40. यीसुआ जो कुरुसा पर चडाणा

से यीसुआ रा मजाक उडाने ते बाद, सैनिक तिसो कुरुसा पर चडाने जो गै। तिने तिस करुसा जो तिसते ई चकवाया जिते पर से मरना था।

से सैनिक यीसुआ जो तिस जगह पर लेई आए जो “खोपडी” नामा ते था ओर तिसरे हाथ ओर पैरै जो कुरुसा पर किली ता, पर यीसुआ ने बोलया, “हे पिता, ईना जो माफ कर, ऐ नी जाणदे बी ऐ क्‍या करने लगीरे।” तिने ईक तखती तिस रे सिरा पर टंगीती। तिते पर लिखीरा था, “यहुदीया रा राजा।” पिलातुसा ने तिना जो ऐ लिखणे जो बोलया।

तब सैनिका ने यीसुआ रे कपडेया खतर परचिया पाई। जब तिने ऐडा कितया तो तिने तिस भविशय वाणीया जो पुरा किता जो बोला थी, “तिने मेरे कपडे जो अपुच बडीला, ओर मेरे कपडेया खतर परचिया पाई।”

तिथी दो डाकु बी थे, तिने तिना जो यीसुआ रे दोनो तरफा जो रखीरा था। तिते मे ते ईक डाकुआ ने यीसुआ रा मजाक उडाया, पर दुजे ने बोलया, “तु नी डरदा बई परमेसवर तिजो सजा देगा? असे बहुत सारे बुरे कामा रे पापीऐ, पर ऐ आदमी पापी नीआ।” तब तिने यीसुआ जो

बोलया, “जब तु अपने राजय च जागा तो हाथ जोडी के मिनजो याद रखया।” यीसुआ ने बोलया, “आजी तु मा कने सवर्गा च हुणा।”

यहुदीया रे परदान ओर बहुत सारे लोका ने यीसुआ रा मजाक किता। तिने तिसो बोलया, “अगर तु परमेसवरा रा बेटा, तो कुरुसा ते ऊतरी जा ओर अपू जो बचाई ले! तब असे ता पर विसवास करगे।”

तब तिस देसा रा अकास पुरा काला हुई गया, से दिना री बाती। ऐ दिना रे समय काला हुआ था। ओर तिन कटें तक ऐडा ई रेया।

तब यीसुआ ने जोरा कने बोलया, “पुरा हुआ! हे पिता, अऊ अपनी आतमा तेरे आथा च सोपा।” तब तिने अपने सिरा जो चुकाया ओर मरीगा। जब से मरया तब ईक तुफान आया। से बडा परदा जो परमेसवरा जो लोका ते लग करा था से उपरा ते ऊदे री तरफा जो फटीगा।

तब युसुफ ओर नीकुदेमुस नामा रे दो यहुदी परदान आए। से बिसवास करा थे बई यीसु ई मसीह था। तिने पिलातुसा ते यीसुआ रे सरीरा जो मंगया। तिने तिसरा सरीर कपडे च लपेटया। ओर तिसो ईक पतथरा जो कटी के बनाईरी कबरा च लेईगे ओर तिते अन्‍नदर रखीता। तब तिने तिसा कबरा जो बंद करने खतर ईक बडा पतथर तिते आगे लगाईता।