4. अबाराहमा कने परमेसवरा रा वादा

बाड़ा रे कई साला बाद तरतिया पर बहुत सारे लोग रे थे। तब तिने परमेसवरा

से बहुत घमंडी थे, ओर तिना जो केडा जिवन जिणा था से परमेसवरा रा केणा नी मानणा चाह थे। ईथी तक की तिने एडी मिनार बणाया जो सवरगा तक पहुचाए। परमेसवरा ने सोचया बीइ जे ईक साथ मिली के पाप करदे रे तो ऐ बहुत सारे पापी करमा जो करी सकाए।

इते खतर परमेसवरा ने तिना री बोलीया च फरक पाईता ओर तिना जो सारे तरतिया पर फैलाइता। जिस शहरा जो तिने बसाया था से बाबेल नामा कने पडेया ‘जितेरा मतलब आ “गडंबडी”।

कई साला बाद परमेसवरा ने अबराहम नामा रे ईक आदमीया कने बात किती। परमेसवरा ने तिस जो बोलया अपणा देस ओर परिवारा जो छडी के तिस देसा च चली जा जो अऊ तिजो दखागा। अऊ तिजो आसीस देगा ओर ताते ईक बडी जाती बणागा। अऊ तेरा नाम ऊचा करगा जो तिजो आसिस देगा अऊ तिसो आसिस देगा; ओर जो तिजो सराप देगा अऊ तिसो सराप देगा। तेरी वजय ते तरतिया रे सारे लोक आसिस पागे।

तब अबराहमा ने परमेसवरा री बात मानी ली।तब तिने सारे सेवक अपना सब कुछ जो तिसगे था ओर अपनी करआली सारै समेत; कनान देसाच चली गया। जो परमेसवरा ने तिसो दखाया था।

जब अबराहम कनान पहुचा तब परमेसवरा ने तिसो बोलया; अपने चारो तरफ देख। अऊ तिजो ऐ सारा देस देगा ओर तेरा कुल आ रा सदा ईते पर अधिकार हुणा। तब अबराहम तिस देसा च बसी गया।

मलिकिसिदक नामा रा ईक आदमी था जो सचचा परमेसवरा रा ईक यहुदी परदान था। ईक दिन जब अबराहम युद करने ते बाद आणे लगीरा था तब से ओर अबराहम मिले। मलिकिसिदक ने अबराहम जो आसीस दिती ओर बोलया सबी रा परमेसवर जो सुअरग ओर तरतीया रा सवामी आया से ता पर किरपा करो।तब अबराहम ने युहदा च जिती रे सारे समाना रा दशंमा अंश मलिकिसिदक जो दितया।

बोत साल गुजरी गे; पर अबु बी अबराहम ओर सारा रे कोई बेटा नी था। तब परमेसवरा ने अबराहमा कने बात किती ओर दुबारा कसम खाई की तिसरे ईक बेटा हुणा ओर जिया आकाश च तारे तियाई तिसरा वंश बडना। अबराहम ने परमेसवरा री कसमा पर विसवास किता। परमेसवरा ने बताया कि अबराहम ईक नेक आदमी है ईते खतर कि तिने परमेसवरा रि वादा पर विसवास किता।

तब परमेसवरा ने अबराहमा कने ईक वादा किता ईक वादा दो जना रे बिचे ईक दुजे खतर काम करने रा समजोता हुआ। परमेसवरा ने अबराहमा कने ऐ वादा तब किता था | जब अबराहम गेरी नीदा च सोईरा था; तब बी से परमेसवरा जो सुनने लगीरा था। परमेसवरा ने बोलया, “मै तेरे पत्‍नी सारा ते तेरे खतर ईक बेटे री आशिश देगा। अऊ तेरे वंशो जो ऐ कनान देस देगा।पर अबु बी अबराहमा रे कोई बेटा नी था।”