49. परमातिमा के नया वाचा

एकठे स्वर्गदूत एकठे जवान मेहेरिआ मरियम से कहीन कि व परमातिमा के बेटबा क जनम देई । व अबहूँ कुँआरी रई ही, पर पवित्र आत्मा ओखे पास आओ अऊ व गर्भवती भई । व एकठे बेटबा क जनम दईस ज्याखर नाम व यीशु रखिन । एहीसे, यीशु परमातिमा अऊ मनुष्य दोनों हें ।

यीशु बहुत से चमत्कार करीन जऊन दिखत ह कि ऊँ परमातिमा हें । ऊँ पानी म चलीन अऊ आँधी क शान्त करीन । ऊँ बहुत से बीमार मनईन क चंगा करीन अऊ बहुत से मनईन म से दुष्टात्मा क निकालीन । ऊँ मरे मनईन क जिन्दा कर दईन, अऊ ऊँ पाँच रोटी अऊ दूट्ठे मछलीन क 5,000 मनईन क खिलामा के लाने पर्याप्त भोजन म बदल दईन ।

यीशु एकठे महान शिक्षक भी रए हें । जऊन कुछ भी व सिखाईन, ओही ऊँ सिद्धता के साथ सिखाईन। जऊन ऊँ मनईन से करे के लाने कहत हें व उन्हीं करा क चाही कहेसे ऊँ परमातिमा का बेटबा हें । उदाहरण के लाने, ऊँ सिखाईन कि तुम्हीं दूसर मनईन क वहे रीति से प्रेम करे के आवश्यकता ह जईसे तुम खुद क प्रेम करते ह ।

ऊँ यह भी सिखाईन कि तुम्हीं सब वस्तुन से ज्यादा अऊ अपन संपत्ति से भी ज्यादा परमातिमा क प्रेम करा क चाही ।

यीशु कहीन कि संसार म कोनो भी चीज क प्राप्त करे से ज्यादा अच्छा ह परमातिमा के राज्य म होए क । ओखे राज्य म तुम्हरे प्रवेश करे के लाने आवश्यक ह कि परमातिमा तुम्हीं तुम्हरे पापन से बचई ।

यीशु कहीन कि कुछ मनई ओही ग्रहण करहीं । परमातिमा ऊँ मनईन क बचई । पर दूसर मनई ओही ग्रहण नई करहीं । व य भी कहीन कि कुछ मनई अच्छी भूईयाँ के समान हें, कहेसे ऊँ यीशु के बारे म शुभ संदेश क स्वीकार कर लेत हें, अऊ परमातिमा उन्हीं बचाऊत हें । पर कुछ मनई मार्ग के कठोर भूईयाँ के समान हें । परमातिमा के वचन दाना के समान मार्ग म गिरत ह, पर हुन कुछ भी नई उगत ह । य मनई यीशु के बारे म संदेश क अस्वीकार कर देत ह । ऊँ ओखे राज्य म प्रवेश करे से इंकार कर देत हें।

यीशु सिखाईन कि परमातिमा पापिन से बहुत प्रेम करत हें । ऊँ उन्हीं क्षमा करा क चाहत हें अऊ उन्हीं अपन संतान बनामा क चाहत हें ।

यीशु य भी बताईन कि परमातिमा पाप से घृणा करत ह । कहेसे आदम अऊ हव्वा पाप करीन, एहीसे उन्खर सारा वंश भी पाप करीन । य संसार म रहाँ वाला हर झन पाप करत ह अऊ परमातिमा से दूर ह । हर झन परमातिमा के शत्रु ह ।

पर परमातिमा य संसार म रहाँ वाले हर झन से य रीति से प्रेम करीन कि ऊँ अपन एकलऊता बेटबा क दई दईन ताकि परमातिमा उन्हीं दण्ड न दे जऊन वमा विश्वास करत हें । एखे बजाए, ऊँ ओखे साथ हमेशा के लाने रईहीं ।

तुम मरा के योग्य ह, कहेसे तुम पाप करे ह । तुम से परमातिमा के गुस्सा होएं क उचित ही ह, याखर अपेक्षा, ऊँ यीशु म गुस्सा भें । ऊँ यीशु क क्रूस के मृत्यु दईके दण्ड दईन ।

यीशु कबहूँ पाप नई करीन, पर परमातिमा उनही दण्ड दई दईन । व मर जाएं क स्वीकार करीन । य रीति से, तुम्हरे पापन क अऊ य संसार म रहाँ वाले हर झन के पापन क उठा लई जाएं के लाने व एकठे सिद्ध बलिदान रए हें । यीशु खुद क परमातिमा के लाने बलिदान कर दईन, एहीसे परमातिमा कोनो भी पाप क, यहाँ तक कि भयंकर पापन क भी क्षमा करत हें ।

भले ही अगर तुम बहुत से अच्छे कामन क करते ह, त एखे द्वारा परमातिमा तुम्हीं न बचईहीं । उन्खर मित्र बना के लाने अईसा कुछ भी नई ह जऊन तुम कर सकते ह। उन्खर अपेक्षा, तुम्हीं विश्वास करा क ह कि यीशु परमातिमा के बेटबा आए, अऊ व तुम्हरे बदले म क्रूस म मर ग, अऊ य भी कि परमातिमा ओही फेर से जिन्दा कर दईन । अगर तुम य म विश्वास करीहा, त परमातिमा तुम्हरे पापन के क्षमा दईहीं ।

परमातिमा व हर झन क बचाई जऊन यीशु म विश्वास करत ह अऊ उनहीं अपन प्रभु स्वीकार करत ह । ऊँ उन्हीं न बचईहीं जऊन उन्खर ऊपर विश्वास नई करत हें । य कोनो मायने नई रखत ह कि तुम धनी ह या गरीब ह, मेन्सेरुआ ह या मेहेरिआ ह, बूढ़ा ह या जवान ह, या तुम कहाँ रहते ह। परमातिमा तुमही प्रेम करत हें ऊँ चाहत हें कि तुम यीशु ऊपर विश्वास करा कि ऊँ तुम्हार मित्र बन सकें ।

यीशु तुम्हीं बुला रए हें कि उन्खर ऊपर विश्वास करा अऊ बपतिस्मा ल्या । का तुम विश्वास करते ह कि परमातिमा के एकलऊता बेटबा, यीशु मसीह ह ? का तुम विश्वास करते ह कि तुम एकठे पापी ह अऊ य कि तुम परमातिमा द्वारा तुम्हीं दंडित करे जाएं के योग्य ह? का तुम विश्वास करते ह कि तुम्हरे पापन क मिटामा के लाने यीशु क्रूस म मरीन ?

अगर तुम यीशु म अऊ जऊन ऊँ तुम्हरे लाने करीन हें वमा विश्वास करते ह, त तुम एकठे मसीही ह! शैतान अपन अंधकार के राज्य म अब तुम्हरे ऊपर शासन न करी । अब परमातिमा अपन प्रकाश के राज्य म तुम पर शासन करहीं । ऊँ तुम्हीं पाप करे से रोक दईन हें, जइसे तुम करे करत रए ह । व तुम्हीं एकठे नया, उचित जीवन दईन हीं ।

अगर तुम एकठे मसीही ह त जऊन यीशु करीन हें ओखे कारण परमातिमा तुम्हरे पापन क क्षमा कर दईन हें । अब, परमातिमा एकठे शत्रु के अपेक्षा तुम्हीं एकठे घनिष्ठ मित्र मानत हें ।

अगर तुम परमातिमा के मित्र ह अऊ प्रभु यीशु के सेवक ह त तुम ऊँ बातन के पालन करे के इच्छा करा जऊन यीशु तुम्हीं सिखाऊत हें । भले ही तुम एकठे मसीही ह, शैतान अबहूँ भी पाप करे के लाने तुम्हार परीक्षा करी । पर परमातिमा हमेशा व करत हें जऊन ऊँ कहत हें कि ऊँ करहीं । ऊँ कहत हें कि अगर तुम अपन पापन क मान लइहा, त ऊँ तुम्हीं क्षमा कर दईहीं । ऊँ तुम्हीं पाप के विरुद्ध लड़ा का सामर्थ दईहीं ।

परमातिमा तुम्हीं प्रार्थना करा अऊ ओखे वचन क पढ़ा के लाने कहत हें । ऊँ तुम्हीं दूसर विश्वासीन के साथ मिल के वाखर आराधना करे के लाने भी कहत हें । तुम्हीं दूसर मनईन क भी बतामा क ह कि ऊँ तुम्हरे लाने का करीन हें । अगर तुम इन सब कामन क करीहा, त तुम उन्खर एकठे पक्का मित्र बन जईहा ।