9. परमेसवरा ने मुसा जो बुला
युसुफा रे मरनै ते बाद तिसरे सारे रिसतेदार मिसरा च बसी गे। से ओर तिना रे वंशज रे लोक बहुत समय तक तिथी ई रे ओर तिने बहुत सारे बच्चे पैदा किते। से इसराईली कहलाए।
कई सौ साला बाद, इसराएलि बहुत बडी गे थे। पर मिसरी री सहायता खतर युसुफा ने जो कुछ कितया था तिते जो मिसरी लोक पुली गे थे। से इसराईलीया ते डरी गे थे से अब बहुत थे। ईते खतर मिसरा रे राजा फिरोना ने से गुलाम बणाई ले।
मिसरियो ने इसरालियो जो बहुत सारी मकान ओर नगर बनाने जो मजबुर किता। बहुत काम करने री वजय ते तिनारा जीवन बहुत दुखी हुआ ,पर परमेसवरे तिना पर आसिस किती ओर तिनारे बहुत बच्चे पैदा हुए।
फिरोना ने देखया बी इनारे बहुत बच्चे हुणे लगीरे ,ईते खतर तिने अपने लोको जो बोलीकै तिनारे सारे पैदा हुदे छोटे लडके नील नदियाच फेकने रा ओर मारने रा आदेस दिता।
ईक खास ईसरायली ओरता ने इक लडके जो पैदा किता। तिसे ओर तिसा रे घरवालै ने तिस लडके जो जितना से छुपाई सका थे छुपाया।
जब तिस बच्चे रे माता पिता तिसो ओर नी छुपाई सके ,तो तिने तिसो मरने ते बचानै खतर ईक तैरने बाली टोकरीया च पाई के घासा रे बीचे नील नदिया रे कनारे छडीता। तिसा री बडी बेणा ने तिस पर नजर रखी की ईस कने अब कया हुणा।
जब फिरोना री लडकीया ने तिसा टोकरिया जो देखया ओर खोलया। तब तिते ईक बच्चा था तिसे तिसो गोद लेई ला। तिसे ईक इसरायली ओरता जो तिस बच्चे जो दुध पिलाने जो रखया, जो तिसरी असली मां थी। जब से बच्चा ईतना बडा हुई गया कि तिसो दुदा री जरुरत नी थी, तब तिसे फिरोना री लडकीया जो तिसो देईता, तिसरा नाम मुसा रखया।
जब मुसा बडा हुई गया, तब इक दिन तिने देखया बी इक मिसरी इक इसराएली जो मारने लगीरा। तब मुसा ने अपने साथी इसराएला जो बचाया।
तब मुसा ने सोचया कि मिजो कोइ नी देखने लगीरा तो तिने तिस मिसरीया जो मारीता ओर दफन करीता। पर मुसा जो किने देखी ला था।
फिरोना जो पता चली गा था। बी मुसा ने क्या किता तिने तिसो मारने री कोसिस किती, पर मुसा मिसरा ते जगला च नठी गया। फिरोना रे सैनिक तिसो नी टोली सके।
मुसा मिसर देसा ते दुर ईक मिधान देसा च रेणे लगया। ओर तिथी ईक छोकरीया कने बया करीला ओर तिसो दो बेटे पैदा हुए।
मुसा अपने ससुरा री पेडा चारा था। ईक दिन तिने ईक चाडीया जो जलदे देखया जो बिना खतम हुए जलने लगी री थी। तितेओ देखने से नेडे गया। जब से तिते रे बहुत नेडे था। तब परमेसवरे तिस कने बात किती तिने बोलया; “हे मुसा, अपने जुते ऊतारी दे। तु इक पवित्र जगह पर खडीरा।”
ओर याकुबा जो परमेसवरा ने बोलया, “मै अपने लोका रे दु;ख देखीरे। अऊ तिजो फिरोना गे पेजगा ओर तु इसराईला जो मिसरा री गुलामीया ते निकाली ले अऊ तिना जो कनान देस देगा, से देस जिते जो अबराहम, इसहाक देणे रा वादा कितया।”
मुसा ने पुछा, “कि अगर लोका ने मा ते पुछया की तु किने पेजया तो क्या बोलणा।” परमेसवरा ने बोलेया, “अऊ जोआया से आया, तिना जो बोलो, मै हु ने मिन्जो पेजया है। ओर ऐ बी बोलणा अऊ तुसा रे पुरवज अबराहम, इसहक याकुब रा परमेसवर यहोवा हु। मेरा यह नाम सदा रा है।”
मुसा डरा था ओर फिरोना गे नी जणा चादा था से सोचा था बी से गलाई नी पाणा, ईते खतर परमेसवरा ने मुसा रे पाईया हारुना जो तिस री मदद करने पेजया।
निर्गमन पाठ 1- 4 ते ईक बाईबला री काणी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।