनहीं शिक्षा दईस त बहुत से मनई व म विश्वास करीन ।

एक दिन, स्तिफनुस यीशु के बारे म शिक्षा देत रओ ह, अऊ कुछ अइसे यहूदी आएँ जऊन यीशु म विश्वास नई करत रए हें अऊ वाखर साथ वाद-विवाद करे क सुरु कर दईन। ऊँ बहुत गुस्सा होईगें, एहीसे ऊँ धार्मिक अगुवाँ के पास गें अऊ वाखर बारे म झूठ बोलीन। ऊँ कहीन, "हम स्तिफनुस क मूसा अऊ परमातिमा के बारे म बुरा बात-बोलत सुने हन!" एहीसे धार्मिक अगुवाँ स्तिफनुस क गिरफ्तार कर लईन अऊ ओही महायाजक अऊ यहूदियन के दूसर अगुवा के सामने लइके आएँ। अऊ ज्यादा झूठ गवाहन क लइके आएँ अऊ ऊँ स्तिफनुस के बारे म झूठ बोलीन।

महायाजक स्तिफनुस से पूछीस, "का ईं मनई तोरे बारे म सही कहत हें ?" स्तिफनुस महायाजक क जवाब देके लाने बहुत से बातन क बोले क सुरु कर दईस । व कहीस कि अब्राहम के समय से यीशु के समय तक परमातिमा इस्राएल के मनईन के लाने बहुत से अनोखा काम करीन हें। पर मनईन हमेशा परमातिमा के अनाज्ञाकारिता करीन। स्तिफनुस कहीस, "तुम मनई परमातिमा के विरुद्ध ढीठ अऊ बलवा करा वाले हबा। तुम हमेशा पवित्र आत्मा क अस्वीकार करे ह, जईसे कि हमार पूर्वज हमेशा पवित्र आत्मा क अस्वीकार करे रए हें अऊ हमेशा वाखर भविष्यद्वक्तन क मार डाले रए हें। पर जऊन ऊँ करे रए हें वाखर तुलना म तुम अऊ भी बुरा करे ह! तुम मसीह क मार डाल्या!"

जब ऊँ धार्मिक अगुवाँ य सुनीन, त ऊँ एतना गुस्सा होई गें कि ऊँ अपन कानन क बंद कर लईन अऊ ऊँचा आवाज म चिल्लाईन। ऊँ स्तिफनुस क घसीट के नगर से बाहर लईगें अऊ ओही मार डाला के लाने ओही पत्थर मारीन।

जब स्तिफनुस मरत रओ ह, व पुकार उठो, "हे यीशु, मोरे आत्मा क ग्रहण कर!" तब व अपन घुटना म गिर पड़ो अऊ फेर से पुकार उठो, "हे प्रभु, य पाप उनखे ऊपर न लगए।" तब व मर ग रओ ह ।

व दिन, यरूशलेम म रहाँ वाले बहुत से मनई यीशु के अनुयायी क सतामा क सुरु कर दईन, एहीसे विश्वासी मनई दूसर जगह म भग गें। पर एखे बाद भी, जहाँ कई भी ऊँ गें ऊँ यीशु के बारे म प्रचार करीन ।

फिलिप्पुस नाम के यीशु के एकठे विश्वासी रओ ह । जईसा कि दूसर बहुत से विश्वासि करे रओ ह व भी यरूशलेम से भग ग रओ ह । व सामरिया के क्षेत्र म चलो ग रओ ह । हुन व मनईन म यीशु के बारे म प्रचार करीस । बहुत से मनईन व म विश्वास करीन अऊ उद्धार पाईन । एक दिन, फिलिप्पुस के पास परमातिमा के तरफ से एकठे स्वर्गदूत आओ अऊ ओही जंगल म जाएं के लाने, अऊ एक ठे सड़क म चले के लाने कहीस । फिलिप्पुस हुन चलो ग रओ ह । जब व, व सड़क म चलत रओ ह, त व एकठे मनई क अपन रथ म जात देखिस । य मनई कूश देश के एकठे महत्वपूर्ण अधिकारी रओ ह । पवित्र आत्मा फिलिप्पुस से कहीस कि जाके व मनई के साथ-साथ चल।

एहीसे फिलिप्पुस रथ के पास ग रओ ह । व सुनीस कि व कूशी परमातिमा के वचन क पढ़ रओ ह । जऊन यशायाह भविष्यद्वक्ता लिखे रओ ह व ओही पढ़त रओ ह । व पढ़त रओ ह, "ऊँ ओही वध करे जाएं वाली भेड़ के समान लई गें, अऊ जईसे एकठे मेमना शान्त होत ह, व भी एकठे शब्द नई कहीस । ऊँ ओखे साथ अनुचित व्यवहार करीन अऊ वाखर आदर नई करीन । ऊँ वाखर प्राण लई लईन ।"

फिलिप्पुस व कूशी से पूछीस, "जऊन ते पढ़त रए हे का ते ओही समझते भी हस ?" व कूशी जवाब दईस, "नई । जब तक कोऊ एही मोही समझई न, तब तक मैं एही नई समझ सकों। कृपा करके मोरे पास आके बईठ। यशायाह य अपन बारे म लिखे रओ ह य फेर कोनो अऊ के बारे म?"

फिलिप्पुस रथ म चढ़ के बईठ ग रओ ह । तब व, व कूशी मनई क व बताईस जऊन यशायाह यीशु के बारे म लिखे रओ ह । फिलिप्पुस परमातिमा के वचन के बहुत से दूसर भागन के भी चर्चा करीस। ये तरह से, व, व मनई क यीशु के बारे म शुभ संदेश सुनाईस।

फिलिप्पुस अऊ व कूशी चलत-चलत पानी के पास आएँ। व कूशी कहीस, "देख! हीन पानी हबा! का मैं बपतिस्मा लई सकत हों?” अऊ व सारथी से रथ क रोके के लाने कहीस ।

ऊँ पानी म चले गें, अऊ फिलिप्पुस व कूशी क बपतिस्मा दईस । जब ऊँ पानी से बाहर आएँ, त पवित्र आत्मा अचानक फिलिप्पुस क उठा के कोनो दूसर जगह क लई ग रओ ह । हुन फिलिप्पुस मनईन क यीशु के बारे म बतामा क जारी रखिस।

व कूशी अपन घर के यात्रा म आगे बढ़ ग रओ ह । व खुश रओ ह कि व अब यीशु क जानत रओ ह ।