11. फसह रा त्‍योहार

परमेसवर ने मुसा ओर हारुना जो फिरना गे ऐ बोलणे जो पेजया बी इसराईला जो जाणे दे। नितो परमेसवर तिना रे जानवरा ओर लोका रे सब जेठा बेटो जो मारी देगा। फिरोना ने परमेसवरा री ऐ बात मानने ते ओर विसवास करने ते भी ना करती।

परमेसवरा ने अपु पर विसवास करने वाले किसी रे भी जेठे बेटे जो नुकसान ना हो इते खतर इक काम कितया। हऱ परिवारा जो इक खरी भेडा रा बच्‍चा लेइ के तिसरी बली देनी थी।

परमेसवरा ने इसरायली ते तिस पेडा रे बच्‍चे रा खुन लेइ के अपने घरा रे देवलिया पर लगाने जो बोलया। तिना जो तिसरा मास पुनी के अखमीरी रोटिया कने जल्दी जल्दी खाना था। तिने तिस रोटिया जो खाने ते बाद तिना जो ईक दम मिसर देस छडने जो बी बोलया।

परमेसवरा ने जेडा इसराईला जो करने जो बोलया तिने तेडा ई कितया। आदि राता जो परमेसवर हर इक पैले बेटे जो मारदा मिसरा रे बिचे ते निकलेया।

इसराईला रे हर देवलिया पर खुन लगी रा था, ईते खतर तिना घरा जो छडीता। तिना घरा रे सारे लोक ठीक थे। से भेडा रे बच्‍चे रे खुन रे कारन बच गए

पर मिसरिया ने परमेसवरा पर विसवास नी कितया ओर तिसरे आदेसा जो नी मानया। इते खतर परमेसवरा नेतिना रे घरा जो नी छडया। ओर मिसरिया रे हर पैले बेटे जो मारीता।

जेला खाने रे कैदियो रे पेले बच्‍चेया ते लेई ने, फिरोना रे पैले बच्‍चे तक सब मरी गे। दुखा रे खतर सारे मिसरी रोने लगे। चिगने लगी रे थे।

उसी रात फिरोना ने मुसा ओर हरुना जो बुलाया ओर बोलया, इसराईलियो जो लेई के मिसरा ते चली जवो ओर लोका ने भी तिनाव इक दम जाणे जो बोलया।