6. परमेसवर इसहाका खतर इन्तजाम करा

जब अबराहम बहुत बुडा हाई गया; तब तिसरा बेटा, एसहाक, ब्‍या करने खतर जवान हुई गा था। तब अबराहमा ने अपने ईक सेवक आ जो अपने बेटा इसहका जो तिस देसा ते ईक करवाली लाने जो पेजया जिती तिस रे रिसतेदार थे।

जिती अबराहमा रे अपने रेया थे तिस देसा जो जाणे री ईक लबे रसते ते बाद परमेसवरा ने तिसा सेवका रा सामना रिबका ते करवाया। से अबराहमा री पाईया री पोती थी।

रिबक अपने परिवारा जो छडी के तिस सेवका कने जाणे जो तैयार हुई गी। तब जिया ही से घर पहुचे ए ईसहाका ने तिसा कने ब्या करी लेयाँ।

बहुत दिना बाद, अबराहम मरी गया। तब परमेसवरा ने अबरानम आ रे बेटा इशहाका जो, अबरहमा रे साथी जो वादा कीतया था तिते री वजय ते आसीस दिती। अब तिते च परमेसवरा रा ईक वादा था। कि अबराहमा रे अनगिन्त वनसज हुगे। पर असहाका री पत्‍नी रिबका रे कोइ बच्‍चे नही हुआ।

इसहाका ने रिबका खतर दुआ मंगी, तब परमेसवरा ने तिसा जो जुडवा बच्‍चे पैदा करने री आसीस दिती। जिस समय बच्‍चे रिबका रे पेटा ची थे से अपुच लडने लगीगे, एते खतर रिबका ने जो कुछ हुणे लगीरा था परमेसवरा जो बताई ता।

परमेसवरे रिबका जो बोलया, “तु दो बेटा जो पैदा करगी। तिना रे दो लग लग जाती हुणी।से ईक दुजे कने लडने। पर बडे बच्‍चे ते पैदा हुणे वाला जाती जो छोटे बच्‍चे रे जाती री बात मानणी पडनी।”

जब रिबका रे बच्‍चे पैदा हुऐ, तब बडा बेटा लाल ओर बाला वाला था, तिने तिसरा नाव एसाव रखया।तब छोटा बेटा एसावा री अडी पकडी के पैदा हुआ,तिने तिसरा नाम याकुब रखया।