15. वादा रा देस

आखिर कार से समय आई गया जब इसरायली वादा वाले देस,कनान च आवणे। कनान देसा च यरीहो नामा रा ईक नगर था। तिते री रक्शा खतर चारो तरफा जो पक्‍की दवाला थी। यहोशू आ ने तिस नगरा च दो लोका जो पेजया तिस नगरा च राहाब नामा री ईक वेश्‍या रे थी। तिसे ईना दो लोका जो छुपाया, ओर बची के निकलनै च मदद किती। तिसे ऐडा ईते खतर तितया से परमेसवरा पर विसवास करा थी। जब इसरायली लोक यरीहो पर हमला करगे तब तिने राहाब ओर तिसा रे परिवारा जो बचाने रा वादा किता।

इसरयली जो वादे वाले देसाच जाणे खतर यरदन नदी पार करनी थी। परमेसवर ने यहोशू जो बोलया, “याजका जो पेलै जाणे दे। जब याजका ने यरदन नदीया च अपने पैर रखे तब पाणीया रा बेणा बन्‍दं हुई गया, तब इसरायली लोक नदिया रे दुजी तरफ सुखी तरतिया पर जाई सको।”

इसराईला ने नदी पार करी ली तब परमेसवरा ने यहोशू आ जो बोलया कि यरीहो पर हमला करने जो तैयार हुई जाओ,से बहुत पक्‍का शहर था। तब परमेसवरा ने बोलया कि ओर सैनिक छ: दिना तक तिस शहर रे चारो तरफ चक्‍कर लगावो। तब परदान ओर सैनिका ने ऐडा ई कितया।

तब सातवे दिन, इसरायलीया ने तिते सहर रे चारो तरफ सात बार ओर चक्‍कर लगाने ते बाद, याजका ने तुरहियां बजाई ओर सेनिका जो जोरा कने बोलया।

सातवा चकर लगाणे ते बाद यरीहो री चारो तरफा री दवाली टूटी गीया! जिया परमेसवरा ने बोलया था इसराइला ने नगरा री सारी चीजा तोडी तिया। तिने बस राहब ओर तिसा रे परिवारा जो छडिता, से इसराइला कने मिली गै थे। जब कनाना रे लोका ने सुणया बई इसराइला ने यरीहो जो खतम करी ता तो से डरी गे ,बई इसरायली लोक तिना पर बी हमला करी सकाए।

परमेसवरा ने इसराइला जो बोलया था बई कनाना च रेणे वाले किसी बी जातिया रे लोका कने कोई बी बात नी करनी। पर गिबोनियो नामा री ईक कनानी जाती या ने यहोशूआ कने चुठ बोलया बी से कनाना रे नीए। तिने यहोशूआ कने बात करने जो बोलया। तब यहोशू ओर इसरायलीया परदाना ने परमेसवरा ते बिना पुछे तिना कने (गिबोनियो) बात किती ओर अपु कने मिलाई ले।

तिन दिना बाद, इसराइलिया जो पता लगया बी गिबोनी लोक कनाना च ही रे थे। तब से गुस्‍सा हुई गे बई गिबोनियो ने तिना जो तोखा दितया। पर तिने तिना कने अपनी बात बनाई रखी क्‍यो कि से बात परमेसवरा सामने किती थी। तब कुछ समय बाद,कनाना च रेणे वाली इक ओर जाती,एमोरियो रे राजा ने सुणया बई गिबोनियो ने इसराइला कने बात करि ली,ईते खतर तिनै सबी ने अपनी ईक बडी सेना बनाई ओर गिबोना पर हमला करीता। गिबोनियो ने तिना री मदद करने खतर यहोशू गे ईक चिठ्ठी पेजी।

तब यहोशू ने इसराइला री सेना कटठी किती ओर गिबोनिया तक पहुचने जो पुरे ईक राती रा सफर किता। सबेरे ही तिने एमोरियो जो चकित करीता ओर तिना पर अमला करीता।

तिस दिन परमेसवर इसराइला खतर लडया। तब से डरीगे ओर परमेसवरा ने तिना पर बडे बडे ओले गिराइके कई एमोरियो जो मारीता।

परमेसवरा ने सुरजा जो बी ईक जगा पर खडा करीता। ईते खतर बई इसराईला जो पुरा समा मिली जाओ एमोरियो जो हराने खतर। तिस दिन, परमेसवरा ने एसराइला खतर बडी जीत हासिल किती।

परमेसवरा ने जब तिनाओ हराई ता, तब बहुत सारे कनानी लोका ने कठे हुई के इसराईला पर हमला करने री सोची। यहोशू ओर इसराइला ने हमला करी के तिना जो खतम करीता।

ईना अमले ते बाद,परमेसवरे इसराइला रे सारे कुला जो तिना रा हिसा दिता। परमेसवरे इसराइला जो तिना री सारी तरतिया पर आसिस दिती।

यहोशू जब बुडा हुई गया तब तिने इसराइला रे सारे लोका जो बुलाया। तब यहोशू ने तिना जो बोलया बई तिने तिस वादे जो निबाणे री कसम खाई थी जो परमेसवरा ने तिना कने सीनै परवता पर बन्‍नी थी। तिना लोका ने परमेसवरा रे खतर ईमानदार रेणे री ओर तिसरी नियमा रा पालन करने रा वादा किता।