50. यीसुया रा वापस आऊणा

करीब 2,000 साला ते, संसारा च सारे जगह ज्‍यादा ते ज्‍यादा लोक मसीह यीसुआ रा सुसमाचार सुनने लगीरे। कलीसीया बडने लगीरी। यीसुआ ने कसम खाईरी बई से संसारा रे आखिरा च वापस आऊणा।जब की अबु से वापस नी आईरा, तब बी से अपणे वादे जो पुरा करगा।

जब असे यीसुआ रे वापस आऊणे रा इन्‍तजार कराए, परमेसवर असा ते ऐडा जीवन जीणे री कामना करा जो पवित्र ओ ओर जो तिसरा आदर करदा ओ। जब यीसु तरतिया पर रेया तब तिने बोलया, “मेरे चेले संसारा च सारी जगह रे लोका जो परमेसवरा रे राज्‍य रे बारे च सुभ संदेस ओर तिना जो बतागे,ओर तब तक आखरी दिन आई जाणा।”

बोत सारी जातीया ने अबु तक यीसुआ रे बारे च नी सुणीरा। सवर्ग जो जाणे ते पेले, यीसुआ ने मसीहियो जो तिना लोका जो सुसमाचार सुणाने जो बोलया जिने ईते जो कदी नी सुंणया। तिने बोलया, “जाओ ओर सारी जाता रे लोका जो चेला बनाओ।” ओर” कटाई करने खतर फसल आई गेरी!

यीसुआ ने ऐ बी बोलया, “कोइ बी आदमी अपणे मालिका ते बडा नी हुदा। इस संसारा रे बडे लोका ने मा ते नफरत किती,ओर मेरी वजह ते से तुसा जो बी तगंकरगे ओर मारी देगे। इस संसार च तुसे दुखी रेणे, पर खडे रेणा, मै शैताना जो हराई तेरा जो इस संसारा च राज करा। जे तुसे आखरी तक मेरी नजरा च ठीक रेओ, तो परमेसवर तुसा जो बचागा!”

यीसुआ ने अपणे चेलेया जो समझाणे खतर ईक काणी सुणाई बई जब संसारा रा आखरी समय हुआ तब लोका कने क्या हुणा। तिने बोलया, “बई ईक आदमीया ने अपणी बागटीया च सुणा बीज बीजया। जब से सुतिरा था तब तिसरा दुसमन आया ओर कनका रे बीजा रे बिचे जंगली बिज पाई ते, ओर तब से चली गा।”

“जब फसल उठी तब सेवका ने तिस आदमीया जो बोलया, ‘हे स्‍वामी, ते तो अपणी बागतीया च सुणा बीज बीजया था। तब ईते च जंगली पौधे किया आए?’ तिस आदमीया ने बोलया, ‘ऐ मेरे दुसमणा रा ही काम आ। ऐ मेरा कोई दुसमण ही आया जिने ऐडा कितया’।”

“तिने सेवका ने अपणे मालिका जो बोलया, ‘बई असा जो जंगली पौधे पटी देणे चाईए? तिस आदमीया ने बोलया, नही। जे तुसे ऐडा कितया तो तुसे कुछ फसल बी पटी देणी। फसल कटणे तक रुको। तिते बाद जंगली पौधेया जो ईक गडे च पाई दो बई तूसे तिते जो फुकी सको। पर फसला जो मेरे भण्डार करा च लेई आओ’।”

चेलेया ने ईसा बाता जो नी समजया, ईते खतर तिने यीसुआ जो इस बाता जो समझाणे जो बोलया। यीसुआ ने बोलया, “सुणा बीज बीजने वाला आदमी मसीह रे बारे च बतां। ओर बागटीया संसारा रे बारे च बताईया। ओर सुणा बीज परमेसवरा रे राज्‍य रे लोका ऐ।”

“जंगली पौधे तिस बुरे आदमी, शैताना रे लोक ऐ। तिस आदमीया रा दुसमन शैताना आ, जिने जंगली पौधे बीजी ते। कटाई ईस संसारा रा अन्‍त आ, ओर कटाई करने वाले परमेसवरा रे सवर्ग दुत ए।”

“जब संसारा रा अंत हुणा तब सवर्गदुत तिना सब लोका जो कठा करगे जो शैताना रे आए। से सवर्गदुत तिना जो बोत गरम आगा च फेकी देगे। तिथी से लोक कसटा च रेणे ओर अपणे दातं पीसगे। पर जो लोक तरमी ऐ, जिने यीसुआ जो मानया, से तिना रे परमेसवर पिता रे राज्‍य च सुरजा साई चमकणे।”

यीसुये ने ऐ बोलया बई से दुनिया रे अन्त हुणे तक तरतीता पर आऊणा। से तिस तरीके कने वापस आऊणा। जिया से गया था। जिया, तिसगे असली सरीर हुगा, ओर से आकासा पर सवार हुई कै आऊणा। जब यीसु आऊआ, तो हर ईक मसीह जो मरी गै से मरीरै मै तै जी ऊठणे ओर आकासा च मीलणे।

तब से मसीह जो अबु बी जीऊदे से अकाश च चकी लेणे ओर तिना दुजे मसीहया कने मिली जाने जो मरीरे मे ते जीउदे ऊई जाए। से सब तिथी यीसुआ कने हुणे। तिते बाद,यीसु अपणे लोका कने रेणा। जब से ईक साथी रेणे तब तिना गे सदा खतर सांति हुणी।

यीसुआ ने तिस पर बिसवास करने वाले हर ईक आदमीया जो मुकुट देणे रा वादा किता। से सदा खतर परमेसवरा री हर चीजा पर हकदार हुणे। तिना गे सदा सांति होणी।

पर परमेसवर तिना सबी रा इनसाफ करगा जो यीसुआ पर विसवास नी करदे। से तिना जो नरका च पाई देगा। से तिथी रोणे ओर पछताणे, ओर से सदा सजा कटदे रेणे। कदी नी बुजणे वाली आगा च सदा फुकदे रेणे, ओर तिना जो कीडे सदा खादे रेणे।

जब यीसु आऊणा, तब तिने शैताना जो ओर तिस रे राज्‍य जो खतम करी देणा। से शैताना जो नरका च पाई देगा। शैतान सदा खतर फुकदा रेणा, तिना सबी कने जिने परमेसवरा री बात मानने री बजय शैताना पिछे चलणे री सोची।

ईते खतर बई आदम ओर हव्‍वा ने परमेसवरा री बात नी मानी ओर पापा जो इस संसारा च लेई आए, परमेसवरा ने तिनाओ सराप दितया ओर तिसौ खतम करने रा फैसला लेया। पर ईक दिन परमेसवर ईक नवा सवर्ग ओर नवी तरतिया जो बणागा जो अच्‍छे हुणे।

यीसु ओर तिसरे लोक तिसा नवी तरतिया पर रेणे, ओर से सदा खतर सारी चीजा पर राज करगा। से लोका री आखीया ते सारे अंजु साफ करी देगा। अब कोई बी पीडा च दुखी नी हुणा।से रोणे नी।ना बमार हुणे ओर ना मरणे। ओर तिथी कोई बी बुरा काम नी हुणा। यीसु अपणे राज्‍य पर न्याय, ओर सांति कने राज्‍य करगा। से सदा खतर अपणे लोका कने रेणा।