13. इसराइला कने परमेसवरा रा वादा

इसरालिया जो लाल समुदरा जो पार करने ते बाद, परमेसवर तिना जो जगलाच सीनै कहलाने वाले परवता री तरफ लेईगा। ऐ सेई परवत था जिथी मुसा ने जलदी चाडी देखी थी। तिना लोका ने तिते एठे अपने रेणे जो तम्‍बु लगाए।

परमेसवरा ने मुसा ओर सब इसराइला जो बोलया, “कि तुसा जो सदा मेरी बात माननी पडनी ओर जो वादा अऊ तुसा कने करा से बनाई रखना। जे तुसे ऐडा कितया तो अऊ तुसा जो बहुत सारा धन, याजको रा देश ओर ईक अपनी पवित्र जाती देगा।”

तिना लोका ने परमेसवरा तक आवने खतर अपु जो तीन दिन लगाए। तब परमेसवर सीनै परवता परा ते ऊदे उतरा तब तुफान आया, बिजली गीरी, तुआ ऊठा ओर तुहरीया री आवाज हुइ। तब मुसा परवता पर चडंया।

तब परमेसवरा ने तिना कने ईक वादा किता, “कि अऊ तुसा रा परमेसवर यहोवा हु।” अऊ हि आ जिने तुसा जो गुलामीया ते आजाद किता। इते खतर किसी ओर देवता री पुजा नी करनी।

“मुरतिया री पुजा नी करनी, अऊ ही तुसा रा ईक परमेसवर आ। बिना मतलब मेरा नाम मजाका च नी लेणा। सब्‍त रा दिन सच्‍चा मानणा छ; दिनअ अपना काम करना ओर सातवे दिन अराम ओर मेरी अराधना करने रा दिन आ।”

“अपणे माता पिता रा सम्‍मान करना। किसी जो मारना नी, ब्यभिचार नी करना। चोरी नी करनी। दुजेरी ओरता तिसरे कर तिसरे किसी बी समाना ओर नी देखना।”

परमेसवरा ने तिना लोका जो जो आज्ञा दिती थी से तिते रा पालन करने खतर मानी गे। से परमेसवरा रे लोक हुणे रा ओर केवल तिसरी गीत गाने खतर मानी गे।

परमेसवर ने इसराईला जो इक बडा सारा तम्‍बु बनाने जो बोलया मिलाप वाला तम्‍बु तिने तिना जो बताया बी ऐ किया बनना, ओर इते च कया रखणा। तिस तम्‍बुआ जो दो भागा च ओर इक बडा परदा बनाने जो बोलया। परमेसवर तिसा परदे रे पिछे वाले कमरे च आवणा ओर तिथी रेणा। जिथी परमेसवर था तिथीजाणे री आज्ञा बस मुखय बडा परदान जो थी।

तिना लोका जो तम्बुआ सामने ईक बेदी बनानी थी। जो कोई परमेसवरा री बात ना मानो तिसो इक जानवर बलि करना पडना जो पुजारी परमेसवरा जो बलीया रे रुपाच जलागा। परमेसवरा ने बोलया बी तिस बलीया रा खुन तिसरे पापा जो माफ करगा ईते खतर परमेसवर तिते पापा जो नी देखगा। से मानव परमेसवरा री नजरा च ठीक रेणा। परमेसवरा ने मुसा ओर हारुना रे परिवारा जो यहुदी पुजारीरे रुपाच चुनया।

तब परमेसवरा ने दस आज्ञा पथरा री सीला पर लिखि के मुसा जो देइ तीया। ओर मानने खतर बहुत सारी ओर आज्ञा दितीया अगर तिने इना रा पालन किता तो परमेसवरा ने तिना रा खयाल ओर देखरेख करने री वादा किता। पर तिने बोलया जे तुसे ईना आज्ञा रा पालन नी किता तो अऊ तुसा जो सजा देगा।

कई दिना तक मुसा, सीने परवता पर ई रेया। से परमेसवरा कने बात करदा रेया। पर लोक तिसो निआल दे थकी गे। ईते खतर से हारुना गे सोना लेइके आय ओर तिसो मुरति बनाने जो बोलया बई से तिते री पुजा करी सको। इते खतर तिने परमेसवरा रे खिलाफ बडा पाप कितया।

हारुना ने बछडे रे अकारा री ईक सोने री मुरती बनाई। तिने लोके तिते री पुजा करनी सुरु करती ओर तिसाओ बलि चडाई! तिना रे पापा रे कारण परमेसवर तिना ते बहुत दु;खी हुआ। से तिना जो खतम करना चा था। पर मुसा ने तिना जो नी मारने दिता ओर परमेसवरा कने हाथ जोडे। परमेसवरा ने तिसरी दुआ सुनी ओर तिना जो नी मारया।

अब मुसा सीने परवता परा ते उतरी आया। से दो पत्‍थरा री सीला लई के जिते परमेसवरा ने दस आज्ञा लिखी री थी। तब तिने से मुरती देखी। तब तिसो बहुत गुस्‍सा आया ओर तिने से सीला तोडी तिया।

तब मुसा ने तिस मुरतिया जो तोडीता ओर तितेरा बुरादा बनाई ता, तब से बुरादा तिना जो पाणीया च मिलाईके पिलाईता। परमेसवरा ने तिना पर इक विपति पेजी तिते ते बहुत सारे लोक मरी गे।

जिना सीला जो मुसा ने तोडी ता था तिना री जगह खतर मुसा ने नई सीला बनाई (दस आज्ञा खतर) तब से फेर परवता पर चलीगा ओर परमेसवरा ते तिना लोका खतर माफी मंगी। परमेसवरा ने मुसा री सुणी ओर तिना जो माफ करीता। नई सीला ओर दस आज्ञा जो लेई के मुसा परवता परा ते उन्‍दे आइ गया। तब परमेसवरा ने सीने परवता ते लेई के वादा वाले देसा तक तिना री अगुवाई किती।