7. परमेसवर याकुबा जो आसिस देया

जब से बच्‍चे बडे हुए तब याकूबा जो करे रेणा ठीक लगया; पर एसावा जो जानवरा रा सकार करना ठीक लगया। रिबका याकुबा कने ज्यादा प्‍यार करा थी; पर इसहाका ने एसावा कने ज्‍यादा प्‍यार किता।

ईक दिन जब एसाव सकार करिके वापिस आया तब से बडा पुखा था। एसावा ने याकुब आ कने बोलया, “जो ते पकाइरा तिते ते थोडा जा मिजो भी देदे।” याकुबा ने बोलया, “पेले मा कने वादा कर की बडा हुणे रे खतर जो चीज तिजो मिलाइ से तु मिजो देगा।” यसावा ने से सब देणेरा वादा करता।तब याकुबा ने तिसो खाणा दितया।

इसहाक एसावा जो आसिस देणा चा था। पर ईते पेहले की से एडा करदा रिबका और याकुबा ने एसावा कने तोखा किता और याकूब ने एसाव होने रा ढोंग किता। इसहाक बुडा था ओर देखी नी सकदा था इते खतर याकुबा ने एसावा रे कपडे पैने ओर बकरीया री खाल अपने आथ ओर गलेच लपेटी ली।

याकुब इसहाका गे आया ओर, बोलया आऊ इसाव हु अऊ इते खतर आई रा बी तु मिजो आसिस दे जब इसहाका ने बकरीया रे बाल छुए ओर तिसो सुगया।तब तिने सोचया की ऐ एसाव आ तब तिसो आसिस दिती।

एसावा ने याकुबा कने नफरत किती तिने तिसरे बडे होने रा हक ओर आसिस जो तोखे कने चुराईली था।तब एसावा ने अपने पिता रे मरने रे बाद याकुबा जो मारने री तरकीब बनाई।

पर रिबका ने एसावा री योजना सुणी ली।ईते खतर इसहाका ने याकुबा जो अपणे रिसतेदारा गे दुर पेजीता।

याकुब बहुत साला तक रिबका रे रिसतेदारा कने रेया। तिस समय तिने ब्‍या बी कितया ओर बारह छोकरु ओर ईक छोटी जो पैदा किता।परमेसवरा ने तिस जो बहुत अमीर बनाया।

बी साला तक कनान देस च अपने परिवारा ते दुर रेणे ते बाद, याकुब अपणा परिवार, नोकर, ओर जानवरा जो लेई के साथी वापस आया।

याकुब ईते खतर बहुत डरी रा था कि एसाव अबु बी तिसो मारना चा।ईते खतर तिने बहुत सारे जानवर एसावा गे तोफे रे रुपा च पेजे।जो नोकर तिनाव लई के गे तिने बोलया, “तेरा दास याकुब ईना जानवरा जो तिजो देया।से छोडं ई आवणे लगीरा।”

पर एसाव अब याकुबा जो नी मारना चा था। से तो तिसो फेर देखी के बहुत खुस था। तिते बाद याकुब कनान देसआ च बहुत सुखा कने रेया।तब इसहाक मरी गया ओर याकुब ओर एसावा ने तिसो मिट्‍टी दिती। वादे री कसमा जो परमेसवरे ने अबराहमा कने किती थी से अब एसहाका ते याकुबा पर आई गी।