16. छुडाणे वाला

यहोशू आ रे मरने ते बाद इसराईला ने परमेसवरा री हुकुम नी माना। तिने परमेसवरा रे नियमा रा पालन नी किता, तिने तिस देसा च बचीरे कनानीया जो बार नी कडया। इसराइला ने अपने सच्‍चे परमेसवरा यहोवा जो छडी के कनानीया रे देवतेया री पुजा करने लगे। इसराईला गे कोई राजा नी था, ईते खतर जो जिसो ठीक लगया तिनै सई कितया।

परमेसवरा री हुकुम नी मानने खतर इसराईला ने इक नवी रवाज सुरु करीती जिते जो कई बार कितया गया। कुछ साला तक इसराइली परमेसवरा री बात नी मान्‍दें थे, तब परमेसवर तिना जो सजा देने खतर दुजे देसा ते अमला करवा था। ऐ दुसमन तिना जो लुटि ले थे, ओर तिना रे करा जो उजाडी दे थे,ओर तिना जो मारि दया थे। जब इसराईला रे दुसमण कई साला तक तिना पर जुलम करा थे,तब इसराईलीइ लोक अपने पापा रीइ माफी परमेसवरा ते मगां थे ओर बचाणे री विनती करा थे।

इसराइली लोक हर बार माफी मगां थे तो परमेसवर तिना जो बचा था। से ईक छुडाने वाले जो आगे करा था ईक एडा आदमी जो तिसरे दुसमना कने लडा था। ओर तिना जो हराई देया था। तब राज्‍य च सुख शांती रे थी ओर से छुडाने वाला तिना पर राज करा था। परमेसवरा ने तिना लोका जो छुडाने खतर कई लोका जो पेजा था। परमेसवरा ने नजदीका रे दुसमण, जो मिधानियो जाती रे थे। तिना ते इसराइला जो हराया।

मिघानियो ने सात साला तक इसराइला रिया फसला लुटिया। इसराइला रे लोक बहुत डरीगे थे से गुफा च लुखी जा थे बई तिना जो मिघानी टोली ना सको। तब तिने परमेसवरा जो बचाणे खतर याद किता।

गिदोन नावा रा इक इसराइली आदमी था।ईक दिन से लुखी के कनकं चाडने लगीरा था बई मिधानी लोक चोरी ना सको। यहोवा रे सवर्गदुता ने गिदोना जो बोलया, “हे शुरवीर सुरमा, परमेसवर ता कने आ। तु जा ओर इसराईला जो मिधानीया ते बचा।”

गिदोना रे पिता गे मुरती पुजा खतर ईक बेदी थी। सबी ते पेले काम जो परमेसवरा ने गिदोना जो करने जो बोली रे बेदीया जो तोडना था। पर गिदोन लोका ते डरा था, ईते खतर तिने नेरा हुणे दितया। तब तिने तिसा बेदीया जो तोडिता। ओर परमेसवरा खतर ईक नई बेदी बनाई ओर तिते पर परमेसवरा खतर बलि दिती।

अगले दिन लोका ने देखया बी बेदी तोडीके चुरा चुरा करीता, तिना जो बहुत गुस्‍सा आया। से लोक गिदोना जो मारने खतर तिसरे करे गे, पर गिदोना रे पिता ने बोलया,तुसे क्‍यु अपने देवते री मदद करने लगीरे? जे से देवता तो अपनी मदद अपु करगा! तिने एडा बोलया तब लोका ने गिदोना जो नी मारया।

तब इसराइला जो लुटने मिधानी लोक फेर आए। से इतने सारे थे तिना री गिनती नी करी सका थे। गिदोना ने तिना रै खिलाफ लडने खतर इसराइला जो बुलाया। गिदोना ने परमेसवरा तै दो नसाणीया मंगी बई तिसो बिसवास हुई जावो बई परमेसवर सची इसराइला जो बचाणा चा।

पहली नसाणी खतर, गिदोना ने पेडा री ऊन जमीना पर रखी ओर परमेसवरा जो बोलया बई सवेरे री तेल बस ऊना पर पडो तरतिया पर ना पडो। परमेसवरे ऐडा ई कितया। अगली राती, तिने परमेसवरा जो बोलया बई तरती सीनी हुई जावो पर पेडां री ऊन सुकी रो। परमेसवरे ऐडा ई कितया। ईना दो नसाणा रे खतर गिदोना नै विसवास किया परमेसवर सची चा बई इसराईला जो मिधानिया ते बचाओ

गिदोना ने सैनिका जो अपुगे बुलाया तब 32000 आदमी आए। पर परमेसवरे बोलया बई ऐ ज्‍यादा ए। तब गिदोना ने 22000 जो करा वापस करीता जो लडने ते डरा थे। परमेसवरे गिदोना जो बोलया आदमी अबुबी ज्यादा ऐ ईते खतर गिदोने ने 300 सैनिक रखे बाकी वापस पेजीते।

तिस राती गिदोना जो परमेसवरे बोलया, “मिधानिया री गांवा जा ओर तिना रिया बाता सुण। जब तु सुणगा बी से क्या बाता लगीरे करने तब अमला करने ते ना डरेया।” तिस राती गिदोन ऊदे तिना रे गांवा च गया। तब तिने इक मिधानी सैनिका जो अपने दोसता कने बात करदे सुणाया जो तिने सुपने च देखी थी। तिस आदमी रे दोसते बोलया बई इते सुपने रा अर्थ आ गिदोना री सेना असा मिधानी री सेना जो हराई देगी जब गिदोना ने ऐ सुणया तब तिने परमेसवरा रा गुणगाण कितया।

गिदोन अपने सैनिका गे वापस आया ओर तिना जो ईक ईक नरसिंगा, ईक मटटीया रा पाडा, ओर ईक मसाल दिती। तिने तिस गावा जो केरीला जिथी मिधानी सैनिक सोईरे थे। गिदोना ने अपने 300 सेनिक री मसाला पाडे एठे ढकी दिता इते वजह ते मिधानि सेना तिना री मसाला रा परेसा नी देखी सकी।

तब गिदोन रे सेनिका ने ईक दम सारे पते कनारे करी के मसाला जो सामने करीता। तिने अपने नरसिंगे बजाए ओर चिगें, यहोवा री ओर गिदोना री तलवार।

परमेसवरे मिधानिया जो डराईता, इते खतर से ईक दुजे जो काटने लगीगे। तिसी टेम,गिदोना ने संनदेस वाहका जो दुजे इसराइलिया जो मिधानियो रा पिछा करने ओर तिना सहायता करने खतर बुलाने पेजया। तिने तिना रे बहुत सारे लोक मारीते ओर बाकियारा पिछा करीके इसराईल देसा ते बार करीते। तिस दिना 1,20,000 मिधानी मरे। ईया परमेसवरे इसराइला जो बचाया।

तिने तिना ते से सोने रे जेवर मंगे जो तिने मिधानिया ते लुटे थे। तिने लोका ने बहुत सारा सोना गिदोना दितया। जो से लोक गिदोना जो अपना राजा बनाना च थे,पर गिदोना ने तिना जो एडा नी करने दितया,

तब गिदोना ने तिस सोने ते ईक लग वसत्र बणाया जेडा की यहुदी बडा पुजारी पैना थे। पर लोका ने तिते री पुजा करनी सुरु करीती जिया से ईक मुरती हो। तब परमेसवरे इसराईला जो सजा दिती तिने मुरतियअ री पुजा किती। परमेसवरा ने तिना रे दुसमना जो ताकतवर बणाया। तब तिने दुबारा सहायता करने री अर्ज किती, तब परमेसवरे तिना गे बचाने री खतर छुडाने वाला पेजया।

एडिया बाता कई बार हुइआ, इसराइली लोका ने पाप करने, परमेसवर तिना जो सजा देगा,तब तिने माफी मगनी परमेसवर तिना जो छुडाने खतर किसी जो पेजगा। परमेसवराने बहुत छुडाने वाले पेजे जिने इसराइला जो दुसमना ते बचाया।

अतं च, तिना लोका ने ओर देसा री तरह परमेसवरा ते ईक राजे री मागं किती। से ईक एडा राजा चा थे जो लबां ओर ताकतवर हो, जो लडाईया च तिना री मदद करो। परमेसवरा जो ए बात ठीक नी लगी, पर तिने तिना जो तेडाई राजा दितया जेडी तिना री जरुरत थी।