26. यीशु अपणी सेवा सुरु करवा

यीशु री परीकसा होणे रे बाद, यीशू वापिस गलीला च आया। ऐ सेइ जगह थी जिथी यीशू रेया था। पवित्र आतमा तिसौ बहुत आसिस देने लगीरी थी, तब यीशू ईक जगह ते दुजी जगह कुमने लगीरा था ओर लोका जो बताने लगीरा था। सबी ने तिसरे बारे च सुणी बाता बोलिया।

यीशू नासरत नामा रे गावा च गया जिथी से बचपना च रेया था। सब्‍ता रे दिन, रे मेल मिलापा रे तम्‍बुआ च गया। यहुदी परदाना ने तिसो यशायाह महायाचका री किताब दिती। से चा थे बई यीशू इते कताबा ते पडो। तब यीशूआ ने से कताब खोली ओर तिना खतर ईक वचन पडया।

यीशूआ ने पडया, परमेसवरा ने मिजों अपना आत्‍मा दितरा बी अऊ कंगाला तक तिसरा सन्‍देसं पेजी सकु।तिने मिनजो ईते खतर पेजीरा ताकी अऊ जो कैदा च एतिना जो छुडाऊ,अनदेया जो आखिया देई सकू,ओर तिना जो अजाद करी सकु जिना जो दुजे लोक कुछ नी समजदे। एसे समय था जब परमेसवर असा पर दयालु हुगे ओर मारी सयाता करनी।

तब यीशु बैठीगा। सब तिसो बडे गोरा कने देखने लगीरे थे। से जाणा थे बी पवित्र सासत्रा रा जो पाठ अबु तिने पडया से मसीहा रे बारे च था। यीशूआ ने बोलया, “जो बाता मे अबू तुसा खतर पडीया, से इस समय हुणे लगीरिया। सबी लोक सुन्‍न थे।” तिने बोलया, “बई ऐ युसुफा रा बेटा नीआ?”

तब यीशूआ ने बोलया, “बी ऐ सचा बई लोक कीसी एडे याचका जो नी मानंदी जो तिना रे साथी पलीरा ओर बडा हुआ ओ। एलियाह महा याचका रे समय च। इसराईलाच बहुत सारी बिधवा थी। पर जब साडे तीन साला तक बरखा नी हुई तब परमेसवरा ने एलियाह जो इसराईला च किसी बिधवा री सहायता जो नी पेजया। बलकी, तिने एलियाह जो ओर देसा री बिधवागे पेजया।”

यीशू ने बोलणा बदं नी किता, “एलीशा महायाचका रे समय, इसराइला च बहुत सारे लोका जो चमडीया रा रोगा था। पर एलीशा ने किसो जो बी ठीक नी किता। तिने बस इसराइला रे दुसमण रे सेनापति नामाना जो ठीक किता। जो लोक तिथी यीशूआ गे बेठीरे थे से सारे यहुदी थे।जब तिने ऐ सुणया तब से तिस पर गुस्‍सा हुए।”

नासरता रे लोका ने यीशूआ जो पकडी ला ओर तिसो कसीटी के तमबुआ ते बार लेई गे।से तिसो मारने खतर ऊदें फेकने जो इक चटटाना री चोटिया पर लेई गे। पर यीशू लोका रे बिचेते निकली के नासरत नगरा जो छडी के चली गया।

तब यीशू गलीला च गया, ओर बोत लोक तिस गे आऐ।से बोत सारे लोका जो लेइ के आए जो बमार ओर अपाहिज थे। तिना मे ते कुछ लोक देखी, सुणी,चली नी सकदे थे, तब यीशूआ ने तिना जो ठीक किता।

ईते बाद, बोत सारे लोक यीशुआ गे लयाए जिना रे अन्‍दर बुरी आत्मा थीया। यीशूआ ने तिना जो तिना मिज ते बार निकलने जो बोलया। से बुरी चीजा चिगने लगीया, “तु परमेसवरा रा बेटा! पीडा च लोक चोकीगे,” तब तिने परमेसवरा रे गुणगान किते।

यीशूआ ने तब बारा लोका जो कटठा किता जिना जो प्ररिता रा नाम दिता। से प्ररिता यीशूआ कने कुमे ओर तिस ते बोत कुछ सिखया।