5. वादे रा बेटा

अबराहम ओर सारा रे कनान देस पहुचने रे दस साला बाद; अबु तक बी तिनारे कोई संतान नी थी। ईते खतर सारा ने अबराहमा जो बोलया, “बेई परमेसवरा ने अबु तक मिजो ओलादा रा सुख नी दितया अब आऊ बच्चा पेदा करने जो बहुत बुडी हुई गी; देख मेरी सेविका हाजिरा ईथी आई। ईसा कने बया करीले ऐ मेरे खतर ईक बच्‍चा पैदा करगी।”

तब अबराहमा ने हाजिरा कने बया करिला। हाजिरा रे ईक बेटा हुआ तब अबराहमा ने तिस रा नाव इशमाएल रखया पर सारा हाजिरा कने जलने लगी। जब इशमाइल 13 साला रा था तब परमेसवरा ने दुबारा अबराहमा कने बात किती।

परमेसवरा ने बोलया, “अऊ सदा रा सब से महान परमेसवर रा अऊ ता कने ईक वचन देया।” तब अबराहमा ने तिसो परनाम कितया। परमेसवरा ने बोलया, “तु बहुत सारे जाती रा पिता हुणा।मै तिजो ओर तेरे कराने जो तिनारी अपनी तरतिया खतर कनान देश देगा तब अऊ सदा खतर तिनारा परमेसवर रेगा। तिजो अपने घरा रे हर आदमिया रा खतना करना पडना।”

“तेरी पत्‍नी सारा ईक बच्चा पेदा करगि से वादे रा बेटा हुणा। तिसरा नाम इसहाक रखणा।अऊ तिस कने वादे जो बनाई रखगा खगा ओर से ईक बडी जाती बणी जाणा।” ओर अऊ इशमाईला जो बी इक बडी जाती बणागा पर मेरा वादा इसहाका कने रेणा तब परमेशवरे अबराम रा नाम अबराहम करीता।जिते रा मतलबआ सारे लोका रा पिता परमेसरा ने सारै रा नाम बी सारा करीता जितेरा मतलबआ जगत माता।

तिस दिन अबराहमा ने अपने सारे परिवारा रा खतना कितया।तब ईक साला बाद जब अबराहम सौ साला रा था ओर सारा नबे साला री थी; तब सारा ने अबराहमा रे बेटे जो पैदा किता। जेडा की परमेसवरे तिना जो बोलया था तिने तिस रा नाम इसहाक रखया।

जब इशहाक बडा हुआ तब परमेसवरा ने ईया बोली के अबरहमा री विसवास री परीकशा लेइ अपने कले बेटे जो लेई के मा खतर बलिया रे रुपाच मार दे।तब परमेसवरा री बात अबराहमा ने मानीली ओर अपने बेटे जो बलिया खतर तैयार किता।

जब अबराहम ओर इसहाक बलि करने खतर सथाना पर जाणे लगे तब इसहका ने पुछया; “हे पिता; असागे बलीया खतर लकडिया तो आइया; पर बलिया खतर मेमना तो आया नी।” अबराहम ने बोलया, “हे मेरे बेटे परमेसवर बलिया खतर मेमने रा इतजाम अपु करगा।”

जब से बलि चडाणे री जगा पहुचे तब अबराहमा ने ईसहाका जो बनी के बली री बेदीया पर सुलाई दिता। से अपने बेटे जो मारने ई वाला था। तबी परमेसवरे ने बोलया, “रुकी जा अपने बेटे जो मत मार। अब मिजो पता लगी गा कि तु मिजो दिला ते माना ते अपना ईक कला बेटे भी मा खतर नी बचाया।”

साथे ई अबराहमा ने ईक खाडू देखया, से चिटा च फसीरा था।इसहाका रे बदले परमेसवरे बलिया खतर पेड़ा रा इनतजाम किता। अबराहमा ने खुस हुई के खाडू री बली चडाई ती।

तब परमेसवरे अबराहमा जो बोलया, “तु मा खतर सब कुछ देणे जो तैयार था अपने कले बेटेजो भी; ईते खतर अऊतिजो सब कुछ देने रा वादा करा। तेरा जाती आसमाणा रे तारे ते बी जयादा हुणी। ते मेरी सारी बात मानी ईते खतर अऊ तेरे परीवारा रे खतर संसारा रे सबी घराने जो आसीस देगा।”