14. इसराईली लोका रा जगला च पटकना
इसराईली लोका जो सारे नियम बताणे ते बाद, परमेसवरा ने सीने परवता ते आगे तिना लोका री अगुआई किती। परमेसवर तिना जो वादा वा ले देसा च लेई जाणा चा था। ऐ देस कनाना रे नावा ते भी आ था। परमेसवर बादला रे खम्बे च तिना रे आगे आगे चलया, ओर से तिना रे पिछे चले ।
परमेसवरा ने अबराहम, इसहाक, याकुबा कने कसम खाई थी कि सेवादा वाला देस तिना रे कुला जो देगा, पर तिथी अबु बहुत सारी जातिया रे लोक रे थे से कनानी थे। ऐ सारे लोक परमेसवरा री पुजा नी करदे थे ओर तिस री आज्ञा नी मानदे थे। से चुठे देवताओ री पुजा करा थे ओर बुरे काम करा थे।
परमेसवरा ने इसराइला जो बोलया, “जब तुसे तिस कसमा वाले देसा च जावो तब सब कनानी या ते दुरी कर लेना।” तिना कने समजोता नी करना ओर तिना कने बया नी करना। तुसा जो तिना री सारी मुरतीया जो तोडी देणा। जे तुसे एडा नी कितया तो तुसे मेरी वजह तिना रे देवताओ री पुजा करने लगी जाणे।
जब इसराइली कनान देसा री सीमा पर गए, तब मुसा ने तिना रे सारे गोताच ते ईक ईक बारह आदमीया जो लेया ओर बोलया कि जावो ओर देखो कि ऐ केडा देसआ। तिना जो कनानीया रा पेत लेना था। कि से ताकत वरे की कमजोर थे।
तिना बारह आदमीया ने कनान देसा च चाली दिन कुमे ओर तब वापिस आईगे। तब तिने बताया बई ईथी बहुत फसल हुआई ओर बहुत ऊपजाउ देस आ। ओर दस आदमीया ने बोलया बई तिनारा नगर बहुत ताकतवर आ ओर से लोक लम्बे चोडें। जे असे तिना पर हमला कितया तो तिने असे हराई देने ओर माऱी देने।
तबी कालेब यहोशू ओर दो आदमीया ने बोलया, “कि बेसक से लबें ओर ताकतवर ऐ, पर असे तिना जो हराई सकाए! परमेसवर असा खतर लडेगा।”
पर तिना लोका ने कालेब ओर यहोशुआ री नी सुणी। से तिना पर गुस्सा हुईगे ओर बोलया, “तुसे असा जो ईथी क्यु लाए असा जो मिसरा च ही रेणा चहीए था। जे असे तिस देसाच जाए तो मारे जाणे,ओर कनाना रे लोक असा री करवाली ओर बच्चेया जो गुलाम बनाई लेगे।” से लोक दुबारा मिसर देस जाणे खतर ईक नया परदान टोलने लगे।
जब तिना लोका ने एड़ा बोलया तब परमेसवरा जो बहुत गुस्सा आया। से मिलापा वाले तम्बुआ ते आया ओर बोलया, तुसे मेरे खिलाफ बरोध किता, ईते खतर तुसा सबी जो जगलां च रुलना पड़ना। तुसा मे ते जो बी साला रा ओर तिते ज्यादा से मरी जाणा ओर कदी बी तिस देसा च नी पहुचना जो अऊ तुसा जो देगा सिरफ कालेब ओर यहोशु ही तिथी जाणे।
जब लोका ने ऐड़ा सुणया तब से दु;खी हुए तब तिने पाप कितया था। ईते खतर तिने कनाना पर हमला करने रा फैसला कितया मुसा ने तिना जो तिथी ना जाणे रा फेसला कितया अब परमेसवर तिना कने नी जाणा, पर से नी माने।
परमेसवर तिना कने इस लडाईया नी गया, ईते खतर कनानीया ने तिना जो हराईता ओर बहुत मरी गे। तब इसराइली तिथी ते वापस मुड़ी गे। ओर चाली साला खतर जगला च फिरदे रे।
एसरइली चाली साला तक जगला च घुमदे बखत, परमेसवरा ने तिना री सारी जरुरता पुरी किती। तिने तिना जो स्वरगा री रोटी मन्ना दिती। परमेसवरा ने तिना खतर बटेरा रे चुन्ड पेजे ईते खतर की तिना गे खाने खतर मांस ओ। जब तक, से जगला च रहे तब तक परमेसवरा ने तिना रे कपडे ओर जुते फटणे नी दिते।
परमेसवरा ने तिना रे पिने खतर चमतकार किता ओर चट्टाना ते पाणी कडया। परन्तु ईते बाद बी, इसराइली लोका परमेसवरा रे ओर मुसा रे खतर बोले ओर बुडबुडाए। तब बी परमेसवर दयावान था तिने जो वादा किता था, अबराहम, एसहाक, ओर याकुब रे वंशा खतर करगा से कितया।
इकबार दुबारा इसराइला गे पाणी नी था, परमेसवरा ने मुसा जो बोलया, “चट्टाना कने बात कर, तब तिते ते पाणी निकलना।” पर मुसा ने एडा नी कितया, तिने चट्टाना पर दो बार चोट मारी। तिने परमेसवरा रा अपमान कितया। सबी खतर पाणी तो निकली गा, पर परमेसवर मुसा कने गुस्सा हुई गया। तिने बोलया, “ते मेरा अपमान कितया ईते खतर तु वादे रे देसा च नी जाई सकदा।”
जब इसरायली चालीस साला तक जगला च पटकदे रे,तब जिने परमेसनरा रे खिलाफ विरोध किता। से सब मरी गै। तब परमेसवर तिना लोका जो दुबारा तिस वादे रे देसा तक लेई गया। अब मुसा बुडा हुई गया था,तब परमेसवरा ने लोका री अगुवाई खतर यहोशू आ जो चुनया। परमेसवरा ने मुसा कने ये वादा कितया था बई से ईक दिन तिना लोका गे मुसा साई ईक भविश्यवकता पेजगा।
परमेसवरा ने तब मुसा जो ईक परवता री चोटिया पर जाणे जो बोलया ताकी से वादा रे देसा जो देखी सको। मुसा ने से वादा रा देस देखया।पर परमेसवरा ने तिसो तिते जाणे नी दितया। तब मुसा मरी गया, इसरायलीया ने ती दिना तक शोक मनाया। यहोशु तिना रा नया परदान बणया। यहोसू ईक अच्छा परदान था तिने परमेसवरा पर विसवास किता ओर तिसरी बात मानी।
निर्गमन पाठ 16-17, गिनती 10-14, 20:27, व्यवस्थाविवरण 34 ते ईक बाईबला री काणी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।