5. प्रतिज्ञा का बेटबा

अब्राम अऊ सारै क कनान पहुँचे के दस साल बाद, अबहूँ तक भी उनखे कोनों संतान नई रओ ह । एहीसे, अब्राम के मेहेरिआ सारै ओसे कहीन, "चूँकि परमातिमा अबहूँ तक मोही संतान पईदा करे म सक्षम नई करीन अऊ अब मैं संतान पईदा करे के लाने बहुत बूढ़ी होई गए हों, देख, मोर दासी हाजिरा हीन ही । ओसे ते शादी कर ताकि व मोरे लाने एकठे संतान पईदा कर सका ।"

तब अब्राम हाजिरा से शादी कर लईस । हाजिरा के एकठे बेटबा पईदा भ, अऊ अब्राम वाखर नाम इश्माएल रखिस। पर सारै हाजिरा से जला लगी । जब इश्माएल तेरह साल के रओ ह, परमातिमा फेर से अब्राम से बात करीन ।

परमातिमा कहीन, "मैं सर्वशक्तिमान परमातिमा आहों । मैं तोरे साथ एकठे वाचा बाँधीहों ।" तब अब्राम भूईयाँ म गिर के दण्डवत करीस । परमातिमा अब्राम से य भी कहीन, "ते बहुत सारी जातिन के बाप होई हे । मैं तोही अऊ तोरे वंशज क उन्खर निज भूईयाँ होएं क लाने कनान देश दईहों अऊ मैं सदा के लाने उन्खर परमातिमा होईहों । तोही अपन घराना के हर मनई के खतना करे क ह ।”

"तोर मेहेरिआ सारै एकठे बेटबा पईदा करी–व प्रतिज्ञा के बेटबा होई। वाखर नाम इसहाक रखे। मैं ओखे साथ अपन वाचा क बनाए रखिहों अऊ व एकठे बड़ी जाति बन जई। मैं इश्माएल क भी एकठे बड़ी जाति बनईहों, पर मोर वाचा इसहाक के साथ रही ।" तब परमातिमा अब्राम के नाम बदल के अब्राहम कर दईन, ज्याखर अर्थ हबा, "बहुतन के पिता"। परमातिमा सारै क भी नाम बदल के सारा कर दईन, ज्याखर अर्थ हबा, "मूल माता"।

व दीन अब्राहम अपन घराना के सब मनई के खतना करीस। लगभग एक साल के बाद, जब अब्राहम 100 साल के रओ ह अऊ सारा 90 साल के रई ही, त सारा अब्राहम के बेटबा क पईदा करीस। जइसा परमातिमा उन्हीं कहे रए हें, ऊँ वाखर नाम इसहाक रखीन।

जब इसहाक जवान होईग तब परमातिमा य कहिके अब्राहम के विश्वास के परीक्षा करीन, "अपन एकलऊता बेटबा क ले, अऊ ओही मोरे लाने बलि के रूप म मार दे।" फेर से अब्राहम परमातिमा के बात मानीस अऊ अपन बेटबा क बलि करा के लाने तैयार करीस।

जब अब्राहम अऊ इसहाक बलि चढ़ामा के जगह के तरफ़ जाएं लगे त इसहाक पूछीस, "हे पिता, हमरे पास बलि के लाने लकड़ी त हबा, पर बलि करा के लाने मेमना कहाँ हबा?" अब्राहम जवाब दईस, "हे मोर बेटबा, परमातिमा बलि करा के लाने मेमना के बंधेज करी।"

जब ऊँ बलि चढ़ामा के जगह म पहुँच गें, त अब्राहम इसहाक क बाँध के वेदी म लेटा दईस। व अपन बेटबा क मारा ही वाला रओ ह त परमातिमा कहीन, "रुक जा! टोरवा क नुकसान न पहुँचा! अब मैं जान गय हों कि ते मोर भय मनते हस कहेसे कि ते अपन एकलऊटा बेटबा क भी मोसे से बचाके नई रखे हस।"

पास ही म अब्राहम एकठे मेढ़ा क देखिस जऊन झाड़ी म फँसो रओ ह। इसहाक के बदले बलि के लाने परमातिमा मेढ़ा के बंधेज करे रए हें। अब्राहम खुशी-खुशी मेढ़ा के बलि चढ़ा दईस।

तब परमातिमा अब्राहम से कहीन, "कहेसे कि ते मोरे लाने सब कुछ दें के इच्छुक रए हस, यहो तक कि अपन एकलऊता बेटबा क भी, एहीसे मैं तोही आसीस दें क प्रतिज्ञा करत हों। तोर वंशज आकाश के तरईना से भी ज्यादा होईहीं। कहेसे कि ते मोर आज्ञा क माने हस एहीसे मैं तोरे परिवार के द्वारा संसार के सब कुल क आशीष दईहों।"