10. परमेसवरा ने मिसर देसा पर दस विपतिया पेजी

परमेसवरा ने मुसा ओर हारुना जो बोलया बी फिरोन सख्‍त हुई जाणा। जब से फिरोना गे पहुचे तो तिने बोलया, “इसरायल का परमेसवर ईया बोला, ‘मेरे लोका जो जाणे दे’।” पर फिरोना ने तिनारी नी सुणी ओर इसराईला जो छडने री बजाए तिना ते जादा मेहनत करने जो मजबुर किता।

फिरोन तिनाव जो जाणे ते लगातार ना करने लगी रा था, ईते खतर परमेसवरे मिसरा पर दस आपती पेजी। ईते खतर कि परमेसवरा ने फिरोना जो बताया कि से मिसरा रे देवी देवता ते जादा महान आ।

परमेसवरे नील नदिया रे पाणीया जो खुना साई करिता,पर अबु भी फिरोना ने तिनै जो नी जाणे दितया ।

परमेसवरा ने सारे मिसरा च मेढक पेजे ।फिरोना ने मेढक जो दुर करने खतर मुसा जो बोलया, “तब तक सारे मेढक मरी गे थे, फिरोना ने अपने मना जो सखत करी ला पर इसरायला जो मिसरा ते नी जाणे दितया।”

ईते खतर परमेसवरा ने काटणे वाली मक्‍खी पेजी। तिते बाद डासो री फिरोना ने मुसा ओर हारुन जो बोलया बी से ऎ बन्‍द करी देगे तो से इसरायली जो मिसरा ते जाणे देगा। तब मुसा ने परमेसवरा कने विनती किती तब सारी विपती दुर हुईगी। तब बी फिरोना ने इसरायली जो नी जाणे दितया।

ईते बाद परमेसवरा ने सारे पालतु जानवर बिमार हुई के मरी गे। तब बी फिरोना रा मन कठोर हुईगा ओर तिने इसराइलीया जो नी जाणे दितया।

तब परमेसवरा ने मुसा जो फिरोना सामणे हवा च सवा फेकने जो बोलया। जब तिने एडा कितया तब मिसरीया रे शरिरा च फोडे निकली गे पर इसराइला लोका जो कुछ नी हुआ। परमेअवरा ने फिरोना रे मना जो कठोर करी, ता पर फिरोना ने तिना जो नी जाणे दितया।

ईते बाद, परमेसवरा ने ओले बरसाए ओर मिसरा री सारी फसल खराब हुईगी ओर जो कोई बी बार आया तिसो मारीता। तब फिरोना ने मुसा ओर हारुना जो बुलाया ओर बोलया मै पाप कितरा। ओर तुसे लोक अब जाई सकाऐ। तब मुसा ने दुआ किती ओर, अकाशा ते ओले गिरने बन्‍द हुई गे।

पर फिरोना ने फेर पाप किता अपने मना जो फेर कठोर करीला ओर इसराइला जो जाणे नी दिता ।

तब परमेसवर ने मिसरा पर टिडीया रा हमला किता। ईना टिडीया नेसारी फसल खाइली। जो फसल ओलया ते बची गी थी।

तब परमेसवरा ने बहुत नेरा करीता जो तीन दिना तक चलया। ये इतना ज्‍यादा था नेरा था कि मिसरी लोक बार नी नीकली सके। पर जिथी इजराईल रे थे तिथी सवेरा था।

इना नौ आपतिया ते बाद बी, तिने इसराइलीया जो जाणे नी दिता। तब परमेसवरा ने इक आखरी योजना बनाई इसे फिरोना रा मन बदली देना।