48. यीसु ई वादे रा बेटा मसीह आ

जब परमेसवरे इस तरतिया री रचना किती तब सब कुछ सुणा था। कोई पाप नी था। आदम ओर हव्‍वा ईक दुजे जो प्‍यार करा थे, ओर से परमेसवरा कने बी पयार करा थे। कोई बमारी ओर मौत नी थी। परमेसवर ऐडे ही ससांरा जो चा था।

सैताना ने सापंआ रे रुपा च बगीचे च आई के हव्‍वा कने बात किती, बई तिसा जो तोखा देई सको। तब आदम ओर हव्‍वा ने परमेसवरा रे खिलाफ पाप किता। तिने जो पाप किता तिते खतर तरतीया पर रेणे वाले सारे लोक मराए।

जब आदम ओर हव्‍वा ने पाप किता, तब ओर बी बुरा हुआ। से परमेसवरा रे दुसमन बनी गे। जितेरी वजह ते, हर ईक आदमीया ने पाप किता। हर आदमी जनमा ते ई परमेसवर रा दुसमन आ। परमेसवरा ओर लोका रे विचे सान्‍ति नी थी। पर परमेसवर शानतिं लवाना चा था।

परमेसवरा ने कसम खाई बई से हव्‍वा रे कुला रा ईक वसं शैताना रे सिरा जो कुचलगा। तिने ऐ बी बोलया बई शैतान तिस री एडीया जो डसगा। दुजे तरीके कने बोलया, शैतान मसीह जो मारी देगां, पर परमेसवर तिसौ दुबारा जिंदा करगा। ईते बाद, मसीह शैताना री शक्‍तिया जो सदा खतर खतम करी देगा। बोत साला बाद, परमेसवरा ने दखाया बई से मसीह यीसुआ।

परमेसवरा ने तिस बाडा ते अपणे परिवारा जो बचाया जिते जो से लेई आवणे वाला था। नुहा ते ईक किसती बनाने जो बोलया ईते कने परमेसवरा ने तिना लोका जो बचाया जो तिस पर बिसवास करा थे। जिया, से सारे लोक परमेसवरा री नजरा च मारने लायक थे बई तिने पाप कितया था। पर तिना सबी जो बचाणे खतर परमेसवरा ने यीसुआ जो पेजया जो तिस पर बिसवास करा थे।

सैकडो साला तक, यहूदी पुजारी परमेसवरा खतर बलिदान करदे रे। जो असा जो बता बई लोका ने पाप किता, ओर ऐबी बई से परमेसवरा री तरफा ते सजा रे लायक थे। पर से बलिदान तिना रे पापा जो माफ नी करी सके। यीसु सबी ते बड़ा यहूदी पुजारी आ। तिने से कितया जो कोई बड़ा यहूदी पुजारी नी करी सकदा। तिने ईक मातर् बलिदान हुणे खतर अपु जो देई ता जो हर ईका रे पापा जो मटाई सका था। तिने मानया बई परमेसवर तिना रे पापा जो माफ करने खतर मिंजो बलिदान करे। ईते खतर, यीसु सिद बड़ा यहूदी पुजारी था।

परमेसवरा ने अबराहमा जो बोलया, “अऊ तेरे खतर संसारा रे सारे कुला जो आशीस देगा।” यीसु इसी अबराहमा रे कुला रा था। परमेसवर अबराहमा रे दवारा सब कुला जो आशीस देया, जो यीसुआ पर बिसवास कराए परमेसवर तिना सबी जो पापा ते बचा। जब लोक यीसुआ पर बिसवास कराय, परमेसवर तिना जो अबराहमा रे कुला ते माना।

परमेसवरा ने अबराहमा जो बोलया बई से अपना एकलोता बेटा, तिस खतर बलिदान करो। पर तब परमेसवरा ने इसहाका रे बदले बली करने जो ईक भेडा रा बच्‍चा दितया। असे सब अपणे पापा रि वजह ते मरने रे लायक थे! पर परमेसवरा ने मारी जगह मरने खतर यीसुआ जो बलिदान करीता। ईते खतर असे यीसुआ जो परमेसवरा रा मेमना बोलाए।

जब परमेसवरा ने मिसर देसा पर आखरी विपती पेजी तब तिने सबी इसराईला रे परिवारा जो बोलया बई से ईक भेडा रे बच्‍चे री बली देओ। तिस भेडा रे बच्‍चे च कोई दोस नी हुना चाईए। तब अपणे दरवाजे री चौखटा पर तिते रा खुन लगाणा था। जब परमेसवरा ने तिस खुना जो देखया तब से तिना रे करा ते आगे चलीगा ओर तिनारे जेठे बेटया जो नी मारया। जब ऐ सब हुआ तो परमेसवरा ने तिते जो फसह रा त्‍योहार बोलया।

यीसु फसह रे त्‍यौहारा रे ईक भेडा रे बच्‍चे साइआ। तिने कदी पाप नी कितया, ईते खतर से सुध था। से फसह रे त्‍यौहारा रे समय मरया। जब कोई यीसुआ पर बिसवास करां, तब यीसुआ रा खून तिस आदमिया रे पापा जो माफ करा। ऐ ऐडा जिया परमेसवर तिस आदमिया गे ते आगे चलीगा, ओर तिसो सजा नी दिती।

परमेसवरा ने इसराईली लोका कने ईक वादा किता, से ऐडे लोक थे जिना जो परमेसवरा ने अपने लोक हुणे जो चुनया था। पर अब परमेसवरा ने ईक ऐडी वादा किता जो सबी खतर थी। अब किसी बी जाता रा कोई बी आदमी ईस नया वादे जो माना, तो से परमेसवरा रे लोका च आई जा। से ऐडा ईते खतर करा बई से परमेसवरा पर बिसवास करो।

मुसा ईक ऐडा भविश्यवकता था जिने परमेसवरा रे वचना रा बडा बिसवासा कने परचार कितया। पर यीसु सबी भविश्यवकता मे ते ईक आ। से परमेसवर आ, ईते खतर तिने जो कुछ कितया ओर बोलया से परमेसवरा रा काम ओर वचन था। ईते खतर पवित्र शास्‍त्र यीसुआ जो परमेसवरा रा वचन बोला।

परमेसवरा ने राजा दाऊदा कने कसम खाई थी बई राजा रे रुपा च तिसरा ईक बशंज परमेसवरा रे लोका पर सदा राज करगा। यीसु परमेसवरा रा बेटा मसीह आ, ईते खतर से राजा दाऊदा रा वशंज आ जो सदा खतर राज करी सका।

दाऊद तो इसराईला रा राजा था, पर यीसु सारे संसारा रा राजा! से फेर आवणा ओर सदा खतर न्याय ओर सुखा कने अपणे राजय पर राज करगा।