44. पतरस अऊ यूहन्ना एक भिखारी क चंगा करत हें

एक दिन, पतरस अऊ यूहन्ना मंदिर म गें । एकठे लंगड़ा मनई भीख माँगा के लाने फाटक म बइठो रओ ह ।

पतरस व लंगड़ा मनई के तरफ देखिस अऊ कहीस, "मोरे पास तोही दें के लाने पइसा त नई ह। पर जऊन मोरे पास ह व मैं तोही देत हों । यीशु के नाम से, उठ अऊ चल-फिर!"

तुरत ही, परमातिमा व लंगड़ा मनई क चंगा कर दईन । व यहाँ-वहाँ चला अऊ कूदा, अऊ परमातिमा के स्तुति करा क आरम्भ कर दईस । मंदिर के आँगन म उपस्थित मनई अचम्भित रए हें ।

जल्दी से मनई के एकठे भीड़ व मनई क देखा के लाने आई जऊन चंगा होई गा रओ ह । पतरस उनसे कहीस, "य मनई ठीक ह, पर य बात म अचम्भित मत होया । हम येही अपन शक्ति से चंगा नई करे हन, या यहो भी नई कि हम परमातिमा के आदर करी थे । बल्कि, ऊँ यीशु हें जऊन य मनई क अपन शक्ति से चंगा करीन हीं, कहेसे हम यीशु के ऊपर भरोसा करी थे ।"

"व तुमहीन तो आहा जऊन व रोमी राज्यपाल क यीशु क मार डाला के लाने कहे रए ह । तुम उनही मार डाले ह जऊन सब क जीवन देत हें । पर परमातिमा उनही मरे म से जिन्दा करीन हें । तुम नई समझे आहा कि तुम का कर रए ह, पर जब तुम ऊँ कामन क कर रए ह, त जऊन भविष्यद्वक्ता कहे रओ ह व पूरा भ । व कहे रओ ह कि मसीह दुःख उठई अऊ मर जई । परमातिमा एही य तरीका से होमा दईन । एहीसे अब, पश्चाताप करा अऊ परमातिमा के तरफ फिरा, ताकि ऊँ तुम्हरे पापन क धोके साफ कर दें ।"

जब मंदिर के अगुवा पतरस अऊ यूहन्ना क सुनिन, त ऊँ बहुत घबरा गें । एहीसे ऊँ उनही गिरफ्तार करके जेलखाना म डाल दईन । पर जऊन पतरस कहे रओ ह ओखे ऊपर बहुत से मनई विश्वास करीन । यीशु पर विश्वास करा वालेन के संख्या बढ़ के लगभग 5,000 होई ग।

अगले दिन, ऊँ यहूदी अगुवा पतरस अऊ यूहन्ना क महायाजक अऊ दूसर धार्मिक अगुवन के सामने लईके आएं । ऊँ व मनई क भी लईके आएं जऊन अपाहिज रओ ह । ऊँ पतरस अऊ यूहन्ना से पूछीन, "कऊन से अधिकार से तुम व अपाहिज मनई क चंगा करे ह ?"

पतरस जवाब दईस, "य मनई जऊन तुम्हरे सामने खड़ो ह ओही यीशु मसीह के सामर्थ के द्वारा चंगा करो गा ह। तुम यीशु क क्रूस म चढ़ा दये ह, पर परमातिमा ओही फेर से जिन्दा कर दईन हीं ! तुम उनही अस्वीकार कर दये ह, पर यीशु के सामर्थ के माध्यम के अलावा उद्धार पामा के लाने कोनो दूसर चारा नई हबा!"

ऊँ अगुवा हैरान रए हें कि पतरस अऊ यूहन्ना बहुत साहसी रूप से बात करा थे ।ऊँ देखिन कि ईं साधारण मनई रए हें जऊन कि अनपढ़ रए हें । पर फेर उन्हीं याद आओ कि ईं मनई यीशु के साथ रहत रए हें । एहीसे ऊँ उनसे कहिन, "हम तुमही बहुत ज्यादा दंड देऊबा अगर तुम य मनई यीशु के बारे म मनईन क कोऊ अऊ संदेश दईह त।" अइसा बहुत सारा बात कहे के बाद, ऊँ पतरस अऊ यूहन्ना क जाएं दईन ।