6. परमातिमा इसहाक के लाने बन्धेज करा थ ।

जब अब्राहम बुढ़वा होईगा तब वाखर बेटवा, एकठे मेन्सरूआ के बराबर होईगा रओ ह। एखे बजे से अब्राम अपन एकठे सेवक कहीं रिश्तेदारन के पास के भेज मेहेरिआ लामा कहीस।

जऊन जगहा म रिश्तेदारन राहत रहे हें। हुन जाए के बाद परमातिमा रिबिका नाम के टोरिया से मुलाकात करवाईन । व अब्राम के भाई के पोती रही हीबा ।

रिबिका अपन कुटुम्बिन का छोड़ के व सेवक के साथ जायँ के लाने मान ग रही। जइसे ऊं पहुँचिन त इसहाक रिबिका से सादी कर लईस।

बहुत समय के बाद अब्राहम मर गा। तब फेर परमातिमा अब्राहम के बेटवा इसहाक का, अब्राहम के साथ जऊन वाचा बाँधे रओ ह ओखे वजह से आसीस दईस। व वाचा म ही परमातिमा के एकठे परतीज्ञा रओ ह कि, ”अब्राहम के असंख संतान होईहीं।” इसहाक के मेहेरिआ रिबिका के कोनो संतान नई रहो आ।

इसहाक रिबिका के लाने प्राथना करीस, अऊ परमातिम ओही जुड़वा बच्चा दई दईन। जऊन समय ऊं बच्चा रिबिका के पेट म रय हें; वहेन समय म आपस म झगड़ा करा लगें, त जऊन कुछ रिबिका के पेट म होत रओ ह सब परमातिमा के बता दईस।

परमातिमा रिबिका का कहीस तें दू ठे बेटवा पईदा करीहे। उनखर बंस दू ठे अलग-अलग जाति बनईहीं अऊ ऊँ एक - दूसर से झगड़ा करहीं। पर बड़ा वाला बेटवा के जाति छोट वाला बेटवा के जाति के आज्ञा मनही।

जब रिबिका के लरकन के जनम होईगा। तब बड़ा वाला बेटवा लाल अऊ रोमादार रओ ह, अऊ ऊँ ओखर नाम एसाव रखीन। ओखे बाद छोट वाला बेटवा एसाव के एँड़ी पकड़के पइदा होय रओ ह। अऊ ऊँ वाखर नाम याकूब रखीन।