32. यीशु बुरी आत्मा से आदमीया जो ओर ईक बिमार ओरता जो ठीक करा

यीशु ओर तिसरे चेले अपणी नावा च तिस जगह जो गै जिथी गिरासेनी लोक रेया थे। से तिथी पहुची के किसतिया ते ऊतरी गे।

तिथी ईक आदमी था जो बुरी आत्मा रिया चपेटा च था।

से आदमी इतना ताकता वाला था बी तिसो कोई बी नी समबाली सकदा था। कई बार लोका ने तिसो सगंला कने बी बनया, पर से तिना जो बी तोड़ी दें था।

से आदमी तिथी कबरा च रेया था। से आदमी पुरी राती ओर पुरे दिन चिंगा था। से कपडे नी पेनदा थाओर अपु जो पत्थरा कने मारा था।

आदमी दोडी से के यीशुआ गे गया ओर तिसगे सामनै चुकी गा। तब यीशूआ ने तिस आदमीया रे अन्‍नदरा रे बुरी आत्मा कने बात किती ओर बोलया, “एस आदमीया ते बार निकली जा!”

से बुरी आत्मा जोरा कनै चिंगी, “हे यीशु, परम परदाना रे बेटे, तेरा मा कनै कया कामा? आथ जोडी के अरजी मिजों मत तंग कर!” तब यीशुआ ने तिसा बुरी आत्मा ते पुछया, “तेरा नाम क्या?” तिने बोलया, “मेरा नाम सेना, असे बोतै।” (रोमी सेना च कई हजार सैनिका रा ईक समुह था तिसो “सैना” बोला थे।)

तिने बुरी आत्मा यीशुआ कने बोलया, “असा जो इते जगह ते बार नी पेजो!” तिथी नेडेइ पाडा पर सुअरा रा चुडं चरने लगीरा था। ईते खतर तिने यीशुआ जो बोलया, “बई असा जो ईना सुराच पेजी दो!” यीशुआ ने बोलया, “ठीका, इनाच चली जाओ।”

तब से बुरी आत्मा तिस आदमीया ते निकली के तिना सुअरा च चली गीया। से सुअर दोडी के ईक टीले परा ते नदिया च छलांग मारती ओर मरीगे। तिस चुडा च 2,000 सुअर थे।

तिथी तिना सुअरा री देख पाल करने वाले लोक थे। जो कुछ तिथी हुआ जब तिने देखया तो से नगरा जो नठीगे। यीशुआ ने जो कुछ कितया तिने सबी जो बताया। तिसा नगरा रे लोक बार आईगे ओर तिस आदमीया जो देखया जिस आदमीया च बुरी आत्मा थी। से चुपचाप कपडे पेनी के, ईक सुणा आदमी बणी के ओर आम आदमीया साई लगणे लगी रा था।

से लोक बोत डरीगे ओर तिने यीसुआ जो जाणे जो बोलया। तब यीशु किसतिया पर चडी गया। से आदमी जिसो बुरी आत्मा थी तिने यीशुआ कने जाणे जो बोलया।

पर यीशुआ ने बोलया, “ना। अऊ चा बी तु करा जाई के सबी जो बता बई परमेसवरा ने मा खतर क्‍या किता। तिना जो बता बई परमेसवरा ने किया मा पर दया किती।”

ईते खतर से आदमी चलीगा ओर सबी जो इते बारे च बताया जो ईशु आ ने तिस खतर कितया। तिस री बात सुणी के सारे आदमी हैरन हुए।

यीशु नदिया रे दुजी कनारे जो आई गा। तिने तिथी पहुचणे ते बाद, तिथी बहुत सारे लोक तिसरे ओरे परे कठे हुइ गे । तिना लोका रे विचे एक औरत थी जो 12 साला ते खुन चलने री बजह ते बमार थी। तिसे आपणी सारी जमा पुजी अपणे लाजा च लगाईती थी बई से तिसा जो ठीक करी सको, पर तीसारी बमारी होर बी बिगडी गी थी।

तिसे सुणी रा था बी यीशुआ ने कई बमार लोका जो ठीक किती रा, “अऊ सोचाई जे मे यीशुआ रे कपडे छुई ले, तो आऊ ठीक हुई जाणी!” तब से यीशुआ रे पिछे ते आई ओर तीसरे कपडे छुई ले। जिआइ तिसे से छुए, तिसारा खुन चलना बदं हुई गया।

तिसी समय, यीशुआ जो पता लगी गा बई तीस ते सकती निकलरी। इते खतर तिने पिछे मुडी के पुछया, “मिनजो किने छुआ?” चेलया ने बोलया, “ईथी इतने सारे लोके जिने तेरे चारो तरफा ते केरा पाईरा, ओर तक्‍का -मुक्‍कि हुणे लगीरी। तो ते कऊ पुछया बी मिन्जो किने छूआ?”

से ओरत यीशूआ सामने काबीगी ओर डरी के यीशुआ रे सामणे चुकी के बैठी गी। तब तिसे यीशुआ जो बताई ता बई तिसे क्या कितया, ओर ऐ बई से ठीक हुईगी। यीशुआ ने तिसा जो बोलया, “तेरे परोसे ने तिजो ठीक कीता। अरामा कने जा।”