49. परमेसवरा री नया वाचा

ईक सवर्ग दुता ने ईक जवान ओरत मरियमा जो बोलया बई से परमेसवरा रे बेटे जो जन्म देगी। से अबु कवारी थी, पर पवित्र आत्‍मा तिसा गे आया ओर से पेटा ते रेई गी। तिसे ईक बेटे जो पैदा कितया जिस रा नाम यीसु रखया। ईते खतर, यीसु परमेसवर ओर मनुशय दोनो आ।

यीसुआ ने बोत चमतकार किते जो बताए बई से परमेसवर आ। से पानीया पर चलया ओर तुफाना जो शान्‍तं कितया। तिने बोत सारे बमार लोका जो ठीक किता ओर बोत लोका मे ते बुरी आत्मा जो कडया। तिने मरीरे लोका जो जिंदा किता, ओर तिने पाजं रोटिया ओर दो मछलिया ते 5,000 लोका जो रोटी खलाई।

यीसु ईक महान गुरू था। जो तिने सखाया, से तिने सही करी के बताया। जो से लोका जो करने जो बोला से तिना जो करना चाइऐ बई से परमेसवरा रा बेटा। जिया, तिने सखाया की तुसा जो ओर लोका जो तिया प्‍यार करो जिया अपु जो कराय।

तिने ऐ बी सखाया बई तुसा जो सारी चीजा ते ज्‍यादा ओर अपणी जयदाता ते बी ज्‍यादा परमेसवरा जो प्‍यार करना चाईए।

यीसुआ ने बोलया बई संसारा च कोई बी चीजा जो पाने ते ज्‍यादा ठीक आ परमेसवरा रे राज्‍य च हुणा। तिसरे राज्‍य च जाने खतर जरुरी आ बई परमेसवर तुसा जो तुसा रे पापा ते बचाओ।

यीसुआ ने बोलया, “बई कुछ लोक तिसो मानगे। परमेसवर तिना लोका जो बचागा। पर दुजे लोक तिसो नी मानगे। तिने ऐ बी बोलया बई कुछ लोक सुणी तरतिया साई ऐ, से यीसुआ रे बारे च सुसमाचारा जो मांनी ले, तब परमेसवर तिना जो बचा। पर कुछ लोक रसते री सुखी तरतिया साईए। परमेसवरा रा वचन बीजा साई रसते पर गिरा, पर तिथी कुछ नी उगदा। ऐ लोक परमेसवरा रे सुसमाचारा जो नी मानदे। से तिसरे राजय च जाने जो ना करी दे।”

यीसुआ ने सखाया बई परमेसवर पापीया कने बोत प्‍यार करा। से तिना जो माफ करना चा ओर तिना जो अपणी औलाद बनाना चा।

यीसुआ ने ऐबी बताया बई परमेसवर पापा ते नफरत करा। आदम ओर हव्‍वा ने बी पाप कितया,ईते खतर तिना रे सारे वंशा ने बी पाप किता। ईस संसारा च रेणे वाला हर आदमी पाप करा ओर परमेसवरा ते दुर आ। हर आदमी परमेसवरा रा दुसमन आ।

पर परमेसवरा ने ईस संसारा च रेणे वाले हर आदमीया कने इया प्‍यार किता: बई तिने अपने ईकई बेटे जो देई ता बई परमेसवर तिना जो सजा न देओ जो तिस पर बिसवास कराए। बलकि, से हमेशा तिना कने रेओ।

तुसे मरने लायक ऐ, तुसे पाप कितया। तुसा कने परमेसवरा रा गुस्‍सा हुणा ठीक आ, इतेरी वजह, से यीसुआ पर गुससा हुआ। तिने यीसुआ जो कुरुसा पर चडाई के मरने री सजा दिती।

यीसुआ ने कदी पाप नी किता, तब बी तिने परमेसवरा जो तिसो सजा देणे दिती। तिने मरना ठीक समझया। ईस वजह ते तुसा रे पापा जो ओर ईस संसारा च रेणे वाले हर आदमीया रे पापा जो चकी के लेई जाने खतर से ईक सही बलिदान था। यीसुआ ने अपु जो परमेसवरा खतर बलिदान करीता, ईते खतर परमेसवर कोई बी पाप, ईथी तक की बहुत बुरे पापा जो बी माफ करा।

अब जे तुसे बोत सुने कामा जो कराए, तब बी परमेसवर तुसा जो नी बचागा। तिसरा दोसत बनने खतर ऐडा कुछ बी नीआ जो तुसे करी सको। बलिकी, तुसा जो बिसवास करना बई यीसु परमेसवरा रा बेटा, ओर से तुसा रे बदले करुसा पर मरीगा, ओर ऐबी बई परमेसवरा ने तिसौ दुबारा जिंदा करीता। जे तुसे ईते पर बिसवास कराए, तब परमेसवर तुसा रे पापा जो माफ करगा।

परमेसवर तिस हर आदमीया जो बचागा जो यीसुआ पर बिसवास करा ओर तिसो अपणा परमेसवर माना। पर से तिसो नि बचागा जो तिस पर बिसवास नी करदा। ओर ऐ कोई बात नी बई तुसे अमीर ए या गरीब, आदमी या ओरत, बजुर्ग ऐ या जवान, या तुसे किती रेयाए। परमेसवर तुसा कने प्‍यार करा ओर चा बई तुसे यीसुआ पर बिसवास करो बई से तुसा रा दोस्‍त बणी सको।

यीसु तुसा जो बुलाणे लगीरा बई तुसे तिस पर बिसवास करो ओर बपतिसमा लो। क्‍या तुसे बिसवास कराए बई परमेसवरा रा ईकलोता बेटा, यीसु ही मसीह आया? क्या तुसे बिसवास कराए बई तुसे पापीए ओर तुसे परमेसवरा ते सजा पाने लायक ए? क्या तुसे बिसवास कराए बई तुसा रे पापा जो मटाने खतर यीसु कुरुसा पर मरया?

जे तुसे यीसुआ पर जो तिने तुसा खतर कितया तिते पर बिसवास कराय, तो तुसे ईक मसीह आए! शैतान अब नेरे रे राज्‍य च अब तुसा पर राज नी करदा। अब परमेसवर अपणे प्रकासा रे राज्‍य ते तुसा पर राज करा। तिने तुसा जो पाप करने ते रोकी ता, जिते जो तुसे करा थे। तिने तुसा जो ईक नवा, अच्‍छा जिवन दितिरा।

जे तुसे ईक मसीह आए तो यीसुआ ने जो कितया तिसरे कारण परमेसवरा ने तुसा रे पापा जो माफ करीता। परमेसवर तुसा जो ईक दुसमना नी, पर अपणा सच्चा दोसत मन्‍ना।

जे तुसे परमेसवरा रे दोसत ऐ ओर प्रभु यीसुआ रे सेवक ऐ तो तुसे तिना बाता रा पालन करने खतर सोचगे जो यीसु तुसा जो सखा। जे तुसे ईक मसीह ऐ, शैतान अबु बी पाप करने खतर तुसा री परीशा लेगा। पर परमेसवर सदा सेइ करा जो बोला बई से करगा। से बोला बई जे तुसे अपणे पापा जो मानी लो, तो से तुसा जो माफ करगा। से तुसा जो पापा रे खिलाफ लडने री ताकत देगा।

परमेसवर तुसा जो प्राथना करने ओर तिसरे वचना जो पडने जो बोला। से तुसा जो दुजे बिसवासिया कने मिली के तिसरी सतुती करने जो बी बोला। तुसा जो ओर लोका जो बी बताणा बई तिने तुसा खतर क्या कितया। जे तुसे ईना कामा जो करो, तो तुसे तिसरे ईक अच्‍छे दोसत बणी जाणे।