39. यीसुआ पर मुकदमा चला।

अब आधी राता रा समय था। से सैनिक यीसुआ जो बड़ा यहूदी पुजारी रे करे लेई गे, से यीसुआ कने बात करना चा था। पतरस दुरा ते तिना रा पिछा करने लगीरा था। सैनिक यीसुआ जो करे लेईगे, तब पतरस बार रुकी के आग सेकणे लगया।

करा रे अनदर, यहुदी परदाना ने यीसुआ पर केस चलाया। से तिस पर चुठी बाता जो बोलणे खतर बोत सारे लोका जो लेई आए। जब की तिना रिया बाता ईक दुजे कने नी मिलदीया थी, ईते खतर यहुदी परदान यीसुआ जो चुठा साबित नी करी पाए। यीसुआ ने कुछ नी बोलया।

बादाच, महायाचका ने यीसुआ री तरफ देखी के बोलया, “असा जो बता बी तु ही जिन्‍दां परमेसवरा रा बेटा मसीह आया?

यीसुआ ने बोलया, “मै हु, ओर तुसे मिजों परमेसवरा कने बैठीरा ओर सवर्गा ते आऊदा बी देखगे। यहुदी बडे पुजारी ने अपने कपडै फाडीते से जो यीसुआ ने बोलया तिते पर बहुत गुस्सा था। से ओर परदाना पर चिगया, मिजों ऐ बताने री जरुरत नी बई इस आदमीया ने क्या किता! तुसे अपु ईसौ बोलदे सुणीला बई ए परमेसवरा रा बेटा। इसरे बारेच तुसा रा कया खयाला?”

सबी यहुदी परदाना ने बड़े यहुदी पुजारी ने बोलया, “ऐ मरना चइऐ!” तब तिने यीसुआ रे आखिया च पटटी बनी, ओर तिस पर थूकया, तिसो मारेया, ओर तिसरा मजाक किता।

ओर पतरस, जब से करा रे बार रुकिरा था। तब ईक नोकरानीया ने तिसो देखया। तिसे तिसो बोलया, “तु बी यीसुआ कने था! पतरसा ने ना करीती। बादा च, दुजी दासी लडकीया ने बोलया, तब पतरसा ने फेर ना करीती। आखिरा च, कुछ लोका ने बोलया, असा जो पता बई तु यीसुआ कने था तुसे दोनो गलीला ते आऐ।”

तब पतरसा ने बोलया, “जे अऊ इस आदमीया जो जाणदा हुगा तो परमेसवर मिजों सराप देओ।” तबी पतरसा रे बोलणे ते बाद, मुरगे ने बागं दिती। यीसुआ ने पिछे मुडी के पतरसा जो देखया।

पतरस तिथी ते चलीगा ओर जोरा जोरा कने रोया। तिसी समय, यीसुआ जो पकडवाने वाले यहुदा ने देखया बई यहुदी परदाना ने यीसुआ जो मारने खतर बोलया। यहुदा बहुत दुखी हुआ ओर तिने अपु जो आतम हत्या करी ली।

तिस देसा रा राजा पिलातुस था। से रोमा खतर काम करा था। यहुदी परदान यीसुआ जो तिसगे लेई आए। से चा थे बई पिलातुस तिसो मोता री सजा देओ ओर तिसौ मारी दो। तब पिलातुसा ने यीसुआ ते पुछया, “क्या तु यहुदीया रा राजा?”

यीसुआ ने बोलया, “ते ठीक बोलया। पर मेरा राज्य तरतिया रा नीआ। जे हुदा तो मेरे लोक मा खतर लडदे।” अऊ तरतिया पर परमेसवरा रे बारे च सच बताणे आईरा। हर ईक आदमी जो सचा कने चला से मेरी सुणा। पिलातुसा ने बोलया, “तो सच क्या?”

यीसुआ ने बात करने ते बाद, पिलातुसा ने बार आई के बहुत सारे लोका गे जाई के बोलया, “मिजों ऐडा कोई वजह नी मिली बई इस आदमीया जो मारी दो।” पर यहुदी परदान ओर लोका ने जोरा कने बोलया, “ईसो कुरुसा पर चडाई दो!” पिलातुसा ने बोलया, “ईने कुछ बी गलत नी किता।” तब से ओर जोरा कने बोलणे लगे। तब पिलातुसा ने तिजी बार बोलया, “ईने कोई गलती नी कितरी।”

पिलातुस डरी गया बई पीडा च लोक लडने लगी जाणे, ईते खतर तिने अपने सैनिका कने मिली के यीसुआ जो कुरुसा पर चडाने जो मानी गया। रोमी सेना ने यीसुआ जो कोडे मारे, ओर तिसौ राजा रे कपडै पनाए, तिसरे सीरा पर काटेरा मुकुट रखया। तब से तिसरा मजाक उडाने लगे, “देखो यहुदीया रा राजा।”